Viral News: రియల్ " డాలీ కి డోలి" - 25 మందిని పెళ్లి చేసుకుని నిలువుదోపిడీ - అదే పెళ్లి ట్రాప్‌తో పట్టుకున్న పోలీసులు
Dolly Ki Doli: ఆమె ఇరవై ఐదు మందిని పెళ్లి చేసుకుంది. పెళ్లి చేసుకున్న రోజే డబ్బు, దస్కంతో పారిపోతుంది. చివరికి పోలీసులు డెకాయ్ ఆపరేషన్ చేసి పట్టుకున్నారు.
She Married 25 Men To Rob Them : డాలీ కి డోలీ పేరుతో హిందీలో ఓ సినిమా ఉంటుంది. అందులో హీరోయిన్ పెళ్లి పేరుతో అందర్నీ మోసం చేస్తుంది. ఆమె ముఠా పెళ్లి చేసుకుని అదే రోజు .. డబ్బులు, నగలతో ఉడాయిస్తుంది. అచ్చంగా అలాంటి సినిమా కథనే రిపీట్ చేసింది ఓ మధ్యప్రదేశ్ యువతి. అమె పేరు అనురాధ పాశ్వాన్. ఇప్పుడు అందరూ 'లూటేరి దుల్హాన్' అని పిలుస్తున్నారు.
పెళ్లి కోసం సినిమా కథ చెప్పే ముఠా
ఆమెకు తల్లిదండ్రులు లేరు. పైగా పెదది. నిస్సహాయురాలు. ఒక నిరుద్యోగ సోదరుడు ఉన్నాడు. ఆమె వివాహం చేసుకోవాలనుకుంటుంది, కానీ ఆర్థిక పరిమితులు ఆమె జీవితం అలాగే ఉండిపోయింది...అనే పేరుతో పెళ్లి సంబంధం వస్తుంది. నమ్మారో నిండా మునిగిపోయినట్లే. ముందుగా ముఠాకు చెందిన వివిధ రకాల వ్యక్తులు అనురాధా పాస్వాన్ ఫోటోలను, ప్రొఫైల్‌ను కాబోయే వరులకు తీసుకెళ్లి, ఆదర్శవంతమైన వివాహాన్ని ఏర్పాటు చేస్తారు. మొదట ముఠా సభ్యుడైన మ్యాచ్ మేకర్, మ్యాచ్ ఏర్పాటు చేయడానికి రూ. 2 లక్షలు వసూలు చేస్తాడు.
ఒప్పందం కుదిరిన తర్వాత, వివాహ సమ్మతి లేఖను తయారు చేస్తారు. ఆ జంట ఆచారాల ప్రకారం ఆలయంలో లేదా ఇంట్లో ప్రమాణాలు చేస్తారు. ఆపై నాటకం ప్రారంభమవుతుంది. అనూరాధ పాస్వాన్ .. వరుడితో పాటు అతని తల్లిదండ్రులతో అందంగా, యు అమాయకంగా ప్రవర్తిస్తుంది. వారి నమ్మకాన్ని గెలుచుకోవడానికి, ఆమె ప్రతి కుటుంబ సభ్యుడితో కలుపుగోలుగా ఉటుంది. నమ్మకం పెంచుకుని తన ప్రణాళిక యొక్క చివరి చర్యను అమలు చేస్తుంది . తినే ఆహారంలో మత్తు మందు కలిపి నగలు, నగదు , ఇతర విలువైన వస్తువులతో పారిపోతుంది.
ఇలా మొత్తం ఇరవై ఐదు కుటుంబాలను మోసం చేసింది. వారిలో ఒకరు విష్ణు శర్. ఏప్రిల్ 20న, రాజస్తాన్‌కు చెందిన సవాయి మాధోపూర్ నివాసి విష్ణు శర్మ మధ్యప్రదేశ్‌కు చెందిన అనురాధ పాస్వాన్‌ను వివాహం చేసుకున్నాడు. స్నేహితులు, కుటుంబ సభ్యుల సమక్షంలో హిందూ ఆచారాల ప్రకారం వివాహం జరిగింది. బ్రోకర్ పప్పు మీనా ద్వారా వివాహం కుదిరింది, దానికి విష్ణు అతనికి రెండు లక్షల రూపాయలు చెల్లించాడు. వివాహం జరిగిన రెండు వారాల్లోనే, శ్రీమతి పాశ్వాన్ రూ. 1.25 లక్షల విలువైన ఆభరణాలు, రూ. 30,000 నగదు , రూ. 30,000 విలువైన మొబైల్ ఫోన్‌తో పారిపోయింది.
తనకు నిద్ర మాత్రలు ఇచ్చిందని తరవాత శర్మకు అర్థం అయింది. శర్మ కుటుంబం పోలీసులకు ఫిర్యాదు చేసింది. నేరం రాజస్తాన్ లో చేయడంతో విష్ణు పంచుకున్న సమాచారం ఆధారంగా, సవాయి మాధోపూర్ పోలీసులు శ్రీమతి పాస్వాన్ కోసం గాలించారు. డెకాయ్ ఆపరేషన్ ద్వారా ఆమెను పట్టుకోవాలనుకున్నారు. ఒక కానిస్టేబుల్ కాబోయే వరుడిగా వ్యవహరించాడు. చివరికి దొరికిపోయింది.
అనురాధ పాస్వాన్, 25 మంది అమాయక వరులను మోసం చేసి లక్షల విలువైన ఆభరణాలు , నగదుతో పారిపోయిందని ఆధారాలు సేకరిచంి పోలీసులు అరెస్టు చేశారు. ప్రతీ సారి ఆమె కొత్త పేరు, కొత్త నగరం , కొత్త గుర్తింపును ఎంచుకుని పెళ్లి మోసం చేసేది. సవాయి మాధోపూర్ పోలీసులు శ్రీమతి పాస్వాన్‌పై ఒక రివర్స్ కార్డ్ ప్లే చేసి, ఆమెను నకిలీ వివాహంలోకి ట్రాప్ చేశారు. చివరికి దొరికిపోయింది. ఇప్పుడు ఆమె దెబ్బకు మోసపోయిన పాతిక మంది.. తమ డబ్బుల కోసం పోలీస్ స్టేషన్లకు వస్తున్నారు.
టాప్ హెడ్ లైన్స్
ట్రెండింగ్ వార్తలు
