UP Man Killed By Lover: ఇద్దరు భార్యలు 18 మంది పిల్లలున్నా వివాహేతర బంధం - అదే ప్రాణం తీసింది !

UP Man Murder: ఆయనకు ఇద్దరు భార్యలు, 18 మంది పిల్లలు. ఆయినా మరో లవర్‌ను మెయిన్‌టెయిన్ చేస్తున్నాడు. చివరికి ఆమె చేతిలో చనిపోయాడు. ఈ ఘటన యూపీలో జరిగింది.

ఇద్దరు భార్యలు 18 మంది పిల్లలున్నా వివాహేతర బంధం - అదే ప్రాణం తీసింది !

Source : ంxx

UP Man With 18 Children From 2 Wives Killed By Lover: ఉత్తరప్రదేశ్‌లోని  బహ్రైచ్  జిల్లా, ఖైరీఘాట్ పోలీస్ స్టేషన్ పరిధిలోని బౌండి గ్రామానికి చెందిన నసీమ్  అనే వ్యక్తి జీవితం అత్యంత విచిత్రంగా ముగిసింది. నసీమ్‌కు ఇద్దరు భార్యలు, ఏకంగా 18 మంది పిల్లలు ఉన్నారు. అయితే, ఇంత పెద్ద కుటుంబం ఉన్నప్పటికీ, అదే గ్రామానికి చెందిన సల్మా అనే మహిళతో అతను వివాహేతర సంబంధం పెట్టుకున్నాడు. ఈ క్రమంలోనే నసీమ్ అదృశ్యం కావడం, ఆపై ఒక గోనె సంచిలో అతని మృతదేహం లభ్యం కావడంతో ఈ మిస్టరీ వెలుగులోకి వచ్చింది.        

ఇద్దరు భార్యలున్నా.. సరిపోక మరో మహిళతో వివాహేతర బంధం 

నసీమ్ తన ప్రియురాలు సల్మా ఇంటికి తరచుగా వెళ్లేవాడు. అయితే, గత కొంతకాలంగా వీరిద్దరి మధ్య ఆర్థిక విషయాల్లో లేదా వ్యక్తిగత కారణాలతో విభేదాలు తలెత్తినట్లు తెలుస్తోంది. ఈ క్రమంలోనే నసీమ్‌ను వదిలించుకోవాలని నిర్ణయించుకున్న సల్మా, అత్యంత కిరాతకమైన ప్లాన్ వేసింది. తన ఇంటికి వచ్చిన నసీమ్‌ను గొంతు నులిమి హత్య చేసి, ఎవరికీ అనుమానం రాకుండా మృతదేహాన్ని ఒక గోనె సంచిలో కుక్కి పక్కనే ఉన్న ఖాళీ ప్రదేశంలో పడేసింది.                

నసీమ్ కనిపించకపోవడంతో ఆందోళనతో ఇద్దరు భార్యల ఫిర్యాదు               

నసీమ్ ఇంటికి రాకపోవడంతో ఆందోళన చెందిన కుటుంబ సభ్యులు పోలీసులకు ఫిర్యాదు చేశారు. రంగంలోకి దిగిన పోలీసులు విచారణ ప్రారంభించారు. సమీపంలోని పొలాల్లో దుర్వాసన వస్తున్న ఒక గోనె సంచిని గుర్తించారు. దాన్ని తెరిచి చూడగా, కుళ్లిపోయిన స్థితిలో ఉన్న నసీమ్ మృతదేహం బయటపడింది. ఘటనా స్థలంలో లభించిన ఆధారాలు, కాల్ డేటా విశ్లేషణ ఆధారంగా పోలీసులు సల్మాను అదుపులోకి తీసుకుని విచారించగా అసలు నిజం బయటపడింది.                                                    

హత్యకు కారణాలపై పోలీసుల ఆరా!                                

ఈ హత్యలో సల్మాకు మరో వ్యక్తి సహకరించినట్లు పోలీసులు అనుమానిస్తున్నారు. కేవలం వివాహేతర సంబంధం వల్లే ఈ హత్య జరిగిందా లేక దీని వెనుక ఏదైనా ఆస్తి తగాదాలు ఉన్నాయా అనే కోణంలో పోలీసులు లోతుగా దర్యాప్తు చేస్తున్నారు. 18 మంది పిల్లలకు తండ్రి అయిన వ్యక్తి ఇలా అక్రమ సంబంధం మోజులో ప్రాణాలు కోల్పోవడం ఆ గ్రామంలో విషాదాన్ని, చర్చను రేకెత్తించింది. ప్రస్తుతం నిందితురాలు సల్మాను అరెస్ట్ చేసి జైలుకు తరలించారు.                           

    

మరిన్ని చదవండి

సహజీవనం చేసి వివాహిత దారుణహత్య.. బైకు మీద డెడ్‌బాడీ 50 కి.మీ తీసుకెళ్లిన నిందితుడు.. రంగారెడ్డిలో ఘటన

న్యూయార్క్ లోని ఎయిర్‌పోర్టులో ప్రమాదం.. రన్‌వే పై ట్రక్కును ఢీకొన్న ఎయిర్ కెనడా విమానం