Court Exam Hall Tickets:జిల్లా కోర్టు ఉద్యోగ పరీక్షల హాల్‌టికెట్లు వచ్చేశాయ్, ఎగ్జామ్ షెడ్యూల్ ఇదే!

పరీక్షలకు సంబంధించిన హాల్‌టికెట్లను డిసెంబరు 16న అధికారులు విడుదల చేశారు. వెబ్‌సైట్‌లో హాల్‌టికెట్లను అందుబాటులో ఉంచారు. అభ్యర్థులు తమ ఓటీపీఆర్ ఐడీ, పుట్టినతేది వివరాల ద్వారా డౌన్‌లోడ్ చేసుకోవచ్చు.

ఏపీ కోర్టు ఉద్యోగాల పరీక్ష హాల్‌టికెట్లు

ఏపీలోని జిల్లా కోర్టుల్లో 3432 ఉద్యోగాల భర్తీకి నోటిఫికేషన్ వెలువడిన సంగతి తెలిసిందే. ఈ ఉద్యోగాల భర్తీకి డిసెంబరు 21 నుంచి జనవరి 2 వరకు నియామక పరీక్షలు నిర్వహించనున్నారు. పోస్టుల ఆధారంగా తగినన్ని షిఫ్టుల్లో పరీక్షలు నిర్వహించనున్నారు. పరీక్షలకు సంబంధించిన హాల్‌టికెట్లను శుక్రవారం (డిసెంబరు 16) అధికారులు విడుదల చేశారు. అధికారిక వెబ్‌సైట్‌లో హాల్‌టికెట్లను అందుబాటులో ఉంచారు. ఉద్యోగాలకు దరఖాస్తు చేసుకున్న అభ్యర్థులు తమ ఓటీపీఆర్ ఐడీ, పుట్టినతేది వివరాలు నమోదుచేసి హాల్‌టికెట్లు డౌన్‌లోడ్ చేసుకోవచ్చు.

హాల్‌టికెట్ల కోసం క్లిక్ చేయండి..

పరీక్షల షెడ్యూలు ఇలా...

పోస్టు పేరు	సెషన్లు	పరీక్ష తేది
స్టెనోగ్రాఫర్/జూనియర్ అసిస్టెంట్/టైపిస్ట్/ ఫీల్డ్ అసిస్టెంట్ (కామన్ టెస్ట్)	12 సెషన్లలో	21.12.2022 (3 షిఫ్టుల్లో) 22.12.2022 (3 షిఫ్టుల్లో) 23.12.2022 (1 షిఫ్టు - మార్నింగ్) 29.12.2022 (2 షిఫ్టుల్లో) 02.01.2023 (3 షిఫ్టుల్లో)
కాపీయిస్ట్/ఎగ్జామినర్/రికార్డ్ అసిస్టెంట్ (కామన్ టెస్ట్)	2 సెషన్లలో	26.12.2022 (1 షిఫ్టుల్లో)
డ్రైవర్/ ప్రాసెస్ సర్వర్/ ఆఫీస్ సబార్డినేట్ (కామన్ టెస్ట్)	8 సెషన్లలో	26.12.2022 (1 షిఫ్టులో) 27.12.2022 (3 షిఫ్టుల్లో) 28.12.2022 (3 షిఫ్టుల్లో) 29.12.2022 (1 షిఫ్టులో)

ప్రకటించిన 3432 పోస్టుల్లో ఆఫీస్ సబార్డినేట్-1520, జూనియర్ అసిస్టెంట్-681, ప్రాసెస్‌ సర్వర్-439, కాపీయిస్ట్-209, టైపిస్ట్-170, ఫీల్డ్ అసిస్టెంట్-158, ఎగ్జామినర్-112, స్టెనోగ్రాఫర్-114 పోస్టులు ఉండగా.. మిగతావి రికార్డ్ అసిస్టెంట్, డ్రైవర్ పోస్టులు ఉన్నాయి. అభ్యర్థులు ఆన్‌లైన్ విధానంలో దరఖాస్తు చేసుకోవాల్సి ఉంటుంది. కంప్యూటర్ ఆధారిత పరీక్ష, ఇంటర్వ్యూ, ధ్రువపత్రాల పరిశీలన ఆధారంగా అభ్యర్థులను ఎంపికచేస్తారు.

జిల్లా కోర్టుల్లో ఉద్యోగాల భర్తీకీ అక్టోబరు 22న దరఖాస్తు ప్రక్రియ ప్రారంభంకాగా.. దరఖాస్తు చేసుకోవడానికి నవంబరు 11 వరకు అవకాశం కల్పించారు. ఇక అభ్యర్థులు పరీక్ష ఫీజుగా రూ.800 చెల్లించి ఆన్‌లైన్ ద్వారా తమ దరఖాస్తులు సమర్పించారు.

పోస్టుల వివరాలు ఇలా..

జిల్లా కోర్టు ఖాళీలు: 3432

ఏపీలో 6100 కానిస్టేబుల్ పోస్టులు, పూర్తి వివరాలు ఇలా!
ఏపీలో పోలీసు కానిస్టేబుల్ ఉద్యోగాల భర్తీకి ఆంధ్రప్రదేశ్ పోలీసు నియామక మండలి (APSLPRB) నవంబరు 28న నోటిఫికేషన్ విడుదల చేసింది. దీనిద్వారా రాష్ట్రంలోని పోలీసు స్టేషన్ల పరిధిలో 6100 కానిస్టేబుల్ పోస్టులను భర్తీ చేయనున్నారు. ఇంటర్ లేదా తత్సమాన విద్యార్హత ఉన్నవారు దరఖాస్తు చేసుకోవడానికి అర్హులు. ఎస్సీ, ఎస్టీ అభ్యర్థులైతే పదోతరగతి పాసై, ఇంటర్ చదువుతూ ఉండాలి. కానిస్టేబుల్ పోస్టుల భర్తీకి నవంబరు 30న మధ్యాహ్నం 3 గంటల నుంచి ఆన్‌లైన్ దరఖాస్తు ప్రక్రియ ప్రారంభంకానుంది. సరైన అర్హతలున్నవారు డిసెంబరు 28న సాయంత్రం 5 గంటల వరకు దరఖాస్తు చేసుకోవచ్చు. 
నోటిఫికేషన్, పోస్టుల వివరాల కోసం క్లిక్ చేయండి.. 

ఏపీలో 6,511 పోలీసు ఉద్యోగాలకు నోటిఫికేషన్ విడుదల!
ఏపీలోని నిరుద్యోగులకు ప్రభత్వం గుడ్ న్యూస్ తెలిపింది. రాష్ట్రంలో ఖాళీగా ఉన్న 6511 పోలీసు ఉద్యోగాల భర్తీకి పోలీసు నియామక మండలి నోటిఫికేషన్ విడుదల చేసింది. దీనిద్వారా 411 ఎస్‌ఐ పోస్టులు, 6100 కానిస్టేబుల్ పోస్టులను భర్తీ చేయనుంది. కానిస్టేబుల్ పోస్టులకు నవంబరు 30 నుంచి డిసెంబరు 28 దరఖాస్తు చేసుకోవచ్చు. ఎస్‌ఐ పోస్టులకు డిసెంబరు 14 నుంచి జనవరి 18 వరకు దరఖాస్తు చేసుకోవచ్చు. కానిస్టేబుల్ పోస్టులకు జనవరి 22న, ఎస్‌ఐ పోస్టులకు ఫిబ్రవరి 19న ప్రిలిమినరీ రాత పరీక్ష నిర్వహించనున్నారు. 
పోస్టుల పూర్తి వివరాల కోసం క్లిక్ చేయండి..