Gold-Silver Price: తగ్గిన బంగారం, వెండి ధరలు... తెలుగు రాష్ట్రాలతో పాటు ప్రధాన నగరాల్లో ఇవాళ్టి ధరలు ఇలా...

గోల్డ్ ప్రియులకు గుడ్ న్యూస్. తెలుగు రాష్ట్రాల్లో బంగారం ధరలు గ్రాముకు రూ.10 వరకు తగ్గింది. హైదరాబాద్ లో మార్కెట్‌లో 24 క్యారెట్ల ప్యూర్ బంగారం (99.99) ధర ప్రస్తుతం రూ.48,000(10 గ్రాములు)గా ఉంది.

బంగారం, వెండి ధరలు(ప్రతీకాత్మక చిత్రం)

భారత్‌లో బంగారం, వెండి ధరలు ఈ రోజు (సెప్టెంబరు 12) తగ్గాయి. వెండి ధర కేజీకి రూ.500 తగ్గింది. 22 క్యారెట్ల 10 గ్రాముల (తులం) బంగారం ధర, ఇవాళ భారత మార్కెట్‌లో రూ.46,070 కాగా, 24 క్యారెట్ల బంగారం ధర తాజాగా రూ.47,070 గా ఉంది. దేశవ్యాప్తంగా ఉదయం ఆరు గంటలకు ఉన్న ధరలివి. 

భారత మార్కెట్‌లో బంగారం, వెండి ధరలు తగ్గాయి. తాజాగా భారత మార్కెట్‌లో కిలో వెండి ధర రూ.64,200గా కొనసాగుతోంది. హైదరాబాద్‌ మార్కెట్‌లో కిలో వెండి ధర రూ.68,000గా ఉంది. ఆంధ్రప్రదేశ్, తెలంగాణలోని హైదరాబాద్, విశాఖపట్నం, విజయవాడ వంటి ముఖ్య నగరాల్లో సెప్టెంబరు 12న బంగారం, వెండి ధరలు ఇలా ఉన్నాయి.

తెలుగు రాష్ట్రాల్లో బంగారం, వెండి తాజా ధరలివీ

హైదరాబాద్‌ మార్కెట్‌లో బంగారం ధరలు తగ్గాయి. 24 క్యారెట్ల బంగారం (99.99) ధర ప్రస్తుతం రూ.48,000 గా ఉంది. 22 క్యారెట్ల బంగారం (91.6) ధర రూ.44,000 గా ఉంది. ఇక స్వచ్ఛమైన వెండి ధర హైదరాబాద్ మార్కెట్‌లో కిలో రూ.68,000 పలికింది.

ఇక విజయవాడలో 22 క్యారెట్ల ఆర్నమెంటు బంగారం ధర సెప్టెంబరు 12న రూ.44,000 కాగా.. 24 క్యారెట్ల బిస్కెట్ బంగారం ధర రూ.48,000గా ఉంది. ఇక్కడ కిలో వెండి ధర రూ.68,000గా ఉంది. విశాఖపట్నం పసిడి మార్కెట్‌లోనూ 22 క్యారెట్ల బంగారం ధర రూ.44,000 గానే ఉండగా.. 24 క్యారెట్ల బంగారం ధర రూ.48,000గా ఉంది. ఇక్కడ కూడా వెండి ధర కిలోకు హైదరాబాద్ తరహాలోనే రూ.68,000 పలుకుతోంది.

దేశంలోని వివిధ నగరాల్లో పసిడి ధర ఇలా..

దేశంలోని వివిధ నగరాలలో బంగారం ధరలు సెప్టెంబరు 12న ఇలా ఉన్నాయి.  ముంబయిలో ఈరోజు 22 క్యారెట్ల ఆభరణాల బంగారం ధర రూ.46,070గా ఉండగా, 24 క్యారెట్ల బంగారం ధర రూ.47,070గా ఉంది. చెన్నైలో 22 క్యారెట్ల బంగారం ధర రూ.44,400 ఉండగా, 24 క్యారెట్ల బంగారం ధర రూ.48,440గా ఉంది. దిల్లీలో 22 క్యారెట్ల ఆభరణాల బంగారం ధర రూ.46,150గా ఉండగా, 24 క్యారెట్ల బంగారం ధర రూ.50,350గా ఉంది

ప్లాటినం ధరలో తగ్గుదల

సంపన్నులు ఎక్కువగా ఆసక్తి చూపించే మరో విలువైన లోహం అయిన ప్లాటినం ధర హైదరాబాద్‌లో గ్రాము రూ.2,302గా ఉంది. ముందు రోజు ధరలో రూ.7 తగ్గింది. 10 గ్రాముల ప్లాటినం ధర ఇక్కడ రూ.23,022 గా ఉండగా.. విశాఖపట్నం, విజయవాడలో కూడా 10 గ్రాముల ప్లాటినం ధర అదే కొనసాగుతోంది.

వివిధ అంశాలపై పసిడి ధర

బంగారం ధరల్లో ప్రతిరోజూ మార్పు చేసుకుంటుండడం అనేది ప్రపంచవ్యాప్తంగా అనేక రకాల అంశాలపై ఆధారపడి ఉంటుంది. అంతర్జాతీయ మార్కెట్‌లో బంగారం ధరలు పెరగడం కూడా ఓ కారణం. అయితే, ఇలా గ్లోబల్ మార్కెట్‌లో పసిడి ధరలు పెరగడానికి కూడా మళ్లీ అనేక అంతర్జాతీయపరమైన కారణాలు ఉంటాయి. ద్రవ్యోల్బణం, సెంట్రల్ బ్యాంకు వద్ద బంగారం నిల్వలు, వడ్డీ రేట్ల పెరుగుదల లేదా తగ్గుదల, వివిధ జువెలరీ మార్కెట్లలో బంగారానికి వినియోగదారుల నుంచి ఉంటున్న డిమాండ్ వంటి ఎన్నో అంశాలు బంగారం ధరను ప్రభావితం చేస్తాయి.