(Source: ECI/ABP News/ABP Majha)
Gas Cylinder Price: వంట గ్యాస్‌ యూజర్లకు షాక్‌ - పెరిగిన LPG సిలిండర్ ధర
LPG Cylinder Price Today: LPG సిలిండర్ ధరలో మార్పు ఈ రోజు (01 ఆగస్టు 2024) నుంచి అమల్లోకి వచ్చింది. మీ ప్రాంతంలో LPG సిలిండర్ తాజా ధరను ఇక్కడ చూడొచ్చు.
LPG Cylinder Price Increased From 01 August 2024: ఆగస్టు మొదటి తేదీన గ్యాస్‌ సిలిండర్ వినియోగదార్లకు ధరల షాక్‌ తగిలింది. ప్రభుత్వ చమురు మార్కెటింగ్ కంపెనీలు (OMCs) ఎల్‌పీజీ సిలిండర్ ధరలను మార్చాయి. ఈ మార్పు వల్ల, ఈ రోజు నుంచి (ఆగస్టు 01, 2024) నుంచి కమర్షియల్ LPG సిలిండర్ల ధర పెరిగింది.
ప్రభుత్వ చమురు కంపెనీలు జారీ చేసిన నోటిఫికేషన్ ప్రకారం, ఈ రోజు నుంచి దేశంలోని వివిధ నగరాల్లో గ్యాస్‌ సిలిండర్ ధర సుమారు రూ. 6.50 నుంచి రూ. 9 వరకు పెరిగింది. ఈ పెంపు 19 కిలోల వాణిజ్య LPG సిలిండర్లకు మాత్రమే. గృహావసరాలకు వినియోగించే ఎల్‌పీజీ సిలిండర్ ధరలో ఈసారి కూడా ఎలాంటి మార్పు లేదు.
మెట్రో నగరాల్లో గ్యాస్‌ సిలిండర్ కొత్త ధర
తాజా పెంపు తర్వాత, దిల్లీలో 19 కిలోల సిలిండర్ ధర (Commercial LPG Cylinder Price Today) రూ. 6.50 పెరిగి రూ. 1652.50కి చేరుకుంది. కోల్‌కతాలో కమర్షియల్ ఎల్‌పీజీ సిలిండర్ రేటు రూ. 1,764.50 కు అందుబాటులోకి వచ్చింది. ఈ నగరంలో రూ. 8.50 పెరిగింది. పెద్ద సిలిండర్ కోసం ముంబై ప్రజలు ఈ రోజు నుంచి రూ. 1,605 చెల్లించాలి. చెన్నైలో బ్లూ సిలిండర్ ధర ఇప్పుడు రూ. 1,817 అవుతుంది.
వరుసగా 4 నెలలు ధర తగ్గింపు
ఆగస్టుకు ముందు, 19 కిలోల వాణిజ్య సిలిండర్ల ధర వరుసగా నాలుగు నెలల పాటు తగింది. గత నెలలో, జులై 01న, 19 కిలోల కమర్షియల్ ఎల్‌పీజి సిలిండర్ ధర సుమారు 30 రూపాయలు తగ్గింది. జూన్‌ 01న ఇదే సిలిండర్‌పై 19 రూపాయలు, మే 01న 19 రూపాయలు, ఏప్రిల్‌ 01న 35 రూపాయల చొప్పున రేట్‌ కట్‌ ప్రకటించాయి. ఏప్రిల్‌కు ముందు, వరుసగా మూడు నెలల పాటు వాణిజ్య సిలిండర్ల ధరలు పెరిగాయి.
డొమెస్టిక్‌ LPG సిలిండర్ యూజర్లకు మరోమారు నిరాశ
ఇళ్లలో వినియోగించే 14.2 కిలోల LPG సిలిండర్ల ధరల్లో (Domestic LPG Cylinder Price Today) ప్రభుత్వ చమురు సంస్థలు ఎలాంటి మార్పు లేదు, సామాన్య ప్రజలకు ఈసారి కూడా నిరాశ తప్పలేదు. మోదీ 2.0 ప్రభుత్వ హయాంలో, ఈ సంవత్సరం మహిళా దినోత్సవం (08 మార్చి 2024) సందర్భంగా డొమెస్టిక్‌ గ్యాస్‌ సిలిండర్ రేటును 100 రూపాయలు తగ్గించింది. సామాన్య పౌరులు ఉపయోగించే గ్యాస్‌ బండ రేటును తగ్గించడం అదే చివరిసారి. అప్పటి నుంచి, 5 నెలలుగా ఎర్ర సిలిండర్ రేట్లలో ఎలాంటి మార్పు లేదు.
తెలుగు రాష్ట్రాల్లో డొమెస్టిక్‌ గ్యాస్‌ సిలిండర్ రేట్లు
హైదరాబాద్‌లో, 14.2 కేజీల సిలిండర్ కోసం (14 KGs Gas Cylinder Price In Hyderabad) రూ. 855 చెల్లించాలి. విజయవాడలో ఇదే గ్యాస్‌ బండ రేటు (14 KGs Gas Cylinder Price In Vijayawada) రూ. 855 గా ఉంది. తెలుగు రాష్ట్రాల్లోని అన్ని ప్రాంతాల్లో, చిన్నపాటి మార్పులతో ఇదే ధర అమలవుతోంది.
14.2 కేజీల గ్యాస్‌ సిలిండర్ ధర దిల్లీలో రూ. 803, కోల్‌కతాలో రూ. 803, ముంబైలో రూ. 802.50, చెన్నైలో రూ. 818.50 గా ఉంది.
మరో ఆసక్తికర కథనం: అత్యంత భారీగా పెరిగిన చమురు రేట్లు - మీ ప్రాంతంలో ఈ రోజు పెట్రోల్‌, డీజిల్‌ ధరలు ఇవి
టాప్ హెడ్ లైన్స్
ట్రెండింగ్ వార్తలు
