Golden Temple:గోల్డెన్ టెంపుల్‌కి సమీపంలో మళ్లీ పేలుడు, ఐదుగురి అరెస్ట్

Golden Temple: గోల్డెన్ టెంపుల్ వద్ద మరోసారి బాంబు పేలుడు కలకలం రేపింది.

గోల్డెన్ టెంపుల్ వద్ద మరోసారి బాంబు పేలుడు కలకలం రేపింది.

Blast Near Golden Temple:

అర్ధరాత్రి బాంబు పేలుడు 

పంజాబ్‌లోని అమృత్‌సర్‌లో గోల్డెన్ టెంపుల్ వద్ద మరోసారి బాంబు పేలుడు కలకలం సృష్టించింది. ఇలా జరగటం ఇది మూడోసారి. దాదాపు 5 రోజుల వ్యవధిలోనే మూడుసార్లు ఆలయానికి సమీపంలోనే పేలుళ్లు సంభవించాయి. ఇటీవల జరిగిన పేలుడులో ఓ వ్యక్తి స్వల్పంగా గాయపడ్డాడు. ఇప్పుడు మళ్లీ అర్ధరాత్రి పేలుడు సంభవించింది. హెరిటేడ్ స్ట్రీట్‌లో అర్ధరాత్రి 1 గంటకు పేలుడు శబ్దం వినిపించింది. అయితే...ఈ పేలుడు తీవ్రత పెద్దగా లేకపోవడం వల్ల ఎలాంటి నష్టం జరగలేదు. పంజాబ్ పోలీసులు మాత్రం వెంటనే పేలుళ్లపై విచారణ జరిపారు. వీటితో సంబంధం ఉన్న ఐదుగురిని అరెస్ట్ చేశారు. ఈ నెల మే 6 వ తేదీన తొలిసారి పేలుడు జరిగింది. గోల్డెన్‌ టెంపుల్‌కి 2 కిలోమీటర్ల దూరంలో ఉన్న హెరిటేజ్ స్ట్రీట్‌లోనే వరుస పేలుళ్లు జరిగాయి. ఇప్పటికే NIAతో పాటు ఫోరెన్సిక్ టీమ్‌లు కూడా విచారణ జరిపాయి. స్పెషల్ ఇన్వెస్టిగేషన్ టీమ్ (SIT)కూడా ఈ కేసుని ఛేదించేందుకు తీవ్రంగానే ప్రయత్నించింది. హెల్త్ డ్రింక్ క్యాన్స్‌లో బాంబులు పెట్టి పేల్చినట్టు ప్రాథమిక విచారణలో తేలింది. 

Amritsar low intensity explosion cases solved

5 persons arrested

Press Conference will be held in #Amritsar @PunjabPoliceInd committed to maintaining peace and harmony in Punjab as per directions of CM @BhagwantMann

— DGP Punjab Police (@DGPPunjabPolice) May 11, 2023

వరుస పేలుళ్లు..

అమృత్‌సర్‌లోని గోల్డెన్ టెంపుల్‌కి సమీపంలో ఈ నెల 8వ తేదీన పేలుడు కలకలం రేపింది. ఈ ఘటనలో ఒకరికి గాయాలయ్యాయి. ఇప్పటికే ఇక్కడ ఓ సారి పేలుడు సంభవించింది. గ్యాస్ లీక్‌ అయ్యుంటుందని పోలీసులు భావించారు. అయితే...మళ్లీ ఇక్కడే బ్లాస్ట్‌ జరగడం టెన్షన్ పెంచుతోంది. చుట్టు పక్కల బిల్డింగ్‌ల అద్దాలు పాక్షికంగా ధ్వంసమయ్యాయి. ఈ పేలుడు ఎందుకు జరిగిందన్న విషయంలో ఇంకా క్లారిటీ రాలేదు. విచారణ జరుపుతున్నామని పోలీసులు వెల్లడించారు. గోల్డెన్‌ టెంపుల్‌కి కిలోమీటర్ దూరంలోనే పేలుడు సంభవించినట్టు తెలిపారు. ఫోరెన్సిక్ టీమ్స్‌ ఘటనా స్థలానికి చేరుకున్నాయని, విచారణ కొనసాగుతోందని స్పష్టం చేశారు. అటు సోషల్ మీడియాలో మాత్రం ఈ పేలుళ్లకు సంబంధించిన వార్తలు వైరల్ అవుతున్నాయి. కొంత మంది ఫేక్ న్యూస్‌నీ షేర్ చేస్తున్నారు. దీనిపై ఇప్పటికే పోలీసులు సూచనలు చేశారు.  గోల్డెన్ టెంపుల్‌కు సమీపంలో బాంబు పేలుడు కలకలం రేపింది. హెరిటేజ్ స్ట్రీట్‌లో ఒక్కసారిగా పేలుడు సంభవించింది. మే 6వ తేదీ అర్ధరాత్రి ఈ ఘటన జరిగినట్టు పోలీసులు వెల్లడించారు. పార్కింగ్‌ ప్లేస్‌కు కొంత దూరంలో భారీ శబ్దం వినిపించింది. ఈ పేలుడుతో పక్కనే ఉన్న ఓ రెస్టారెంట్‌ పాక్షికంగా ధ్వంసమైంది. స్థానికుల సమాచారంతో వెంటనే ఘటనా స్థలానికి వెళ్లారు పోలీసులు. ఈ వరుస పేలుళ్లకు కారణమేంటో ఇంకా తెలియలేదు.