Tragedy at Vizag Beach: విశాఖ బీచ్‌లో విషాదం.. ముగ్గుర్ని రక్షించిన లైప్ గార్డ్స్, ఇద్దరు గల్లంతు
విశాఖ గోకుల్ పార్క్ బీచ్‌లో సముద్ర స్నానానికి దిగిన ఐదుగురు స్నేహితులను అలలు ముంచెత్తాయి. లైఫ్‌గార్డులు వారిలో ముగ్గురిని కాపాడగా, ఒకరు మృతిచెందారు.
విశాఖ: విశాఖపట్నంలోని ఆర్కే బీచ్ పరిసరాల్లో ఉన్న గోకుల్ పార్క్ బీచ్ వద్ద శనివారం తీవ్ర విషాదం చోటుచేసుకుంది. సరదాగా సముద్ర స్నానానికి వెళ్లిన ఐదుగురు స్నేహితులను మృత్యు కెరటాలు ముంచెత్తాయి. పరవాడ ప్రాంతానికి చెందిన ముగ్గురు యువతులు, ఇద్దరు యువకులు కలిసి సముద్రంలోకి స్నానానికి దిగగా, ఒక్కసారిగా ఎగిసిపడిన అలలు వారిని లోపలికి లాక్కెళ్లాయి.
ఈ ప్రమాదాన్ని గమనించిన జీవీఎంసీ లైఫ్‌గార్డులు వెంటనే స్పందించి ముగ్గురిని సురక్షితంగా ఒడ్డుకు చేర్చారు. గాలింపు చర్యల్లో మరొకరి మృతదేహం లభించగా, ఆచూకీ లభించని ఐదో వ్యక్తి కోసం పోలీసులు, మెరైన్ సిబ్బంది, గజ ఈతగాళ్లు సముద్రంలో తీవ్రంగా గాలిస్తున్నారు.
తీరంలో సముద్రం ప్రశాంతంగా కనిపించినా అలల ఉద్ధృతిని అంచనా వేయడం కష్టమని అధికారులు తెలిపారు. ప్రమాదకర ప్రాంతాల్లో అధికారుల హెచ్చరికలను నిర్లక్ష్యం చేస్తూ సముద్రంలో స్నానాలకు దిగవద్దని పోలీసులు, జీవీఎంసీ అధికారులు విజ్ఞప్తి చేస్తున్నారు. సరదాగా గడిపేందుకు వచ్చిన మిత్రుల బృందంలో ఇద్దరు చనిపోవడం ఈ ప్రమాదం వారి కుటుంబాల్లో తీవ్ర విషాదాన్ని నింపింది.
టాప్ హెడ్ లైన్స్
ట్రెండింగ్ వార్తలు
