అన్వేషించండి

TS-TET: టీఎస్ టెట్‌-2024 హాల్‌టికెట్లు విడుదల, పరీక్ష ఎప్పుడంటే?

TS TET Halltickets: తెలంగాణలో ఉపాధ్యాయ అర్హత పరీక్ష టీఎస్ టెట్‌-2024 పరీక్షలకు సంబంధించిన హాల్‌టికెట్లు మే 16న విడుదలయ్యాయి. అధికారిక వెబ్‌సైట్‌లో హాల్‌టికెట్లను అందుబాటులో ఉంచారు.

By : ABP Desam, Omprakash | Updated at : 16 May 2024 08:15 PM (IST)

department of school education telangana has released ts tet 2024 exam halltickets download now TS-TET: టీఎస్ టెట్‌-2024 హాల్‌టికెట్లు విడుదల, పరీక్ష ఎప్పుడంటే?

టీఎస్ టెట్ 2024 అడ్మిట్ కార్డు

TS TET Halltickets: తెలంగాణలో ఉపాధ్యాయ అర్హత పరీక్ష టీఎస్ టెట్‌-2024 పరీక్షలకు సంబంధించిన హాల్‌టికెట్లు మే 16న విడుదలయ్యాయి. అధికారిక వెబ్‌సైట్‌లో హాల్‌టికెట్లను అందుబాటులో ఉంచారు. టెట్‌ పరీక్షలకు దరఖాస్తు చేసుకున్న అభ్యర్థులు జనరల్ నెంబరు, తమ పుట్టినతేదీ వివరాలు నమోదుచేసి హాల్‌టికెట్లు డౌన్‌లోడ్ చేసుకోవచ్చు.వాస్తవానికి మే 15న హాల్‌టికెట్లు విడుదల కావాల్సి ఉండగా.. సాంకేతిక కారణాల వల్ల జారీ చేయలేకపోయారు. దీంతో పరీక్షల హాల్‌టికెట్లను మే 16న సాయంత్రం విద్యాశాఖ విడుదల చేసింది. ప్రకటించిన షెడ్యూలు ప్రకారం మే 20 నుంచి జూన్ 2 వరకు టెట్ పరీక్షలు నిర్వహించనున్నారు. ఇందులో మే 20 నుంచి 29 వరకు పేపర్-2 పరీక్ష నిర్వహించనున్నారు. అదేవిధంగా మే 30 నుంచి జూన్ 2 వరకు పేపర్-1 పరీక్ష నిర్వహించనున్నారు. ఆయా తేదీల్లో ప్రతిరోజు రెండు సెషన్లలో ఆన్‌లైన్ విధానంలో పరీక్షలు నిర్వహించనున్నారు.

తె గా లంణ టెట్ 2024 హాల్‌టికెట్ల కోసం క్లిక్ చేయండి..

తెలంగాణలో ఉపాధ్యాయ అర్హత పరీక్ష (TET)-2024కు దరఖాస్తు గడువు ఏప్రిల్ 20తో ముగిసిన సంగతి తెలిసిందే. దరఖాస్తు గడువు ముగిసే సమయానికి టెట్ పరీక్షల కోసం 2,83,441 మంది అభ్యర్థులు దరఖాస్తు చేసుకున్నారు. ఇందులో పేపర్-1కి 99,210 మంది దరఖాస్తు చేసుకోగా.. పేపర్-2కి 1,84,231 మంది దరఖాస్తులు సమర్పించారు. ఏప్రిల్ 11 నుంచి 20 వరకు దరఖాస్తులోని వివరాలను సవరించుకునేందుకు అవకాశం కల్పించగా.. పేపర్-1లో 6,626 మంది, పేపర్-2లో 11,428 మంది అభ్యర్థులు వివరాలను సరిచేసుకున్నారు.

పరీక్ష విధానం: టెట్ పరీక్షలకు సంబంధించి 150 మార్కులకు పేపర్-1, 150 మార్కులకు పేపర్-2 నిర్వహించనున్నారు. ఒక్కో పేపరులో 150 ప్రశ్నలు ఉంటాయి. పేపర్-1లో 5 విభాగాలు ఉంటాయి. ఒక్కో విభాగంలో 30 ప్రశ్నలు- 30 మార్కులు కేటాయించారు. ఇక పేపర్-1లో 4 విభాగాలు ఉంటాయి. వీటిలో మొదటి మూడు విభాగాల్లో 30 ప్రశ్నలు- 30 మార్కులు, నాలుగో విభాగానికి 60 ప్రశ్నలు - 60 మార్కులు కేటాయించారు. పరీక్షల్లో అర్హత మార్కులను 60 శాతం, బీసీలకు 50 శాతం, ఎస్సీ-ఎస్టీ-దివ్యాంగులకు 40 శాతంగా నిర్ణయించారు.

మాక్ టెస్టులు అందుబాటులో..
టెట్ పరీక్షకు సన్నద్ధమయ్యే అభ్యర్థుల సౌకర్యార్దం మాక్ టెస్టులను విద్యాశాఖ అందుబాటులో ఉంచింది. పరీక్ష సరళిని అంచనా వేయడానికి ఈ మాక్ టెస్టులు ఉపయోగపడతాయి.

మాక్ టెస్టుల కోసం క్లిక్ చేయండి..

TS TET - 2024 పరీక్షల షెడ్యూల్ ఇలా..

➥ మే 20: పేప‌ర్-2 మ్యాథ్స్ అండ్ సైన్స్ (సెష‌న్ 1)

➥ మే 20: పేప‌ర్-2 మ్యాథ్స్ అండ్ సైన్స్ (సెష‌న్ 2)

➥ మే 21: పేప‌ర్-2 మ్యాథ్స్ అండ్ సైన్స్ (సెష‌న్ 1)

➥ మే 21: పేప‌ర్-2 మ్యాథ్స్ అండ్ సైన్స్ (సెష‌న్ 2)

➥ మే 22: పేప‌ర్-2 మ్యాథ్స్ అండ్ సైన్స్ (సెష‌న్ 1)

➥ మే 22: పేప‌ర్-2 మ్యాథ్స్ అండ్ సైన్స్ (సెష‌న్ 2)

➥ మే 24: పేప‌ర్-2 సోష‌ల్ స్టడీస్(మైన‌ర్ మీడియం)(సెష‌న్ 1)

➥ మే 24: పేప‌ర్-2 సోష‌ల్ స్టడీస్ (సెష‌న్ 2)

➥ మే 28: పేప‌ర్-2 సోష‌ల్ స్టడీస్ (సెష‌న్ 1)

➥ మే 28: పేప‌ర్-2 సోష‌ల్ స్టడీస్ (సెష‌న్ 2)