TG ICET 2025: టీజీఐసెట్- 2025 నోటిఫికేషన్ విడుదల, దరఖాస్తుల స్వీకరణ ఎప్పటినుంచంటే?
TS ICET-2025 నోటిఫికేషన్ మార్చి 6న విడుదలైంది. అభ్యర్థులు మార్చి 10 నుంచి దరఖాస్తులు సమర్పించాల్సి ఉంటుంది.సరైన అర్హతలున్న అభ్యర్థులు మే 3 వరకు దరఖాస్తులు సమర్పించవచ్చు.
Telengana ICET 2025 Notification: తెలంగాణలో ఎంబీఏ, ఎంసీఏ కోర్సుల్లో ప్రవేశాలకు నిర్వహించే తెలంగాణ ఐసెట్ (TG ICET 2025) నోటిఫికేషన్ మార్చి 6న వెలువడింది. నల్గొండలోని మహాత్మాగాంధీ యూనివర్సిటీలో వర్సిటీ వీసీ ప్రొఫెసర్ ఖాజా అల్తాఫ్ హుస్సేన్, టీఎస్ ఐసెట్ కన్వీనర్, ఎంజీయూ రిజిస్ర్టార్ ప్రొఫెసర్ అల్వాల రవి ఐసెట్ నోటిఫికేషన్ విడుదల చేశారు. అభ్యర్థులు మార్చి 10 నుంచి ఆన్లైన్ విధానంలో దరఖాస్తులు సమర్పించవచ్చు. దరఖాస్తు ఫీజుగా ఎస్సీ, ఎస్టీ, దివ్యాంగులు రూ.550; బీసీ, జనరల్‌ అభ్యర్థులు రూ.750 చెల్లించాల్సి ఉంటుంది. అయితే ఆలస్య రుసుము లేకుండా మే 3 వరకు దరఖాస్తులు సమర్పించే అవకాశం కల్పించారు. ఇక రూ.250 ఆలస్య రుసుముతో మే 17 వరకు, రూ.500 ఆలస్యరుసుముతో మే 26 వరకు దరఖాస్తులు సమర్పించవచ్చు.
ప్రకటించిన షెడ్యూలు ప్రకారం జూన్ 8, 9 తేదీల్లో అభ్యర్థులకు కంప్యూటర్ ఆధారిత విధానంలో రాతపరీక్ష నిర్వహిస్తారు. మొత్తం 4 షిఫ్టులలో రాష్ట్రవ్యాప్తంగా 16 ఆన్లైన్ కేంద్రాల్లో పరీక్ష నిర్వహించనున్నారు. జూన్ 8, 9 తేదీల్లో ఐసెట్ పరీక్షలు నిర్వహించనున్నారు. ఆయాతేదీల్లో ఉదయం 10 గంటల నుంచి 12.20 గంటల వరకు మొదటి సెషన్‌లో, మధ్యాహ్నం 2.30 గంటల నుంచి సాయంత్రం 5 గంటల వరకు రెండో సెషన్‌లో పరీక్షలు నిర్వహించనున్నారు.
వివరాలు..
* టీజీ ఐసెట్ - 2025
కోర్సులు - అర్హతలు..
1) ఎంసీఏ
అర్హత: 50 శాతం మార్కులతో ఏదైనా డిగ్రీ (బీసీఏ, బీఎస్సీ-కంప్యూటర్స్, బీకామ్, బీఏ). ఎస్సీ, ఎస్టీ, బీసీ అభ్యర్థులకు 45 శాతం మార్కులు ఉంటే సరిపోతుంది. అయితే ఇంటర్ స్థాయిలో కచ్చితంగా మ్యాథ్స్ ఒక సబ్జెక్టుగా చదివి ఉండాలి.
2) ఎంబీఏ
అర్హత: 50 శాతం మార్కులతో ఏదైనా డిగ్రీ (బీఏ/ బీఎస్సీ/ బీకామ్/ బీబీఏ/ బీబీఎం/ బీసీఏ/ బీఈ/ బీటెక్/ బీఫార్మసీ). ఎస్సీ, ఎస్టీ, బీసీ అభ్యర్థులకు 45 శాతం మార్కులు ఉంటే సరిపోతుంది. అయితే ఇంటర్ స్థాయిలో కచ్చితంగా మ్యాథ్స్ ఒక సబ్జెక్టుగా చదివి ఉండాలి.
వయోపరిమితి: ఐసెట్-2025 నోటిఫికేషన్ సమయానికి (06.03.2025) 19 సంవత్సరాలు నిండి ఉండాలి. ఎలాంటి గరిష్ఠ వయసు లేదు.
పరీక్ష విధానం..
మొత్తం 200 మార్కులకు ఐసెట్ ఆన్లైన్ ప్రవేశ పరీక్ష నిర్వహిస్తారు. పరీక్షలో మొత్తం 200 ప్రశ్నలు ఉంటాయి. పరీక్ష సమయం 150 నిమిషాలు. పరీక్షలో మూడు సెక్షన్లు (సెక్షన్-ఎ, బి, సి) ఉంటాయి. వీటిలో సెక్షన్-ఎ: అనలిటికల్ ఎబిలిటీ-75 ప్రశ్నలు-75 మార్కులు, సెక్షన్-బి: మ్యాథమెటికల్ ఎబిలిటీ-75 ప్రశ్నలు-75 మార్కులు, సెక్షన్-సి: కమ్యూనికేషన్ ఎబిలిటీ-50 ప్రశ్నలు-50 మార్కులు ఉంటాయి.
టీజీ ఐసెట్-2025 షెడ్యూలు..
➥ టీఎస్ ఐసెట్-2025 నోటిఫికేషన్: 06.03.2025.
➥ ఆన్లైన్ దరఖాస్తు ప్రక్రియ ప్రారంభం: 10.03.2025.
➥ ఆన్లైన్ దరఖాస్తుకు చివరితేది: 03.05.2025.
➥ రాతపరీక్ష తేదీలు: 08.06.2025 - 09.06.2025.
➥ రూ.250 అపరాధ రుసుముతో దరఖాస్తుకు చివరితేది: 17.05.2025.
➥ రూ.500 అపరాధ రుసుముతో దరఖాస్తుకు చివరితేది: 26.05.2025.
➥ దరఖాస్తుల సవరణ: 16.05.2025 - 20.05.2025.
➥ పరీక్ష తేదీ: 08.06.2025 - 09.06.2025.
➥ ఐసెట్ ప్రాథమిక కీ విడుదల: 21.06.2025.
➥ ప్రాథమిక కీపై అభ్యంతరాల స్వీకరణ: 22.06.2025 - 26.06.2025.
➥ ఐసెట్ 2025 ఫలితాల వెల్లడి: 07.07.2025.
పరీక్ష సమయం: (FN) 10.00 A.M. to 12.30 P.M & (AN) 2.30 P.M. to 5.00 P.M
టాప్ హెడ్ లైన్స్
ట్రెండింగ్ వార్తలు
