TG PECET 2024: తెలంగాణ పీఈసెట్ హాల్టికెట్లు విడుదల - ఫిజికల్, స్కిల్ టెస్టులు ఎప్పటినుంచంటే?
TG PECET 2024: తెలంగాణ పీఈసెట్-2024 హాల్టికెట్లను శాతావాహన యూనివర్సిటీ విడుదల చేసింది. అధికారిక వెబ్సైట్లో హాల్టికెట్లను అందుబాటులో ఉంచింది. జూన్ 10 నుంచి 13 వరకు ఈవెంట్లు నిర్వహించనున్నారు.
Telangana PECET 2024 Halltickets: తెలంగాణలోని వ్యాయామ కళాశాలల్లో ప్రవేశాల కోసం నిర్వహించనున్న 'టీజీ పీఈసెట్ (TG PECET)- 2024' హాల్టికెట్లు విడుదలయ్యాయి. అధికారిక వెబ్సైట్లో హాల్టికెట్లను అందుబాటులో ఉంచారు. దరఖాస్తు చేసుకున్న అభ్యర్థులు తమ రిజిస్ట్రేషన్ నెంబరు, పుట్టినతేదీ వివరాలు నమోదుచేసి హాల్టికెట్లు డౌన్లోడ్ చేసుకోవచ్చు. ప్రకటించిన షెడ్యూలు ప్రకారం జూన్ 10 నుంచి 13 వరకు ఫిజికల్ టెస్ట్, స్కిల్ టెస్టులు నిర్వహించనున్నారు. ఈ ఏడాది టీఎస్ పీఈసెట్ను శాతవాహన యూనివర్సిటీ పరీక్షల బాధ్యతను స్వీకరించిన సంగతి తెలిసిందే. పీఈసెట్ పరీక్షల ద్వారా రాష్ట్రంలోని 20 వ్యాయామ కళాశాలల్లో బీపీఎడ్(B.PEd), డీపీఎడ్(D.PEd) కోర్సుల్లో సీట్లను భర్తీచేయనున్నారు. వీటిలో 16 బీపీఎడ్ కాలేజీల్లో 1660 సీట్లు, నాలుగు డీపీఎడ్ కాలేజీల్లో 350 సీట్లు అందుబాటులో ఉన్నాయి.
Download PECET 2024 Halltickets..
ఫిజికల్ ఎఫీషియన్సీ టెస్ట్ విధానం..
➥ మొత్తం 400 మార్కులకు ఫిజికల్ ఎఫీషియన్సీ టెస్ట్ (ఫిజికల్ ఈవెంట్లు) నిర్వహిస్తారు. ఇందులో మొత్తం నాలుగు ఈవెంట్లు ఉంటాయి. ఒక్కో ఈవెంట్కు 100 మార్కులు కేటాయించారు.
➥ వీటిలో పురుషులకు 100 మీటర్ల పరుగు-100 మార్కులు, 800 మీటర్ల పరుగు-100 మార్కులు, షాట్పుట్(6 కేజీలు)-100 మార్కులు, లాంగ్ జంప్/హైజంప్-100 మార్కులు ఉంటాయి.
➥ ఇక మహిళలకు 100 మీటర్ల పరుగు-100 మార్కులు, 400 మీటర్ల పరుగు-100 మార్కులు, షాట్పుట్(4 కేజీలు)-100 మార్కులు, లాంగ్ జంప్/హైజంప్-100 మార్కులు ఉంటాయి.
➥ గర్భిణీ స్త్రీలు ఫిజికల్ ఈవెంట్లకు అనర్హులు.
స్కిల్ టెస్ట్ (Skill Test) ఇలా..
ఫిజికల్ ఈవెంట్లలో అర్హత సాధించినవారికి తర్వాతి దశలో స్కిల్ టెస్ట్ నిర్వహిస్తారు. ఇందులో భాగంగా కింది స్పోర్ట్స్ విభాగాల్లో నైపుణ్యాలు పరీక్షిస్తారు.
అవి: బాల్ బ్యాడ్మిండన్, బాస్కెట్ బాల్, క్రికెట్, ఫుట్బాల్, హ్యాండ్బాల్, హాకీ, కబడ్డీ, ఖోఖో, షటిల్ బ్యాడ్మింటన్, లాన్ టెన్నిస్, వాలీబాల్.
వివరాలు...
* టీఎస్పీఈసెట్ (TS PECET)- 2024
⫸ బీపీఈడీ (బ్యాచిలర్ ఆఫ్ ఫిజికల్ ఎడ్యుకేషన్)
⫸ డీపీఈడీ (డిప్లొమా ఇన్ ఫిజికల్ ఎడ్యుకేషన్)
అర్హతలు..
➥ బీపీఈడీ (బ్యాచిలర్ ఆఫ్ ఫిజికల్ ఎడ్యుకేషన్) కోర్సుకు ఏదైనా డిగ్రీ అర్హత ఉన్నవారు దరఖాస్తు చేసుకోవడానికి అర్హులు.
➥ డీపీఈడీ (డిప్లొమా ఇన్ ఫిజికల్ ఎడ్యుకేషన్) కోర్సుకు ఇంటర్ లేదా తత్సమాన విద్యార్హత ఉన్నవారు దరఖాస్తు చేసుకోవడానికి అర్హులు.
వయోపరిమితి..
➥ బీపీఈడీ కోర్సుకు అభ్యర్థుల వయసు 2024, జులై 1 నాటికి 19 సంవత్సరాలు నిండి ఉండాలి.
➥ డీపీఈడీ కోర్సుకు అభ్యర్థుల వయసు 2024, జులై 1 నాటికి 16 సంవత్సరాలు నిండి ఉండాలి.
తెలంగాణలోని వ్యాయామ కళాశాలల్లో ప్రవేశాల కోసం నిర్వహించే టీఎస్ పీఈసెట్- 2024 నోటిఫికేషన్ శాతావాహన యూనివర్సిటీ ఏపీ ఉన్నతవిద్యామండలి పక్షాన మార్చి 12న వెల్లడించిన సంగతి తెలిసిందే. దీనిద్వారా బీపీఎడ్(B.PEd), డీపీఎడ్(D.PEd) కోర్సుల్లో ప్రవేశాలు కల్పించనున్నారు. ఇందుకు సంబంధించిన దరఖాస్తు ప్రక్రియ మార్చి 14న ప్రారంభంకాగా.. ఎలాంటి ఆలస్య రుసుములేకుండా మే 25 వరకు ఆన్లైన్ దరఖాస్తులు స్వీకరించారు. అయితే రూ.500 ఆలస్య రుసుముతో మే 31 వరకు దరఖాస్తులు స్వీకరించారు. దరఖాస్తు చేసుకున్న అభ్యర్థులకు జూన్ 10 నుంచి 13 వరకు పరీక్షలు నిర్వహించనున్నారు. జూన్ నాలుగో వారంలో ఫలితాలను విడుదల చేయనున్నారు.
టాప్ హెడ్ లైన్స్
ట్రెండింగ్ వార్తలు
