Air Canada Express Plane Crash: న్యూయార్క్ లోని ఎయిర్‌పోర్టులో ప్రమాదం.. రన్‌వే పై ట్రక్కును ఢీకొన్న ఎయిర్ కెనడా విమానం

Air Canada Express Plane Crash | ఎయిర్ కెనడా ఎక్స్‌ప్రెస్ విమానం న్యూయార్క్ లోని లా గ్వార్డియా విమానాశ్రయం రన్ వే పై ట్రక్కును ఢీకొంది. ఈ ప్రమాదంలో 70 మంది వరకు గాయపడ్డారు.

Written By : Shankar Dukanam | Updated at : 23 Mar 2026 11:07 AM (IST)

Air Canada Express Plane Truck Collide On New Yorks La Guardia Airport Runway Air Canada Express Plane Crash: న్యూయార్క్ లోని ఎయిర్‌పోర్టులో ప్రమాదం.. రన్‌వే పై ట్రక్కును ఢీకొన్న ఎయిర్ కెనడా విమానం

న్యూయార్క్ విమానాశ్రయం లా గార్డియాలో ప్రమాదం

Source : X

Plane Truck Collide in New York | న్యూయార్క్: న్యూయార్క్ లోని లా గార్డియా విమానాశ్రయంలో భారీ ప్రమాదం జరిగింది. ఎయిర్ కెనడా ఎక్స్‌ప్రెస్ విమానం ఎయిర్‌పోర్టులో నిలిపి ఉంచిన ట్రక్కును ఢీకొనడంతో 70 మంది వరకు గాయపడ్డారు. వీరిలో కొందరి పరిస్థితి విషమంగా ఉన్నట్లు తెలుస్తోంది. సోమవారం (మార్చి 23)న ఈ ప్రమాదం జరిగింది. ఘటన జరిగిన వెంటనే రెస్క్యూ టీమ్ రంగంలోకి దిగి సహాయక చర్యలు ప్రారంభించారు. గాయపడిన వారిని చికిత్స కోసం వెంటనే ఆసుపత్రికి తరలించారు.

రన్‌వే పై నిలిచి ఉంచిన ట్రక్కును ఢీకొన్న విమానం..

రాయిటర్స్ నివేదిక ప్రకారం, యూఎస్ ఫెడరల్ ఏవియేషన్ అడ్మినిస్ట్రేషన్ ఒక నోటీసును విడుదల చేసింది. ప్రస్తుతం అన్ని విమానాలకు గ్రౌండ్ స్టాప్ ఉంటుందని, అంటే ఏ విమానం కూడా ఫ్లై చేయలేదని తెలిపింది. ఎయిర్ కెనడా ఎక్స్ప్రెస్ విమానం విమానాశ్రయంలో రన్ వే పై నిలిపి ఉంచిన అగ్నిమాపక వాహనాన్ని ఢీకొనడంతో విమానం ముందు భాగం తీవ్రంగా దెబ్బతినగా.. ఈ ప్రమాదంలో చాలా మంది గాయపడ్డారు.

🚨 BREAKING UPDATE: MULTIPLE CRITICAL PATIENTS AFTER AIR CANADA FLIGHT COLLIDES WITH VEHICLE WHILE LANDING AT LAGUARDIA AIRPORT. POSSIBLE FATALITIES. https://t.co/hZWimAuwe5 pic.twitter.com/62SUgxoUkA
— Breaking911 (@Breaking911) March 23, 2026

రన్‌వే 04/22ను దాటేందుకు ప్రయత్నిస్తున్న సమయంలో, ఎయిర్ కెనడా CRJ ఫ్లైట్ AC8646 విమానం 'ట్రక్ 1'గా గుర్తించిన ఒక ఫైర్ ట్రక్కును ఢీకొట్టడంతో ప్రమాదం జరిగింది. ఫ్లైట్-ట్రాకింగ్ డేటా ప్రకారం, ప్రమాదం జరిగిన సమయంలో ఎయిర్ కెనడా విమానం రన్‌వేపై కదులుతూ ఉంది. ఈ ఘటన తర్వాత విమానానికి సంబంధించిన వీడియోలు సోషల్ మీడియాలో వైరల్ అవుతున్నాయి.

BREAKING: Several injuries after Air Canada plane and firetruck collide on runaway at New York's LaGuardia Airport pic.twitter.com/cO6u5HD1YA
— BNO News (@BNONews) March 23, 2026

మరిన్ని చదవండి

హర్మూజ్ జలసంధి దాటాలంటే 2 మిలియన్ డాలర్ల టోల్ టాక్స్.. ఇరాన్ కీలక ప్రకటన

తూర్పుగోదావరి జిల్లాలో వివాహిత‌ మ‌ర్డ‌ర్ అండ్ రేప్ కేసులో రాజ‌మండ్రి కోర్టు సంచ‌ల‌న తీర్పు; మృగాళ్ల‌కు జీవిత ఖైదు,జ‌రిమానా!

About the author Shankar Dukanam

జర్నలిజంలో గత పదేళ్లుగా పనిచేస్తున్నారు. గత దశాబ్దకాలంలో పలు ప్రముఖ తెలుగు మీడియా సంస్థలలో పనిచేసిన అనుభవం ఆయనకు ఉంది. ఏపీ, తెలంగాణ, జాతీయ, అంతర్జాతీయ, రాజకీయ, వర్తమాన అంశాలపై కథనాలు అందిస్తారు. గ్రాడ్యుయేషన్ పూర్తయ్యాక జర్నలిజం కోర్సు పూర్తిచేసి కెరీర్‌గా ఎంచుకున్నారు. నేషనల్ మీడియాకు చెందిన పలు తెలుగు మీడియా సంస్థలలో సీనియర్ కంటెంట్ రైటర్‌గా సేవలు అందించారు. జర్నలిజంలో వందేళ్లకు పైగా చరిత్ర ఉన్న ఆనంద్ బజార్ పత్రిక నెట్‌వర్క్ (ABP Network)కు చెందిన తెలుగు డిజిటల్ మీడియా ఏబీపీ దేశంలో గత నాలుగేళ్ల నుంచి న్యూస్ ప్రొడ్యూసర్‌గా పనిచేస్తున్నారు.