Kannauj Railway Station: యూపీలో తీవ్ర విషాదం - రైల్వే స్టేషన్‌లో కూలిన పైకప్పు, శిథిలాల కింద చిక్కుకున్న కూలీలు

Roof Collapsed: యూపీలోని కన్నౌజ్ రైల్వే స్టేషన్‌లో శనివారం నిర్మాణంలో ఉన్న పైకప్పు కూలిపోయింది. ఈ ఘటనలో శిథిలాల కింద పదుల సంఖ్యలో కూలీలు చిక్కుకున్నారు. అధికారులు సహాయక చర్యలు చేపట్టారు.

రైల్వే స్టేషన్‌లో కుప్పకూలిన పైకప్పు

Source : ANI

Construction Roof Collapsed In Kannauj Railway Station: యూపీలో శనివారం ప్రమాదం జరిగింది. కన్నౌజ్ రైల్వే స్టేషన్‌లో నిర్మాణంలో ఉన్న భవనం పైకప్పు ప్రమాదవశాత్తు కూలిపోయింది. ఈ ఘటనలో పదుల సంఖ్యలో కూలీలు శిథిలాల కింద చిక్కుకుపోయారు. సమాచారం అందుకున్న పోలీసులు వెంటనే అక్కడికి చేరుకుని సహాయక చర్యలు చేపట్టారు. 23 మందిని రక్షించారు. గాయపడ్డ వారిని ఆస్పత్రికి తరలించి చికిత్స అందిస్తున్నారు. ముగ్గురికి తీవ్ర గాయాలు కాగా వారిని మెరుగైన చికిత్స నిమిత్తం లక్నోకు తరలించారు. కాగా, కన్నౌజ్ రైల్వే స్టేషన్‌లో (Kannauj Railway Station) ఆధునికీకరణ పనుల్లో భాగంగా పలు నిర్మాణాలు చేపట్టారు. ఈ క్రమంలోనే శనివారం మధ్యాహ్నం రెండో అంతస్తులో ఉన్న పైకప్పు ఒక్కసారిగా కుప్పకూలిపోయింది. భారీ శబ్దం రావడంతో స్థానికులు ఒక్కసారిగా భయాందోళనకు గురయ్యారు. ప్రమాదానికి గల కారణాలపై అధికారులు ఆరా తీస్తున్నారు.

#WATCH | Kannauj, Uttar Pradesh: An under-construction lintel collapsed at Kannauj railway station; several workers trapped

More details awaited pic.twitter.com/vqefsjtXDc

— ANI (@ANI) January 11, 2025

#WATCH | Uttar Pradesh | Visuals from the district hospital where the injured in Kannauj under-construction lintel collapse have been admitted

As per state minister Asim Arun, 23 people have been rescued, 20 people received minor injuries and are undergoing treatment. 3 people… https://t.co/nivr2uaQNE pic.twitter.com/DMG0YxK2fZ

— ANI (@ANI) January 11, 2025

సీఎం దిగ్భ్రాంతి

అటు, ఈ ఘటనపై యూపీ సీఎం యోగి ఆదిత్యనాథ్ (Yogi Adityanath) తీవ్ర దిగ్భ్రాంతి వ్యక్తం చేశారు. సహాయక చర్యలు వేగవంతం చేయాలని అధికారులను ఆదేశించారు. క్షతగాత్రులకు మెరుగైన వైద్యం అందించాలని అన్నారు. బాధితులంతా త్వరగా కోలుకోవాలని ఆకాంక్షించారు.