Rupee At Life Time Low: రూపాయి విలువ ఎందుకు పడిపోతుంది - అది మనల్ని ఎలా ప్రభావితం చేస్తుందో తెలుసా?

Rupee At Life Time Low: రూపాయి విలువ నిరంతరం పడిపోవడం భారత ఆర్థిక వ్యవస్థకు మంచిది కాదు. సోమవారం రూపాయి విలువ అమెరికా డాలర్‌తో పోలిస్తే 23 పైసలు తగ్గి 86.27కి చేరుకుంది.

రూపాయి విలువ ఎందుకు పడిపోతుంది.. అది మనల్ని ఎలా ప్రభావితం చేస్తుందో తెలుసా ?

Source : twitter

Rupee At Life Time Low: ఫారిన్ ఇన్వెస్టర్ల అమ్మకాలు (FPI సెల్లింగ్) అయినా లేదా ముడి చమురు ధరల పెరుగుదల అయినా, దాని ప్రభావం స్టాక్ మార్కెట్‌తో పాటు కరెన్సీ మార్కెట్‌పై కూడా స్పష్టంగా కనిపిస్తుంది. ప్రస్తుతం ఒకవైపు స్టాక్ మార్కెట్ ప్రతిరోజూ పడిపోతుంటే, మరోవైపు భారత కరెన్సీ రూపాయి విలువ ప్రతిరోజూ రికార్డు స్థాయిలో పడిపోతోంది. వారంలో మొదటి ట్రేడింగ్ రోజు అయిన సోమవారం, అమెరికా డాలర్‌తో పోలిస్తే రూపాయి విలువ 23 పైసలు తగ్గి జీవితకాల కనిష్ట స్థాయికి చేరుకుంది. ఈ క్షీణత సామాన్యుడిపై ఎలాంటి ప్రభావం చూపుతుందో ఈ వార్తా కథనంలో తెలుసుకుందాం. 

ఆర్థిక వ్యవస్థకు మంచిది కాదు 
రూపాయి విలువ నిరంతరం పడిపోవడం భారత ఆర్థిక వ్యవస్థకు మంచిది కాదు. సోమవారం, రూపాయి విలువ అమెరికా డాలర్‌తో పోలిస్తే 23 పైసలు తగ్గి 86.27కి చేరుకుంది. ఇది భారత కరెన్సీ జీవితకాల కనిష్ట స్థాయి. ఇటీవలి క్షీణతను పరిశీలిస్తే గత వారం చివరి ట్రేడింగ్ రోజు అంటే శుక్రవారం, రూపాయి 18 పైసలు తగ్గి డాలర్‌తో పోలిస్తే 86.04 వద్ద ముగిసింది. అంతకుముందు రోజు కూడా అది పడిపోయి డాలర్‌తో పోలిస్తే 85.86 వద్ద ముగిసింది. ఏ దేశమైనా కరెన్సీ పతనం ప్రభుత్వంపైనే కాకుండా సాధారణ ప్రజలపై కూడా ప్రతికూల ప్రభావాన్ని చూపుతుంది.

రూపాయి ఎందుకు పడిపోతోంది?
 రూపాయి ఎందుకు ప్రతిరోజూ క్షీణతలో కొత్త రికార్డును ఎందుకు సృష్టిస్తుందో తెలుసుకుందాం. దీని వెనుక చాలా కారణాలు ఉన్నట్లు కనిపిస్తోంది. ఇందులో, అమెరికా ఫెడ్ రిజర్వ్ పాలసీ రేటు మార్పు,     విదేశీ పెట్టుబడిదారుల నిరంతర అమ్మకాలు కారణంగా తెలుస్తోంది. ఇది మార్కెట్ (షేర్ మార్కెట్) పై ఒత్తిడిని పెంచడమే కాకుండా, రూపాయిపై కూడా ఒత్తిడి తెచ్చింది. ఇది సమాజంపై కూడా చెడు ప్రభావాన్ని చూపింది. డాలర్ బలపడటం వల్ల విదేశీ పెట్టుబడిదారులు ప్రపంచవ్యాప్తంగా ఉన్న మార్కెట్ల నుండి డబ్బును ఉపసంహరించుకుని అమెరికన్ మార్కెట్లలో పెట్టుబడి పెడుతున్నారు.ఇక్కడి మార్కెట్లలో అమ్మకాలు పెరిగినట్లు కనిపించింది. దీని ప్రభావం రూపాయి పతనం రూపంలో స్పష్టంగా కనిపిస్తోంది. ముడి చమురు ధరలు పెరగడం (బ్యారెల్‌కు $81.20) కూడా దీని వెనుక ఉన్న కారణంగా పరిగణించవచ్చు. జనవరి 20న అధికారం చేపట్టిన తర్వాత అమెరికా అధ్యక్షుడు డొనాల్డ్ ట్రంప్ తీసుకునే నిర్ణయాల ఒత్తిడి కూడా భారత కరెన్సీపై కనిపిస్తుంది.

మీపై ఎలాంటి ప్రభావం చూపుతుంది?
ఏ దేశ కరెన్సీ బలహీనపడటం వల్లనైనా అనేక దుష్ప్రభావాలు ఉంటాయి. ఉదాహరణకు మీ పిల్లల్లో ఒకరు వేరే దేశంలో చదువుతుంటే, మీరు అతనికి భారతదేశం నుండి డబ్బు పంపుతుంటే, అలాంటి పరిస్థితిలో మీరు భారీగా నష్టపోతారు. యుఎస్ డాలర్ ప్రపంచ కరెన్సీ హోదాను కలిగి ఉండటం.. అది నిరంతరం బలపడటం వలన, మీరు రూపాయలలో పంపే దేనికైనా డాలర్లలోకి మార్చినప్పుడు తక్కువ విలువ ఉంటుంది. దీని కారణంగా మునుపటి కంటే ఎక్కువ డబ్బు పంపాల్సి ఉంటుంది.  మీ కుటుంబ సభ్యులు లేదా బంధువులు ఎవరైనా మీకు వేరే దేశం నుంచి డబ్బు పంపితే అప్పుడు మీరు ప్రయోజనం పొందవచ్చు. పాత మొత్తానికి ఇప్పుడు మీకు ఎక్కువ డబ్బు వస్తుంది. మరోవైపు,  వ్యాపారం చేస్తే రూపాయి పతనం ప్రభావం వ్యాపారం దిగుమతి ఆధారితమా లేదా ఎగుమతి ఆధారితమా అనే దానిపై ఆధారపడి ఉంటుంది. బలహీనమైన రూపాయి విలువ వల్ల ఎగుమతిదారులు ప్రయోజనం పొందనున్నారు.. అయితే దిగుమతిదారులు ఇప్పుడు అదే పరిమాణంలో వస్తువులను ఆర్డర్ చేయడానికి ఎక్కువ డబ్బు చెల్లించాల్సి ఉంటుంది.

ద్రవ్యోల్బణం పెరిగే  ప్రమాదం 
 రూపాయి పడిపోయినప్పుడు దిగుమతులు ఖరీదైనవిగా మారతాయి.. ఎగుమతులు చౌకగా మారతాయి. దీని అర్థం ప్రభుత్వం విదేశాల నుండి వస్తువులను కొనుగోలు చేయడానికి ఎక్కువ డబ్బు ఖర్చు చేయాల్సి వస్తుందని స్పష్టంగా తెలుస్తుంది. ఉదాహరణకు, ముడి చమురు ధరల పెరుగుదలను పరిశీలిస్తే భారతదేశం ప్రస్తుతం దాని ముడి చమురు అవసరాలలో ఎక్కువ భాగాన్ని (సుమారు 80%) దిగుమతి చేసుకుంటుంది, అమెరికా డాలర్‌తో పోలిస్తే రూపాయి బలహీనపడినప్పుడు, ముడి చమురు దిగుమతి బిల్లు పెరుగుతుంది. ప్రభుత్వం పెద్ద మొత్తంలో చెల్లించాల్సి ఉంటుంది. దీని ప్రభావం పెట్రోల్, డీజిల్ ధరలు పెరిగే అవకాశం ఉంది. ధరలు పెరిగితే అది ద్రవ్యోల్బణం రూపంలో సామాన్య ప్రజలను ప్రభావితం చేస్తుంది.