News
News
X

Vikarabad News : 48 గంటల అల్టిమేటం పెట్టిన బీఎస్పీ నేత ఆచూకీ లభ్యం, ఎక్కడున్నారంటే?

Vikarabad News : 48 గంటల్లో భార్య ఆచూకీ కనిపెట్టకపోతే ఆత్మహత్య చేసుకుంటానని అజ్ఞాతంలోకి వెళ్లిన సత్యమూర్తి ఆచూకీ లభ్యమైంది. సత్యమూర్తి కుమార్తెలతో సహా కాశీకి వెళ్లినట్లు పోలీసులు గుర్తించారు.

FOLLOW US: 

Vikarabad News : వికారాబాద్ జిల్లా బీఎస్పీ అధ్యక్షుడు సత్యమూర్తి ఆచూకీని పోలీసులు గుర్తించారు. తన భార్యను 48 గంటల్లో కనిపెట్టాలని అల్టిమేటం పెట్టిన సత్యమూర్తి ఇద్దరు కుమార్తెలతో సహా అజ్ఞాతంలోకి వెళ్లిపోయారు. 48 గంటల్లో తన భార్య ఆచూకీ లభించకపోతే ఆత్మహత్య చేసుకుంటామని హెచ్చరిస్తూ ఓ సెల్ఫీ వీడియో విడుదల చేశారు. దీంతో అప్రమత్తమైన పోలీసులు సత్యమూర్తి కోసం గాలింపు మొదలుపెట్టారు. ఎట్టకేలకు అతని ఆచూకీ గుర్తించారు. ఉత్తర్ ప్రదేశ్ లోని వారణాసిలో కుమార్తెలతో సహా సత్యమూర్తిని పోలీసులు అదుపులోకి తీసుకున్నారు. ముగ్గురు క్షేమంగా ఉన్నట్లు తాండూరు పోలీసులు పేర్కొన్నారు. అయితే తన భార్య ఆచూకీ కనిపించడం లేదంటూ మూడు నెలల క్రితం సత్యమూర్తి పోలీసులకు ఫిర్యాదు చేశారు. 

అసలేం జరిగింది? 

వికారాబాద్ జిల్లా బీఎస్​పీ అధ్యక్షుడు దొరిశెట్టి సత్యమూర్తి తాండూరు శివాజీ చౌర‌స్తా ప్రాంతంలో భార్యా పిల్లలతో కలిసి నివసిస్తున్నారు. స‌త్యమూర్తి భార్య అన్నపూర్ణ(36) ఇంట్లోనే ఉండేవారు. అయితే ఈ ఏడాది మార్చి 6వ తేదీ నుంచి ఆమె అదృశ్యమయ్యారు. స‌త్యమూర్తి తన కుటుంబ సభ్యులతో కలిసి భార్య ఆచూకీ కోసం గాలింపు చేప‌ట్టారు. రెండు రోజుల త‌రువాత తాండూరు పోలీసుల‌ను ఆశ్రయించి ఫిర్యాదు చేశారు. అయితే ఇప్పటికి మూడు నెలలు అవుతున్నా పోలీసులు ఆమె ఆచూకీ కనుక్కోలేదు. కుటుంబ స‌భ్యులు అన్నపూర్ణ తెలిస్తే త‌మ‌ను సంప్రదించాల‌ని, ఆమె గురించి తెలిపిన వారికి రూ.5 ల‌క్షల న‌గ‌దు బ‌హుమ‌తి ఇస్తామని సోష‌ల్ మీడియాలో పోస్టులు పెట్టారు. ఈ విషయం తాండూరులో చ‌ర్చనీయాంశ‌ం అయింది. 

సూసైడ్ లెటర్ 

ఇంటి నుంచి వెళ్లిపోయినప్పుడు అన్నపూర్ణ ఒక నోట్ రాశారు. అందులో తన భ‌ర్త దేవుడు. పిల్లలు జాగ్రత్త అని ఉంది. ఫిర్యాదు అందుకున్న కొన్ని రోజుల వరకు పోలీసులు గాలింపు చర్యలు చేపట్టి ఆ తర్వాత వదిలిపెట్టారు. సత్యమూర్తి భార్య మిస్సింగ్ పై పలు అనుమానాలు వ్యక్తం చేస్తున్నారు. ఆమె ఆచూకీ కోసం ముమ్మర ప్రయత్నాలు చేశారు. సీసీ ఫుటేజీలు ఫోన్ రికార్డులను సేకరించి పోలీసులకు అందజేశారు సత్యమూర్తి. అయినా పోలీసులు తన భార్య ఆచూకీ విషయంపై నిర్లక్ష్యం వహిస్తున్నారని ఆరోపణలు చేశారు. ఇక చేసేదేంలేక 48 గంటల్లో తన భార్యను కనిపెట్టాలని లేకపోతే పిల్లలతో కలిసి ఆత్మహత్య చేసుకుంటానని ఓ సెల్ఫీ వీడియో విడుదల చేశారు. సోషల్ మీడియా వాట్సాప్ గ్రూప్ ఓ సూసైడ్ లెటర్ కూడా పోస్ట్ చేసి అజ్ఞాతంలోకి వెళ్లిపోయారు. సత్యమూర్తి స్నేహితులు, బంధువులు ఆయన ఇంటికి వెళ్లి ఆరా తీయగా ఇంటికి తాళం వేసి ఉంది. సత్యమూర్తి ఫోన్ నెంబర్​ కూడా స్విచ్ ఆఫ్ వస్తుంది. ఈ విషయంపై బంధువులు పోలీసులను ఆశ్రయించారు. సత్యమూర్తి ఆచూకీ కోసం పోలీసులు గాలింపు మొదలు పెట్టారు. సీసీ కెమెరాలను జల్లెడ పట్టారు. దీంతో సత్యమూర్తి కుమార్తెలతో సహా హైదరాబాద్ శంషాబాద్ ఎయిర్ పోర్టుకు వెళ్లిన దృశ్యాలు సీసీ కెమెరాల్లో రికార్డు అయ్యాయి. అలాగే ఆయన కారును పార్కింగ్ లో గుర్తించారు. ముందు ముంబయి వెళ్లినట్లు పోలీసులు భావించినా అతడు కాశీలో ఉన్నట్లు గుర్తించారు.  

Published at : 27 Jun 2022 05:12 PM (IST) Tags: Varanasi vikarabad news TS News selfie video bsp leader satyamurthy

సంబంధిత కథనాలు

Road Accident : చిత్తూరు జిల్లాలో ఘోర రోడ్డు ప్రమాదం, తల్లీ కొడుకు మృతి!

Road Accident : చిత్తూరు జిల్లాలో ఘోర రోడ్డు ప్రమాదం, తల్లీ కొడుకు మృతి!

Cairo church Fire : కైరో చర్చిలో అగ్నిప్రమాదం, 41 మంది సజీవదహనం

Cairo church Fire :  కైరో చర్చిలో అగ్నిప్రమాదం, 41 మంది సజీవదహనం

Naina Jaiswal : నైనా జైస్వాల్ కు ఇన్ స్టాలో వేధింపులు, యువకుడు అరెస్టు!

Naina Jaiswal : నైనా జైస్వాల్ కు ఇన్ స్టాలో వేధింపులు, యువకుడు అరెస్టు!

Lovers Suicide: వాట్సాప్‌లో చాటింగ్, ఆపై పురుగుల మందు తాగి ప్రేమజంట ఆత్మహత్య - అసలేం జరిగిందంటే !

Lovers Suicide: వాట్సాప్‌లో చాటింగ్, ఆపై పురుగుల మందు తాగి ప్రేమజంట ఆత్మహత్య - అసలేం జరిగిందంటే !

Tirumala: టీటీడీలో టిక్కెట్ల మోసం - ఇంటి దొంగతో పాటు, మరో ఐదు మంది దళారులు అరెస్టు

Tirumala: టీటీడీలో టిక్కెట్ల మోసం - ఇంటి దొంగతో పాటు, మరో ఐదు మంది దళారులు అరెస్టు

టాప్ స్టోరీస్

Independence Day 2022: ప్రధాని మోదీ ఏ ప్రకటనలు చేస్తారో? స్వాతంత్య్ర దినోత్సవ ప్రసంగంపై అంచనాలు

Independence Day 2022: ప్రధాని మోదీ ఏ ప్రకటనలు చేస్తారో? స్వాతంత్య్ర దినోత్సవ ప్రసంగంపై అంచనాలు

మొట్టమొదటిసారి అలాంటి ఫోన్ లాంచ్ చేయనున్న వన్‌ప్లస్ - ఇక శాంసంగ్‌కు కష్టమే!

మొట్టమొదటిసారి అలాంటి ఫోన్ లాంచ్ చేయనున్న వన్‌ప్లస్ - ఇక శాంసంగ్‌కు కష్టమే!

Tirumala Rush: తిరుమలలో కొనసాగుతున్న రద్దీ, దర్శనానికి 40 గంటలు పైనే!

Tirumala Rush: తిరుమలలో కొనసాగుతున్న రద్దీ, దర్శనానికి 40 గంటలు పైనే!

pTron Tangent Duo: రూ.500లోపే వైర్‌లెస్ ఇయర్‌ఫోన్స్ - రీసౌండ్ పక్కా!

pTron Tangent Duo: రూ.500లోపే వైర్‌లెస్ ఇయర్‌ఫోన్స్ - రీసౌండ్ పక్కా!