Anantapur News: ఎవరో పిలిచినట్లుగా వెళ్లి దూకేశాడు - ఇలా కూడా ప్రాణం తీసుకుంటారా ? అనంతపురం విద్యార్థి ఆత్మహత్య వీడియో వైరల్

Student Suiside: బెంచ్ మీద కూర్చున్న విద్యార్థి ఎవరో పిలిచినట్లుగా బయటకు వెళ్లి కిందకూ దూకి ఆత్మహత్య చేసుకున్నాడు. అనంతపురం నారాయణ కాలేజీలో విద్యార్థి ఇలా ప్రాణాలు తీసుకోవడం కలకలం రేపుతోంది.

అనంతపురం కాలేజీలో విద్యార్థి ఆత్మహత్య

Source : x

Anantapur Narayan student suicide:  జూనియర్ కాలేజీ క్యాంపస్, క్లాస్ జరుగుతోంది. మూడో అంతస్తులో  ఉన్న ఓ క్లాసులో సీరియస్ గా లెక్చరర్ పాఠాలు చెబుతున్నారు. ఆ సమయంలో ఓ విద్యార్థి ఎవరో పిలిచినట్లుగా హఠాత్తుగా లేచి బయటకు వెళ్లిపోయాడు . ఎందుకు వెళ్లాడో తెలియదు కానీ అలా వెళ్లి నేరుగా పిట్టగోడ ఎక్కి కిందకు దూకేశాడు. అలా చేస్తాడని ఎవరూ ఊహించకపోవడంతో షాక్‌కు గురయ్యారు. వెంటనే పరుగులు పెట్టి కిందకు వెళ్లారు కానీ పై నుంచి పడటంతో అక్కడికక్కడే ప్రాణాలు కోల్పోయాడు.            

క్లాస్ జరుగుతూండగానే దూకేసిన విద్యార్థి
 
నగర శివారులోని సోమలదొడ్డి వద్ద ఉన్న నారాయణ కళాశాలలో బత్తలపల్లి మండలం రామాపురంకి చెందిన చరణ్ ఇంటర్మీడియట్ ఫస్టియర్ చదువుతున్నాడు. సంక్రాంతి సెలవులు అనంతరం కళాశాల వచ్చాడు.   ఉదయం 10:30 సమయంలో కళాశాల మూడవ అంతస్తు పైనుంచి దూకి ఆత్మహత్య చేసుకున్నాడు. ఇలా ఎందుకు దూకాడో పక్కన ఉన్న వారికీ అర్థం కాలేదు. 

క్లాసులో ఉండగానో ఎవరి పిలిచినట్లుగా అలా వెళ్లిపోవడం .. దూకేయడం సీసీ కెమెరాల్లో నమోదయ్యాయి. ఈ దృశ్యాలు సోషల్ మీడియాలో వైరల్ అయ్యాయి. ఎవరైనా ఇంత కఠినమైన నిర్ణయం తీసుకునేటప్పుడు కాస్తంతయినా ఆలోచిస్తారని.. భయపడతారని అనుకుంటారు.కానీ చరణ్ మాత్రం తాను చాలా గట్టిగా నిర్ణయం తీసుకున్నట్లుగా నేరుగా వెళ్లి దూకేశాడు. ఇంత కఠిన నిర్ణయం తీసుకోవడానికి కారణం ఏమిటన్నదానిపై పోలీసులు దర్యాప్తు చేస్తున్నారు. చరణ్ ఫోన్ స్వాధీనం చేసుకుని పరిశీలిస్తున్నారు.                     

సీసీ ఫుటేజ్: నారాయణ కాలేజీ విద్యార్థి ఆత్మహత్య

అనంతపురం సమీపంలోని నారాయణ కాలేజీలో ఫస్ట్ ఇయర్ విద్యార్థి చరణ్, బిల్డింగ్ మూడో అంతస్తు నుండి దూకి ఆత్మహత్య చేసుకున్నాడు.

క్లాస్ జరుగుతున్న సమయంలో బయటకు వచ్చిన చరణ్, ఆత్మహత్యకు పాల్పడ్డాడు. pic.twitter.com/dRCTCbWIUg

— NewsTAP (@NewsTAPLive) January 23, 2025

ఇంత కఠిన  కఠిన నిర్ణయం తీసుకోవడానికి ఏ మాత్రం ఆలోచించరా? 

తల్లిదండ్రులు కని పెంచడానికి ఎంతో కష్టపడతారు. అయితే ప్రాణాలు తీసుకునే విషయంలో ఇలా ఒక్క క్షణం కూడా ఆలోచించని మనస్థత్వం  అందర్నీ ఆశ్చర్య పరుస్తోంది. మరో వైపు  విద్యార్థి ఆత్మహత్యకు కాలేజీ యాజమాన్యమ ేకారణం అని.. విద్యార్థి సంఘాల నాయకులు కళాశాల వద్ద పెద్ద ఎత్తున ఆందోళనకు దిగారు. విద్యార్థి మృతిని దాచిపెట్టే ప్రయత్నం చేస్తున్నారని కళాశాల యాజమాన్యంపై ఆగ్రహం వ్యక్తం చేశారు. రక్తపు మరకలు తుడిచివేసి ఈ సంఘటన ఎందుకు బయటకు రానికుండా చేశారని ప్రశ్నించారు. ఫీజుల వేధింపులతోనే విద్యార్థి ఆత్మహత్య చేసుకున్నాడని... దీనిపై సమగ్ర విద్య దర్యాప్తు చేయాలని ఎస్ఎఫ్ఐ నాయకులు డిమాండ్ చేశారు.