Mutual Funds: తక్కువ ఖర్చు, ఎక్కువ రాబడి - టాప్-6 మ్యూచువల్ ఫండ్స్ ఇవి
ఫండ్ ఎక్స్పెన్స్ రేషియో ఎంత తక్కువగా ఉంటే దీర్ఘకాలంలో లాభదాయకత అంత మెరుగ్గా ఉంటుంది.
Mutual Fund Schemes: స్టాక్ మార్కెట్లో డబ్బులు పెట్టి టెన్షన్ పడడం ఎందుకు, మ్యూచువల్ ఫండ్స్లో పెట్టుబడులు పెట్టి నిశ్చితంగా నిద్రపోదాం అనుకుంటున్నారా? మీ కోసం టాప్-6 మ్యూచువల్ ఫండ్స్ను (best mutual funds) పరిచయం చేస్తున్నాం. వాస్తవానికి ఇవి పాత పథకాలే. అయితే... గత ఒక సంవత్సరం కాలంలో 20% పైగా గణనీయమైన రాబడిని పెట్టుబడిదార్లకు అందించాయి. అంతేకాదు, ఇవన్నీ డైరెక్ట్ ప్లాన్స్. అంటే, వీటి కోసం పెట్టుబడిదార్లు చెల్లించాల్సిన వ్యయ నిష్పత్తి (expense ratio) చాలా తక్కువ. మ్యూచువల్ ఫండ్లో మీ పెట్టుబడులను నిర్వహించినందుకు ఫండ్ మేనేజర్లు ఏడాదికి కొంత రుసుము వసూలు చేస్తారు, దీనిని వ్యయ నిష్పత్తిగా పిలుస్తారు. మ్యూచువల్ ఫండ్ డైరెక్ట్ ప్లాన్స్లో వ్యయ నిష్పత్తి చాలా తక్కువగా ఉంటుంది. ప్లాన్స్ను బట్టి కొద్ది మొత్తంలో మారుతుంటుంది. ఫండ్ ఎక్స్పెన్స్ రేషియో ఎంత తక్కువగా ఉంటే దీర్ఘకాలంలో లాభదాయకత అంత మెరుగ్గా ఉంటుంది.
ఈ రెండు కీలక అంశాల (అధిక రాబడి & తక్కువ ఖర్చులు) ఆధారంగా టాప్-6 మ్యూచువల్ ఫండ్స్ను 'ది ఎకనమిక్ టైమ్స్' షార్ట్లిస్ట్ చేసింది.
ఆదిత్య బిర్లా సన్ లైఫ్ మీడియం టర్మ్ డైరెక్ట్ -గ్రోత్ (Aditya Birla Sun Life Medium Term Direct - Growth)
గత ఒక సంవత్సరంలో రాబడి: 23.31% | వ్యయ నిష్పత్తి: 0.87% |ఫండ్ పరిమాణం: రూ. 1,764.41 కోట్లు
ICICI ప్రుడెన్షియల్ భారత్ 22 FoF డైరెక్ట్ - గ్రోత్ (ICICI Prudential BHARAT 22 FOF Direct - Growth)
గత ఒక సంవత్సరంలో రాబడి: 22.64% | వ్యయ నిష్పత్తి: 0.08% | ఫండ్ పరిమాణం: రూ. 101.33 కోట్లు
ఇన్వెస్కో ఇండియా - ఇన్వెస్కో పాన్ యూరోపియన్ ఈక్విటీ FoF డైరెక్ట్ - గ్రోత్ (Invesco India - Invesco Pan European Equity FoF Direct-Growth)
గత ఒక సంవత్సరంలో రాబడి: 21.60% | వ్యయ నిష్పత్తి: 0.51% | ఫండ్ పరిమాణం: రూ. 35.15 కోట్లు
ఐసీఐసీఐ ప్రుడెన్షియల్ ఇన్ఫ్రాస్ట్రక్చర్ డైరెక్ట్ - గ్రోత్ (ICICI Prudential Infrastructure Direct - Growth)
గత ఒక సంవత్సరంలో రాబడి: 21.60% | వ్యయ నిష్పత్తి: 1.63% | ఫండ్ పరిమాణం: రూ. 2,360.98 కోట్లు
కోటక్ ఇన్ఫ్రాస్ట్రక్చర్ అండ్ ఎకనామిక్ రిఫార్మ్ ఫండ్ డైరెక్ట్ - గ్రోత్ (Kotak Infrastructure and Economic Reform Fund Direct - Growth)
గత ఒక సంవత్సరంలో రాబడి: 20.37% | వ్యయ నిష్పత్తి: 1.00% | ఫండ్ పరిమాణం: రూ. 753.69 కోట్లు
ICICI ప్రుడెన్షియల్ ఎఫ్ఎంసీజీ డైరెక్ట్ - గ్రోత్ (ICICI Prudential FMCG Direct-Growth)
గత ఒక సంవత్సరంలో రాబడి: 20.36% | వ్యయ నిష్పత్తి: 1.45% | ఫండ్ పరిమాణం: రూ. 1,186.06 కోట్లు
Disclaimer: ఈ వార్త కేవలం సమాచారం కోసం మాత్రమే. మ్యూచువల్ ఫండ్లు, స్టాక్ మార్కెట్, క్రిప్టో కరెన్సీ, షేర్లు, ఫారెక్స్, కమొడిటీల్లో పెట్టే పెట్టుబడులు ఒడుదొడుకులకు లోనవుతుంటాయి. మార్కెట్ పరిస్థితులను బట్టి ఆయా పెట్టుబడి సాధనాల్లో రాబడి మారుతుంటుంది. ఫలానా మ్యూచువల్ ఫండ్, స్టాక్, క్రిప్టో కరెన్సీలో పెట్టుబడి పెట్టాలని లేదా ఉపసంహరించుకోవాలని 'abp దేశం' చెప్పడం లేదు. పెట్టుబడి పెట్టే ముందు, లేదా ఉపసంహరించుకునే ముందు అన్ని వివరాలు పరిశీలించడం ముఖ్యం. అవసరమైతే సర్టిఫైడ్ ఫైనాన్షియల్ అడ్వైజర్ల నుంచి సలహా తీసుకోవడం మంచిది.
టాప్ హెడ్ లైన్స్
ట్రెండింగ్ వార్తలు
