Viral News: లావుగా ఉన్నాడని ఆరేళ్ల కొడుకుని కొట్టి మరీ ట్రెడ్‌మిల్ చేయించిన తండ్రి, తట్టుకోలేక బాలుడు మృతి

Viral News: అమెరికాలో ఓ తండ్రి కొడుకు లావుగా ఉన్నాడని బలవంతంగా కొట్టి ట్రెడ్‌మిల్ చేయించగా బాలుడు మృతి చెందాడు.

అమెరికాలో ఓ తండ్రి కొడుకు లావుగా ఉన్నాడని బలవంతంగా కొట్టి ట్రెడ్‌మిల్ చేయించగా బాలుడు మృతి చెందాడు.

Viral News: ఆరేళ్ల కొడుకు లావుగా ఉన్నాడని ఓ తండ్రి ఆ పిల్లాడితో ట్రెడ్‌మిల్ చేయించాడు. దానిపై పరిగెత్తలేక ఆ చిన్నారి కింద పడిపోతున్నాపదే పదే లాక్కొచ్చి దానిపై నిలబెట్టాడు. ఆ సమయంలో ఆ చిన్నారిని బెదిరించడమే కాకుండా విపరీతంగా కొట్టాడు. భయపడిపోయిన పిల్లాడు ఆ తరవాత ప్రాణాలు కోల్పోయాడు. chronic abuse కారణంగా బాలుడు చనిపోయినట్టు వైద్యులు వెల్లడించారు. అయితే..ఇదంతా 2021లో జరిగింది. కోర్టులో ఈ కేసు విచారణ సమయంలో తండ్రి బలవంతంగా ఆ చిన్నారితో ట్రెడ్‌మిల్‌ చేయించిన వీడియోని ప్రదర్శించారు. దీంతో ఒక్కసారిగా ఈ ఘటన ఇప్పుడు వైరల్ అయింది. నిందితుడి దోషిగా తేలితే జీవిత ఖైదు పడే అవకాశాలున్నాయి. ఇప్పటికే తండ్రిపై హత్యా నేరం నమోదైంది.

NEW: Mother breaks down in court as she watches her son’s father abuse her child by making him run on the treadmill because he was “too fat.”

New Jersey father Christopher Gregor is accused of killing his 6-year-old son Corey Micciolo.

New footage shows the boy repeatedly face… pic.twitter.com/aVKknkOGd5

— Collin Rugg (@CollinRugg) May 1, 2024

కొడుకుతో ట్రెడ్‌మిల్ చేయించే క్రమంలో చాలా కర్కశంగా ప్రవర్తించాడు నిందితుడు. కింద పడిపోతుంటే పైకి లాక్కురావడమే కాకుండా మెడపై గట్టిగా కొరికాడు. ఆ బాలుడి తల్లి ఈ ఘటనకు ప్రత్యక్ష సాక్షిగా ఉంది. ఆ జిమ్‌ వీడియో చూసినప్పటి నుంచి కన్నీళ్లు ఆగడం లేదంటూ ఆవేదన వ్యక్తం చేస్తోంది. జిమ్‌కి వెళ్లొచ్చిన తరవాత చిన్నారి అనారోగ్యానికి గురయ్యాడు. తల్లి వెంటనే హాస్పిటల్‌కి తీసుకెళ్లింది. అప్పటికే బాలుడు మంచంపై నుంచి లేవలేని స్థితిలో ఉన్నాడు. మాట్లాడలేకపోతున్నాడు. శ్వాస తీసుకోవడంలోనూ ఇబ్బంది పడుతున్నాడు. ఆ తరవాత వైద్యులు సిటి స్కాన్‌ చేశారు. అప్పటికే బాలుడి ఆరోగ్యం విషమించింది. కాసేపటికే ప్రాణాలు కోల్పోయాడు. గుండె, ఊపిరితిత్తులపై తీవ్ర ప్రభావం పడడం వల్ల చనిపోయినట్టు వైద్యులు వెల్లడించారు.