Stocks to watch 16 January 2023: ఇవాళ్టి ట్రేడ్‌లో చూడాల్సిన స్టాక్స్‌ ఇవి - నాలుగు రెట్ల లాభం ఆర్జించిన Just Dial
మన స్టాక్‌ మార్కెట్‌ ఇవాళ ఫ్లాట్‌గా ప్రారంభం అవుతుందని SGX నిఫ్టీ సూచిస్తోంది.
Stocks to watch today, 16 January 2023: ఇవాళ (సోమవారం) ఉదయం 8.20 గంటల సమయానికి, సింగపూర్‌ ఎక్సేంజ్‌లో నిఫ్టీ ఫ్యూచర్స్‌ (SGX Nifty Futures) 16 పాయింట్లు లేదా 0.07శాతం గ్రీన్ కలర్‌లో 18,051 వద్ద ట్రేడవుతోంది. మన స్టాక్‌ మార్కెట్‌ ఇవాళ ఫ్లాట్‌గా ప్రారంభం అవుతుందని SGX నిఫ్టీ సూచిస్తోంది.
ఇవాళ్టి ట్రేడ్‌లో చూడాల్సిన స్టాక్స్‌ ఇవి:
HDFC బ్యాంక్: 2022 డిసెంబరుతో ముగిసిన త్రైమాసికంలో HDFC బ్యాంక్ నికర లాభం సంవత్సరానికి 19% (YoY) పెరిగి రూ. 12,259 కోట్లకు చేరుకుంది. నికర వడ్డీ ఆదాయం కూడా గత సంవత్సరం ఇదే త్రైమాసికం కంటే దాదాపు 25% పెరిగి రూ. 22,988 కోట్లకు చేరుకుంది. గత మూడు త్రైమాసికాలలో బ్యాంక్ చూసిన అత్యుత్తమ వృద్ధి ఇదే. నిర్వహణ లాభం YoY 13.4% పెరిగి రూ. 19,024 కోట్లకు చేరుకుంది. త్రైమాసికంలో కేటాయింపులు 6.3% YoY తగ్గి రూ. 2,806 కోట్లకు చేరాయి.
విప్రో: 2022 డిసెంబరు త్రైమాసికంలో ఏకీకృత నికర లాభం గత సంవత్సరం ఇదే త్రైమాసికం కంటే (YoY) 2.8% వృద్ధితో రూ. 3,053 కోట్లకు పెరిగింది. ఏకీకృత ఆదాయం 14.3% వృద్ధితో రూ. 23,229 కోట్లకు చేరుకుంది. ఆదాయం, లాభం రెండూ మార్కెట్‌ అంచనాలను మించి పెరిగాయి. మొత్తంలో FY23లో, స్థిరమైన కరెన్సీ ప్రాతిపదికన, IT సేవల వ్యాపారం నుంచి రాబడి వృద్ధి 11.5-12.0% పరిధిలో ఉంటుందని కంపెనీ అంచనా వేస్తోంది. FY22కి నివేదించిన బలమైన 27% వృద్ధి కంటే ఇది చాలా తక్కువ.
అవెన్యూ సూపర్‌మార్ట్‌లు: 2022 డిసెంబర్‌తో ముగిసిన త్రైమాసికంలో ఏకీకృత నికర లాభం రూ. 590 కోట్లకు చేరింది, 6.7% YoY పెరిగిందని DMart చైన్ ఆపరేటర్ నివేదించింది. ఇది, అంచనా వేసిన రూ. 672 కోట్ల కంటే చాలా తక్కువగా ఉంది. ఏకీకృత రాబడి సంవత్సరానికి 25.5% పెరిగి రూ. 11,569.05 కోట్లకు చేరుకుంది, అయితే అధిక ఖర్చులు లాభదాయకతలో భారీ కోత పెట్టాయి. ఆపరేటింగ్ మార్జిన్ 106 బేసిస్ పాయింట్లు తగ్గి 8.34 శాతానికి చేరుకుంది.
టాటా కన్సల్టెన్సీ సర్వీసెస్: TCS ప్రకటించిన ప్రత్యేక, మధ్యంతర డివిడెండ్ రెండింటికి సంబంధించి ఇవాళ ఎక్స్-డేట్‌. ఒక్కో షేరుపై రూ. 67 ప్రత్యేక డివిడెండ్, రూ. 8 మధ్యంతర డివిడెండ్‌ను కంపెనీ ప్రకటించింది. ఈ డివిడెండ్ కోసం వాటాదారుల అర్హతను నిర్ణయించడానికి రికార్డ్ తేదీ జనవరి 17, 2023.
L&T ఫైనాన్స్ హోల్డింగ్స్: డిసెంబర్ త్రైమాసికంలో ఈ కంపెనీ ఏకీకృత నికర లాభం ఏడాదికి (YoY) 47% పెరిగి రూ. 453 కోట్లకు చేరుకుంది, బలమైన రిటైల్ డిస్‌బర్స్‌మెంట్లు దీనికి కారణం. రిటైల్ డిస్‌బర్స్‌మెంట్లు గత సంవత్సరం కంటే 53%, QoQలో 13% పెరిగి రూ. 11,607 కోట్లకు చేరుకున్నాయి.
జస్ట్ డయల్: 2022 డిసెంబర్ త్రైమాసికంలో ఈ కంపెనీ ఏకీకృత నికర లాభం దాదాపు 4 రెట్లు పెరిగి రూ. 75.3 కోట్లకు చేరుకుంది. కార్యకలాపాల ద్వారా వచ్చే ఆదాయం ఏడాదికి 39% పెరిగి రూ. 221.4 కోట్లకు చేరుకుంది.
సులా వైన్‌యార్డ్స్‌: 2022 డిసెంబర్ త్రైమాసికంలో, కంపెనీ చరిత్రలోనే రికార్డ్ స్థాయి క్వార్టర్లీ సేల్స్‌ నమోదు చేసింది. బలమైన అమ్మకాల వృద్ధి, పెంచిన ధరల నేపథ్యంలో కంపెనీ విక్రయాలు గత ఏడాది కంటే 13% పెరిగి రూ. 187 కోట్లకు చేరుకున్నాయి.
HG ఇన్‌ఫ్రా ఇంజినీరింగ్: దిల్లీ మాస్ ర్యాపిడ్ ట్రాన్సిట్ సిస్టంలో ఎలివేటెడ్ వయాడక్ట్, నాలుగు స్టేషన్ల నిర్మాణం కోసం దిల్లీ మెట్రో రైల్ కార్ప్ లిమిటెడ్ నుంచి ఈ కంపెనీ రూ. 412 కోట్ల విలువైన ఆర్డర్‌ను అందుకుంది. ఈ ప్రాజెక్ట్ 2 సంవత్సరాలలో పూర్తవుతుందని భావిస్తున్నారు.
Disclaimer: ఈ వార్త కేవలం సమాచారం కోసం మాత్రమే. మ్యూచువల్‌ ఫండ్లు, స్టాక్‌ మార్కెట్‌, క్రిప్టో కరెన్సీ, షేర్లు, ఫారెక్స్‌, కమొడిటీల్లో పెట్టే పెట్టుబడులు ఒడుదొడుకులకు లోనవుతుంటాయి. మార్కెట్‌ పరిస్థితులను బట్టి ఆయా పెట్టుబడి సాధనాల్లో రాబడి మారుతుంటుంది. ఫలానా మ్యూచువల్‌ ఫండ్‌, స్టాక్‌, క్రిప్టో కరెన్సీలో పెట్టుబడి పెట్టాలని లేదా ఉపసంహరించుకోవాలని 'abp దేశం' చెప్పడం లేదు. పెట్టుబడి పెట్టే ముందు, లేదా ఉపసంహరించుకునే ముందు అన్ని వివరాలు పరిశీలించడం ముఖ్యం. అవసరమైతే సర్టిఫైడ్‌ ఫైనాన్షియల్‌ అడ్వైజర్ల నుంచి సలహా తీసుకోవడం మంచిది.
టాప్ హెడ్ లైన్స్
ట్రెండింగ్ వార్తలు
