Visakha News: విశాఖలో తీవ్ర విషాదం - కానిస్టేబుల్ రన్నింగ్ రేసులో అపశ్రుతి, పుట్టిన రోజు నాడే అభ్యర్థి మృతి

Constable Aspirant: విశాఖలో కానిస్టేబుల్ ఫిజికల్ ఈవెంట్‌లో అపశ్రుతి చోటు చేసుకుంది. ఫిజికల్ ఈవెంట్‌లో భాగంగా 1600 మీటర్ల రన్నింగ్ రేసులో పాల్గొన్న అభ్యర్థి అస్వస్థతకు గురై ప్రాణాలు కోల్పోయాడు.

కానిస్టేబుల్ అభ్యర్థి మృతి

Source : ABP Desam

Constable Aspirant Death In Visakhapatnam: విశాఖలో (Visakha) తీవ్ర విషాదం చోటు చేసుకుంది. కానిస్టేబుల్ ఎంపిక ప్రక్రియలో పాల్గొన్న ఓ అభ్యర్థి అస్వస్థతకు గురై పుట్టినరోజు నాడే ప్రాణాలు కోల్పోయాడు. పోలీసులు తెలిపిన వివరాల ప్రకారం.. శ్రావణ్ కుమార్ అనే అభ్యర్థి కానిస్టేబుల్ ఎంపిక ప్రక్రియలో (Constable Events) గురువారం పాల్గొన్నాడు. ఫిజికల్ టెస్టులో భాగంగా 1600 మీటర్ల పరుగు పందెం నిర్వహించగా.. అందులో పాల్గొని తీవ్ర అస్వస్థతకు గురయ్యాడు. గమనించిన పోలీస్ సిబ్బంది వెంటనే అభ్యర్థిని ఆస్పత్రికి తరలించారు. అయితే, మార్గమధ్యలోనే ప్రాణాలు కోల్పోయాడు. విషయం తెలుసుకున్న అభ్యర్థి కుటుంబ సభ్యులు కన్నీరు మున్నీరుగా విలపించారు. కానిస్టేబుల్ ఉద్యోగం సాధిస్తాడనుకుంటే పుట్టినరోజే తమకు దూరమయ్యాడని ఆవేదన వ్యక్తం చేశారు.