Cryptocurrency Prices Today: రూ.75,000+ కోట్లు పెరిగిన బిట్కాయిన్.. మార్కెట్ ఎలా ఉందంటే?
గత 24 గంటల్లో బిట్కాయిన్ 0.66 శాతం పెరిగి రూ.38.476 లక్షల వద్ద కొనసాగుతోంది. మార్కెట్ విలువ రూ.70.36 లక్షల కోట్లుగా ఉంది.
Cryptocurrency Prices Today, 22 December 2021: క్రిప్టో మార్కెట్లు బుధవారం స్తబ్దుగా ఉన్నాయి. కీలక క్రిప్టోలన్నీ ఫ్లాట్గా ట్రేడ్ అవుతున్నాయి. గత 24 గంటల్లో బిట్కాయిన్ 0.66 శాతం పెరిగి రూ.38.476 లక్షల వద్ద కొనసాగుతోంది. మార్కెట్ విలువ రూ.70.36 లక్షల కోట్లుగా ఉంది. బిట్కాయిన్ తర్వాత అతిపెద్ద మార్కెట్ విలువ కలిగిన ఎథిరియమ్ 0.32 శాతం తగ్గి రూ.3,17,700 వద్ద ట్రేడ్ అవుతోంది. మార్కెట్ విలువ రూ.36.33 లక్షల కోట్లుగా ఉంది.
బైనాన్స్ కాయిన్ 0.08 శాతం పెరిగి రూ.42,243, టెథెర్ 0.03 శాతం పెరిగి రూ.79.35, సొలానా 2.10 శాతం పెరిగి రూ.14,611, రిపుల్ 7.82 శాతం పెరిగి రూ.75.61, కర్డానో 2.44 శాతం పెరిగి రూ.104వద్ద కొనసాగుతున్నాయి. రిపబ్లిక్, టెర్రా, కర్వ్, రిక్వెస్ట్, కాస్మోస్, ఎంజిన్ కాయిన్, పాలీగాన్ 9 నుంచి 38 శాతం వరకు పెరిగాయి. యార్న్ ఫైనాన్స్, డీఎఫ్ఐ మనీ, న్యూమెరారి, డాయి, ఎయిర్స్వాప్, వేవ్స్, ఎల్రాండ్ 7 శాతం వరకు నష్టపోయాయి.
హెచ్చుతగ్గులు ఉంటాయి
క్రిప్టో కరెన్సీల ధరలు తెలుసుకోవడం ఇప్పుడు సులభమే. ఎక్కువ మంది వీటిపై పెట్టుబడులు పెడుతున్నారు. బిట్కాయిన్స్, ఎథిరెమ్, లైట్కాయిన్, రిపిల్, డోజీకాయిన్ను భారత్లో ఎక్కువగా ట్రేడ్ చేస్తున్నారు. ప్రతి రోజు వీటి ధరలు హెచ్చుతగ్గులకు లోనవుతాయి. మార్కెట్ వొలటైల్గా ఉంటుంది. ఎక్కువగా వినిపించే బిట్కాయిన్, ఎథెర్, డోజీకాయిన్, లైట్కాయిన్, రిపిల్ ధరలు నిమిషాల్లోనే మారుతుంటాయి.
క్రిప్టో కరెన్సీ అంటే?
క్రిప్టో కరెన్సీ ఒక డిజిటల్ అసెట్. ఇప్పుడున్న కరెన్సీ లాగే చాలా దేశాల్లో వీటిని లావాదేవీలకు అనుమతి ఇస్తున్నారు. కంప్యూటరైజ్డ్ డేటాబేస్ లెడ్జర్లలో ఈ కాయిన్లపై ఓనర్షిప్ను భద్రపరుస్తారు. బ్లాక్చెయిన్ టెక్నాలజీ ద్వారా వీటిని తయారు చేస్తారు. ఈ క్రిప్టో కరెన్సీ భౌతికంగా కనిపించదు. అంతా డిజిటల్ రూపంలోనే ఉంటుంది. సెంట్రల్ బ్యాంక్ డిజిటల్ కరెన్సీకి వీటికీ సంబంధం లేదు.
భారత్లో ట్రేడింగ్కు అనుమతి
భారత్లో క్రిప్టో కరెన్సీకి చట్టబద్ధత లేదు. అయితే ట్రేడింగ్ చేసుకోవడానికి ప్రభుత్వం అనుమతి ఇచ్చింది. లాభనష్టాలతో ప్రభుత్వానికి సంబంధం ఉండదు. పెట్టుబడి దారులే బాధ్యులు అవుతారు. ప్రజల్లో అవగాహన పెరగడంతో క్రిప్టో కరెన్సీ ఎక్స్ఛేంజ్లు, ట్రేడింగ్ ఫ్లాట్ఫామ్స్, యాప్స్ చాలా అందుబాటులోకి వచ్చాయి.
Also Read: New Online Payment Rules: జనవరి 1 నుంచి ఆన్లైన్ పేమెంట్ నిబంధనల్లో మార్పు.. తెలియకపోతే కష్టం!
Also Read: Snapdeal IPO: ఐపీవోకు స్నాప్డీల్.. రూ.1250 కోట్ల సమీకరణకు ముసాయిదా దాఖలు
టాప్ హెడ్ లైన్స్
ట్రెండింగ్ వార్తలు
