![ABP Premium](https://cdn.abplive.com/imagebank/Premium-ad-Icon.png)
Cryptocurrency Prices Today: 48 గంటల్లో కరిగిపోయిన రూ.7 లక్షల కోట్లు!!
Cryptocurrency Prices Today, 14 June 2022: క్రిప్టో మార్కెట్లు నేడు భారీ నష్టాల్లో ఉన్నాయి. గత 24 గంటల్లో బిట్కాయిన్ (Bitcoin) 6.78 శాతం తగ్గి రూ.28.73 లక్షల వద్ద కొనసాగుతోంది.
![Cryptocurrency Prices Today: 48 గంటల్లో కరిగిపోయిన రూ.7 లక్షల కోట్లు!! Cryptocurrency Prices On June 14 2022 Know Rate of Bitcoin, Ethereum, Litecoin, Ripple, Dogecoin And Other Cryptocurrencies Cryptocurrency Prices Today: 48 గంటల్లో కరిగిపోయిన రూ.7 లక్షల కోట్లు!!](https://feeds.abplive.com/onecms/images/uploaded-images/2022/06/14/397e1345dfe210d58077c53299637fc3_original.jpg?impolicy=abp_cdn&imwidth=1200&height=675)
Cryptocurrency Prices Today, 14 June 2022: క్రిప్టో మార్కెట్లు నేడు భారీ నష్టాల్లో ఉన్నాయి. ట్రేడర్లు, ఇన్వెస్టర్లు అమ్మకాలు చేపట్టారు. గత 24 గంటల్లో బిట్కాయిన్ (Bitcoin) 6.78 శాతం తగ్గి రూ.28.73 లక్షల వద్ద కొనసాగుతోంది. మార్కెట్ విలువ 2 రోజుల్లో రూ.7 లక్షల కోట్ల వరకు తగ్గి రూ.33.40 లక్షల కోట్లుగా ఉంది. బిట్కాయిన్ తర్వాత అతిపెద్ద మార్కెట్ విలువ కలిగిన ఎథీరియమ్ (Ethereum) గత 24 గంటల్లో 3.51 శాతం తగ్గి రూ.99,376 వద్ద ట్రేడ్ అవుతోంది. మార్కెట్ విలువ రూ.11.57 లక్షల కోట్లుగా ఉంది.
టెథెర్ 0.08 శాతం పెరిగి రూ.83.56, బైనాన్స్ కాయిన్ 1.35 శాతం తగ్గి రూ.18,675, యూఎస్డీ కాయిన్ 0.02 శాతం తగ్గి 83.66, కర్డానో 8.29 శాతం పెరిగి రూ.41.56, రిపుల్ 0.39 శాతం తగ్గి రూ.26.33 వద్ద కొనసాగుతున్నాయి. ఐఓటెక్స్, ఫాంటామ్, ఠీటా నెట్వర్క్, గాలా, ఆర్జిన్ ప్రొటో, ఎల్రాండ్, డీఎఫ్వై మనీ 11-16 శాతం వరకు లాభాల్లో ఉన్నాయి. మెటల్, బాన్కర్, ట్రాన్, స్టేటస్, గ్యాస్, టెజోస్ 5-19 శాతం వరకు నష్టాల్లో ఉన్నాయి.
హెచ్చుతగ్గులు ఉంటాయి
క్రిప్టో కరెన్సీల ధరలు తెలుసుకోవడం ఇప్పుడు సులభమే. ఎక్కువ మంది వీటిపై పెట్టుబడులు పెడుతున్నారు. బిట్కాయిన్స్, ఎథిరెమ్, లైట్కాయిన్, రిపిల్, డోజీకాయిన్ను భారత్లో ఎక్కువగా ట్రేడ్ చేస్తున్నారు. ప్రతి రోజు వీటి ధరలు హెచ్చుతగ్గులకు లోనవుతాయి. మార్కెట్ వొలటైల్గా ఉంటుంది. ఎక్కువగా వినిపించే బిట్కాయిన్, ఎథెర్, డోజీకాయిన్, లైట్కాయిన్, రిపిల్ ధరలు నిమిషాల్లోనే మారుతుంటాయి.
క్రిప్టో కరెన్సీ అంటే?
క్రిప్టో కరెన్సీ ఒక డిజిటల్ అసెట్. ఇప్పుడున్న కరెన్సీ లాగే చాలా దేశాల్లో వీటిని లావాదేవీలకు అనుమతి ఇస్తున్నారు. కంప్యూటరైజ్డ్ డేటాబేస్ లెడ్జర్లలో ఈ కాయిన్లపై ఓనర్షిప్ను భద్రపరుస్తారు. బ్లాక్చెయిన్ టెక్నాలజీ ద్వారా వీటిని తయారు చేస్తారు. ఈ క్రిప్టో కరెన్సీ భౌతికంగా కనిపించదు. అంతా డిజిటల్ రూపంలోనే ఉంటుంది. సెంట్రల్ బ్యాంక్ డిజిటల్ కరెన్సీకి వీటికీ సంబంధం లేదు.
భారత్లో ట్రేడింగ్కు అనుమతి
భారత్లో క్రిప్టో కరెన్సీకి చట్టబద్ధత లేదు. అయితే ట్రేడింగ్ చేసుకోవడానికి ప్రభుత్వం అనుమతి ఇచ్చింది. లాభనష్టాలతో ప్రభుత్వానికి సంబంధం ఉండదు. పెట్టుబడి దారులే బాధ్యులు అవుతారు. ప్రజల్లో అవగాహన పెరగడంతో క్రిప్టో కరెన్సీ ఎక్స్ఛేంజ్లు, ట్రేడింగ్ ఫ్లాట్ఫామ్స్, యాప్స్ చాలా అందుబాటులోకి వచ్చాయి.
త్వరలో నియంత్రణ!
క్రిప్టో కరెన్సీని నియంత్రించేందుకు కేంద్ర ప్రభుత్వం సిద్ధమైందని తెలిసింది. వాస్తవంగా శీతకాలం సమావేశాల్లోనే నియంత్రణ బిల్లును ప్రవేశపెట్టేందుకు ప్రయత్నించారు. అయితే మరింత మంది నిపుణులు, స్టేక్ హోల్డర్లు, అనుభవజ్ఞుల సలహాలను తీసుకోవాలని నిర్ణయించింది. క్రిప్టోలను పూర్తిగా నిషేధిస్తారని మొదట్లో వార్తలు వచ్చినా.. క్రిప్టో అసెట్, నియంత్రణ బిల్లును తీసుకొస్తున్నారని తెలిసింది.
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)