మంత్రి మండిపల్లి రాంప్రసాద్రెడ్డిని హత్య చేసేందుకు జరిగిన కుట్ర శనివారం రాయచోటిలో తీవ్ర కలకలం సృష్టించింది. మదనపల్లె రోడ్డులోని ఓ హోటల్లో ఈ కుట్రను పోలీసులు ఛేదించారు.
అన్వేషించండి
Rayachoti Murder Plot: రాయచోటిలో తీవ్ర కలకలం.. మంత్రి రాంప్రసాద్రెడ్డి హత్యకు కుట్ర.. అంతర్రాష్ట్ర ముఠా అరెస్ట్!
Rayachoti Murder Plot: మంత్రి రాంప్రసాద్ రెడ్డిని హత్య చేసేందుకు పన్నిన కుట్రను రాయచోటి పోలీసులు భగ్నం చేశారు. స్థానికంగా ఓ హోటల్ లో అంతర్రాష్ట్ర ముఠాను, భారీగా ఆయుధాలను సీజ్ చేశారు.
రాయచోటిలో తీవ్ర కలకలం.. మంత్రి రాంప్రసాద్రెడ్డి హత్యకు కుట్ర.. అంతర్రాష్ట్ర ముఠా అరెస్ట్
Source : Twitter
- రాయచోటిలో మంత్రి రాంప్రసాద్ రెడ్డి హత్యకు కుట్ర బహిర్గతమైంది.
- స్థానిక ఎన్నికల నేపథ్యంలో పోలీసులు అంతర్రాష్ట్ర రౌడీముఠాను పట్టుకున్నారు.
- రెండు పిస్టళ్లు, బుల్లెట్లు, గొడ్డళ్లు సహా భారీ ఆయుధాలు స్వాధీనం.
- కిరాయి మూకలతో అలజడులకు కుట్రపై మంత్రి నిష్పక్షపాత విచారణ కోరారు.
Rayachoti Murder Plot: మంత్రి మండిపల్లి రాంప్రసాద్రెడ్డిని హత్య చేసేందుకు చేసిన కుట్ర వెలుగులోకి రావడం శనివారం రాయచోటిలో తీవ్ర కలకలం సృష్టించింది. మదనపల్లె రోడ్డులోని ఓ హోటల్లో ఈ కుట్రను పోలీసులు ఛేదించారు. మారణాయుధాలు ఉన్న అంతర్రాష్ట్ర రౌడీముఠాను అదుపులోకి తీసుకున్నారు.
హోటల్ వద్ద ఘర్షణ – రంగంలోకి పోలీసులు
స్థానిక సంస్థల నామినేషన్ల నేపథ్యంలో వైసీపీ నాయకులతో పాటు పంజాబ్‌కు చెందిన బౌన్సర్లు, రౌడీలు హోటల్లో మకాం వేసి అక్రమ కార్యకలాపాలకు పాల్పడుతున్నారనే సమాచారంతో టీడీపీ శ్రేణులు అక్కడికి చేరుకున్నాయి. ఈ క్రమంలో ఇరువర్గాల మధ్య తీవ్ర వాగ్వాదం, ఘర్షణ చోటుచేసుకోగా, పరస్పర దాడుల్లో ఓ కారు ధ్వంసమైంది. పోలీసులు వెంటనే స్పందించి ఇరువర్గాలను చెదరగొట్టారు.
స్థానిక ఎన్నికల నేపథ్యంలో మంత్రి రాంప్రసాద్రెడ్డి కదలికలపై గత మూడు రోజులుగా ఈ ముఠా నిఘా ఉంచినట్లు తెలుస్తోంది. వైసీపీ ఛైర్మన్ అభ్యర్థి జిన్నా షరీఫ్.. పంజాబ్‌లోని పఠాన్‌కోట్ రౌడీలతో పాటు కర్నూలు ప్రాంతానికి చెందిన కొందరిని రాయచోటికి తీసుకువచ్చినట్లు పోలీసుల ప్రాథమిక విచారణలో తేలింది.
భారీగా ఆయుధాలు స్వాధీనం
రాయచోటి డీఎస్పీ కృష్ణమోహన్ ఆధ్వర్యంలో పోలీసులు హోటల్‌పై దాడి చేసి లైసెన్స్ లేని రెండు పిస్టళ్లు, 30కి పైగా బుల్లెట్లు, గొడ్డళ్లు, ఇతర మారణాయుధాలను సీజ్ చేశారు. ఈ ఘటనలో రాయచోటికి చెందిన షేక్ మహమ్మద్ షరీఫ్ జిన్నా, పంజాబ్‌కు చెందిన టార్టెమ్ సింగ్, సరబ్‌జీత్ సింగ్, ప్రభుజీత్ సింగ్, అమితాజ్, కర్నూలు జిల్లాకు చెందిన రవికుమార్ సహా మొత్తం 15 మందిపై కేసు నమోదు చేసి విచారణ చేపడుతున్నట్లు పోలీసులు తెలిపారు.
Also Read: దాచేపల్లి వైసీపీ ఛైర్మన్ అభ్యర్థి కొప్పుల రవి అరెస్ట్.. ఇంట్లో 429 సీసాల తెలంగాణ లిక్కర్ సీజ్!
కిరాయి మూకలతో అలజడులకు కుట్ర-మంత్రి రాంప్రసాద్రెడ్డి
"దిల్లీ, హైదరాబాద్, పంజాబ్ ప్రాంతాల నుంచి కిరాయి మూకలను రాయచోటికి రప్పించి అలజడులు సృష్టించేందుకు కుట్ర పన్నారు. వైసీపీ అధినేత జగన్, మాజీ ఎమ్మెల్యే గడికోట శ్రీకాంత్‌రెడ్డితో పాటు ఈ వ్యవహారంలో ఉన్న అసలు సూత్రధారుల పాత్రపై నిష్పక్షపాతంగా విచారణ జరిపించాలి." - మంత్రి రాంప్రసాద్ రెడ్డి
Also Read: ఇంజినీరింగ్ కాలేజీ దాండియాలో విషాదం.. ఫ్లడ్ లైట్ స్టాండ్ కూలి బీటెక్ విద్యార్థిని మృతి, మరో 20 మందికి గాయాలు
Frequently Asked Questions
రాయచోటిలో ఏ కలకలం రేపింది?
ఈ కుట్రలో ఎవరు పాలుపంచుకున్నట్లు పోలీసులు తెలిపారు?
ఈ కుట్రలో అంతర్రాష్ట్ర రౌడీముఠా సభ్యులను పోలీసులు అదుపులోకి తీసుకున్నారు. వైసీపీ ఛైర్మన్ అభ్యర్థి జిన్నా షరీఫ్ పంజాబ్, కర్నూలు ప్రాంతాల నుండి రౌడీలను తీసుకువచ్చినట్లు ప్రాథమిక విచారణలో తేలింది.
పోలీసులు హోటల్లో ఏమి స్వాధీనం చేసుకున్నారు?
పోలీసులు దాడి చేసి లైసెన్స్ లేని రెండు పిస్టళ్లు, 30కి పైగా బుల్లెట్లు, గొడ్డళ్లు, ఇతర మారణాయుధాలను స్వాధీనం చేసుకున్నారు. మొత్తం 15 మందిపై కేసు నమోదు చేసి విచారణ జరుగుతోంది.
ఈ హత్యకుట్ర వెనుక ఉద్దేశ్యం ఏమిటి?
స్థానిక ఎన్నికల నామినేషన్ల నేపథ్యంలో మంత్రి రాంప్రసాద్రెడ్డి కదలికలపై ఈ ముఠా నిఘా ఉంచింది. కిరాయి మూకలతో అలజడులు సృష్టించేందుకు కుట్ర పన్నారని మంత్రి ఆరోపించారు.
Advertisement
టాప్ హెడ్ లైన్స్
క్రైమ్
వెబ్‌ల్యాండ్‌ రికార్డుల తారుమారు.. ఎన్‌ఐసీ లాగిన్ కొట్టేసి రూ.కోట్ల భూముల అక్రమార్జన.. నలుగురి అరెస్ట్!
క్రైమ్
పట్టాలు తప్పిన కోల్‌కతా- సైరాంగ్ ఎక్స్‌ప్రెస్ రైలు.. తప్పిన పెను ప్రమాదం- అసలేం జరిగింది
క్రైమ్
వనస్థలిపురంలో విషాదం.. ప్రేమ నిరాకరించిందని, యువతి ఇంట్లోనే బ్యాంక్ ఉద్యోగి ఆత్మహత్య!
క్రైమ్
రూ.2 లక్షలు లంచం తీసుకుంటూ ఏసీబీకి అడ్డంగా దొరికిన ఎస్సై
Advertisement
Advertisement
ట్రెండింగ్ వార్తలు
