Aadhar Card: మీ ఆధార్ కార్డు మీరే వాడుతున్నారా? ఇంకా ఎవరైనా వాడుతున్నారా? తక్షణమే ఆన్‌లైన్‌లో ఇలా తెలుసుకోండి! 

Aadhar Card: ప్రతి చిన్న, పెద్ద పనికి ఆధార్ కార్డులు తప్పనిసరి అయ్యాయి. అది బ్యాంకింగ్ అయినా లేదా సిమ్ కార్డ్ కొనుగోలు అయినా. ఈ క్రమంలో దుర్వినియోగం అయ్యే ఛాన్స్ ఉంది.  

మీ ఆధార్ కార్డు మీరే వాడుతున్నారా? ఇంకా ఎవరైనా వాడుతున్నారా? తక్షణమే ఆన్‌లైన్‌లో ఇలా చెక్ చేయండి! 

Source : Social Media

Show Quick Read

Key points generated by AI, verified by newsroom

• ఆధార్ కార్డు దుర్వినియోగం కాకుండా UIDAI ప్రత్యేక చర్యలు చేపట్టింది.
• myAadhaar పోర్టల్ ద్వారా మీ ఆధార్ వినియోగ చరిత్రను తెలుసుకోండి.
• అనుమానాస్పద లావాదేవీలు గమనిస్తే ఫిర్యాదు చేయడానికి హెల్ప్ లైన్ కలవండి.
• బయోమెట్రిక్ లాక్ ఫీచర్ ద్వారా మీ ఆధార్ భద్రతను పెంచుకోండి.

Aadhar Card: మనకు ఆధార్‌ ప్రతి రోజూ చిన్న పనులకు కూడా అవసరమయ్యే డాక్యుమెంట్ అయ్యింది. అది బ్యాంకింగ్ అయినా లేదా సిమ్ కార్డ్ కొనుగోలు అయినా చివరకు బస్‌లో ప్రయాణం చేయాలన్నా సరే ఆధార్ కార్డు అడుగుతున్నారు. ఇలా ప్రతి చోట ఆధార్ ఆడుగుతున్న టైంలోనే కొన్ని చోట్ల దుర్వినియోగం అయ్యే ప్రమాదం లేకపోలేదు. అందుకే కచ్చితంగా దీని గురించి మీరు తెలుసుకోవాల్సింది. లేకుంటే కేసుల్లో ఇరుక్కునే ప్రమాదం ఉంటుంది. ఈ 12 అంకెల ప్రత్యేక IDని కొందరు దుర్వినియోగం చేసి బ్యాంకు మోసాలకు పాల్పడిన ఘటనలు చూస్తూనే ఉన్నాం. అందువల్ల, మీ ఆధార్ సురక్షితంగా ఉందని, దుర్వినియోగం కాకుండా చూసుకోవడం చాలా ముఖ్యం.

ఆధార్‌ను రక్షించడానికి UIDAI (భారత ప్రత్యేక గుర్తింపు ప్రాధికార సంస్థ) అనేక ఆన్‌లైన్ టూల్స్, సర్వీస్‌లను అందుబాటులోకి తెచ్చింది. ఆధార్ వినియోగాన్ని పర్యవేక్షించడానికి, భద్రపరచడానికి ఉన్న మార్గాలేంటో ఒకసారి చూద్దాం. ముందుగా, myAadhaar పోర్టల్‌కి వెళ్లండి. మీ ఆధార్ నంబర్, క్యాప్చా కోడ్‌ను  ఎంటర్ చేయండి. లాగిన్ విత్ OTP ఎంపికపై క్లిక్ చేయండి. మీ రిజిస్టర్డ్ మొబైల్ నంబర్‌కు OTP  వస్తుంది. దాన్ని కూడా ఎంటర్ చేయండి. 

లాగిన్ అయిన తర్వాత, అథంటింకేషన్ హిస్టరీ విభాగానికి వెళ్లండి. ఇక్కడ మీరు మీ ఆధార్ వినియోగం గురించి వివరాలు తెలుసుకోవచ్చు. గత కొన్ని రోజుల సమాచారాన్ని చూడవచ్చు. మీరు ఏదైనా అనుమానాస్పద యాక్టివిటీ గమనించినట్లయితే, వెంటనే UIDAIకి ఫిర్యాదు చేయండి.

మీరు ఫిర్యాదు చేయాలనుకుంటే, UIDAI వెబ్‌సైట్‌లో రిజిస్టర్ చేయాలి. టోల్-ఫ్రీ హెల్ప్‌లైన్ నంబర్ 1947 కు కాల్ చేయండి. మీ ఫిర్యాదును help@uidai.gov.in కు ఇమెయిల్ ద్వారా పంపవచ్చు. మీ బయోమెట్రిక్ డేటాను లాక్ చేయడం ద్వారా ఆధార్ దుర్వినియోగాన్ని నిరోధించవచ్చు. ఈ సర్వీస్‌ UIDAI వెబ్‌సైట్‌లో అందుబాటులో ఉంది. దీని కోసం అధికారిక UIDAI వెబ్‌సైట్‌ను సందర్శించండి. లాక్/అన్‌లాక్ ఆధార్ విభాగంపై క్లిక్ చేయండి. సూచనలు, మార్గదర్శకాలను జాగ్రత్తగా చదవండి. మీ వర్చువల్ ID (VID), పేరు, పిన్ కోడ్, క్యాప్చా కోడ్‌ను ఎంటర్ చేయండి. సెండ్‌ OTP  అనే ఆప్షన్‌పై క్లిక్ చేయండి. మీ రిజిస్టర్డ్ మొబైల్ నంబర్‌కు OTP వస్తుంది. OTPని నమోదు చేసి, మీ బయోమెట్రిక్ డేటాను లాక్ చేయండి.

మీ బయోమెట్రిక్ డేటా లాక్  చేసిన తర్వాత, దానిని ఎప్పుడైనా అన్‌లాక్ చేయవచ్చు. ఈ ఫీచర్ మీ అనుమతి లేకుండా ఎవరూ మీ బయోమెట్రిక్ డేటాను యాక్సెస్ చేయలేరు. మీ ఆధార్‌ను క్రమం తప్పకుండా చెక్ చేస్తూ ఉండాలి. అనుమానాస్పద కార్యకలాపాలు గమనించినట్లయితే వెంటనే చర్య తీసుకోండి. మీ ఆధార్‌ను సురక్షితంగా ఉంచడానికి బయోమెట్రిక్ లాక్‌ని ఉపయోగించండి. తెలియని ప్రదేశాల్లో ఆధార్ కార్డును  ఉపయోగించకపోవడం మంచిది.  

మరిన్ని చదవండి

ఆధార్ లింక్ అయిన మొబైల్ నెంబర్ పనిచేయడం లేదా? కొత్త నంబర్​ను ఇలా అప్​డేట్ చేసుకోండి

ఆధార్ కార్డ్‌పై కనిపించే VID నంబర్ అర్థం ఇదా!, మీ వివరాలన్నీ ఫుల్‌ సేఫ్‌!