Jubilee Hills Pub Minor Girl Kidnap : జూబ్లీహిల్స్ పబ్ లో బాలిక కిడ్నాప్, కారులో లైంగిక దాడి, ఒకరు అరెస్ట్!

Jubilee Hills Pub Minor Girl Kidnap : జూబ్లీహిల్స్ లోని ఓ పబ్ లో బాలిక కిడ్నాప్, ఆ పై లైంగిక దాడి చేసిన ఘటనలో కలకలం రేపుతోంది. స్నేహితులతో పార్టీకి హాజరైన బాలికపై కారులో లైంగిక దాడికి యత్నించారు.

జూబ్లీహిల్స్ లో పబ్ లో బాలిక కిడ్నాప్

Jubilee  Hills Pub Minor Girl Kidnap : హైదరాబాద్ జూబ్లీహిల్స్ లోని ఓ పబ్ లో దారుణం జరిగింది. పార్టీ పేరుతో 17 ఏళ్ల బాలికపై కొందరు యువకులు లైంగిక దాడికి పాల్పడ్డారు. జూబ్లీహిల్స్‌ పోలీస్ స్టేషన్ పరిధిలో గత నెల 28న రాత్రి ఓ పబ్‌లో జరిగిన ఘటన ఆలస్యంగా వెలుగులోకి వచ్చింది. స్నేహితులు పార్టీకి పిలిచారని బాధిత బాలిక పబ్‌కు వెళ్లింది. ఆ రోజు రాత్రి బాలికపై సూరజ్, హాడీ అనే వ్యక్తులతో పాటు మరి కొంతమంది దాడికి పాల్పడ్డారు. బాలిక బలవంతంగా గుర్తుతెలియని ప్రాంతానికి తీసుకెళ్లి యువకులు, బాలికపై లైంగిక దాడి చేశారు. బాలిక తండ్రి ఫిర్యాదుతో జూబ్లీహిల్స్ పోలీసులు కేసు నమోదు చేశారు. సీసీ కెమెరాల ఆధారంగా దర్యాప్తు చేస్తున్నారు. యువకులు సూరజ్‌, హాడీలను విచారిస్తున్నారు. 

బాలిక కిడ్నాప్ , లైంగిక దాడి 

హైదరాబాద్ జూబ్లీహిల్స్ ఓ పబ్ బాలిక కిడ్నాప్, లైంగిక దాడి కేసులో ఒకరిని పోలీసులు అరెస్ట్ చేశారు. బాలికను కిడ్నాప్ చేసేందుకు ఉపయోగించిన కారును పోలీసులు స్వాధీనం చేసుకున్నారు. బీఎండ్ల్యూ కారులో బాలికను నిందితుడు తీసుకెళ్లినట్లు పోలీసులు తెలిపారు. సీసీటీవీ పుటేజీల ఆధారంగా పోలీసులు నిందితుడిని అరెస్ట్ చేశారు. నిందితుడు ఉపయోగించిన కారును పోలీసులు సీజ్ చేశారు. జూబ్లీహిల్స్ లోని ఓ పబ్ లో గత నెల 28వ తేదీన సూరజ్, మరో వ్యక్తి బాలికను పార్టీకి పిలిచారు. మధ్యాహ్నం బాలిక పబ్ కు వెళ్లింది. పబ్ నుంచి బాలికను కారులో బయటకు తీసుకెళ్లారు. ఈ సమయంలో మరో ఆరుగురు అమ్మాయిలు ఉన్నట్లు తెలుస్తోంది. రెండు కార్లలో బాలికలను బయటకు తీసుకెళ్లారు యువకులు. కారులో బాలికపై యువకులు అసభ్యంగా ప్రవర్తించారని బాధిత బాలిక ఆరోపణలు చేస్తుంది. నిందితుల నుంచి తప్పించుకున్న బాలిక ఇంటికి చేరుకుని కుటుంబ సభ్యులకు విషయం తెలిపింది. ఈ విషయంపై బాలిక తండ్రి పోలీసులకు ఫిర్యాదు చేశారు. సీసీటీవీ కెమెరాల ఆధారంగా నిందితులను పోలీసులు అరెస్ట్ చేశారు.

పబ్ లపై తరచూ ఫిర్యాదులు 

కారులో బాలికతో పాటు ఉన్న వ్యక్తులు అసభ్యంగా ప్రవర్తించినట్లు ఫిర్యాదులో పేర్కొన్నారు. బాలిక ప్రతిఘటించడంతో మెడపై గాయపరిచారు. ఈ ఘటనపై పోలీసులు ఐపీసీ సెక్షన్ 354, 323, పోక్సో చట్టం కింద కేసు నమోదు చేశారు. గురువారం మధ్యాహ్నం ఒకరిని అరెస్ట్ చేసినట్టుగా పోలీసులు తెలిపారు. పార్టీ కోసం మైనర్లను పబ్ లోపలికి యాజమాన్యం ఎలా అనుమతించిందనే కోణంలో కూడా పోలీసులు విచారణ చేపట్టారు.  హైదరాబాద్ లోని పబ్ లో తరచూ ఫిర్యాదు వస్తున్నాయి. పబ్ లలో అసాంఘిక కార్యక్రమాలు చోటుచేసుకుంటున్నాయి. జూబ్లిహిల్స్ లోని ఓ పబ్ లో ఇటీవల డ్రగ్స్ వాడకం రాష్ట్ర వ్యాప్తంగా కలకలం రేపింది. ఈ కేసులో అప్పట్లో పలువురి ప్రముఖుల పేర్లు కూడా వినిపించాయి. సికింద్రాబాద్ లోని ఓ పబ్ పోలీసులు ఇటీవల తనిఖీలు చేయగా యువతులతో అర్ధనగ్నంగా డ్యాన్స్ లు చేయిస్తున్నట్లు గుర్తించారు. ఈ కేసులో పలువురి పోలీసులు అదుపులోకి తీసుకున్నారు.