జులై 2026 కార్ లాంచ్లు ఇవే - మారుతి, హోండా, స్కోడా, MG కొత్త కార్లపై భారీ అంచనాలు
జులై 2026లో భారత మార్కెట్లో రెనాల్ట్, నిస్సాన్, మారుతి, MG, స్కోడా, హోండా & టయోటా నుంచి కొత్త మోడళ్లు లాంచ్ కానున్నాయి. వాటి ఫీచర్లు, ఇంజిన్, అంచనా ధరల వివరాలు తెలుసుకోండి.
New car launches July 2026: భారత ఆటోమొబైల్ మార్కెట్లో జూన్ నెల కొత్త మోడళ్లతో సందడి చేసింది. Toyota Innova Crysta, Mercedes-Benz S-Class facelift, Maruti Wagon R flex-fuel, Citroen eC3X, Porsche 911 GT3 వంటి మోడళ్లు మార్కెట్లోకి వచ్చాయి. ఇప్పుడు జులై నెలలో మరోసారి కార్ల ప్రియులను ఆకట్టుకునేందుకు ప్రముఖ కంపెనీలు ముందుకు వచ్చాయి, కొత్త మోడళ్లను విడుదల చేయడానికి సిద్ధమయ్యాయి. రెనాల్ట్, నిస్సాన్, JSW MG, మారుతి సుజుకి, స్కోడా, హోండా & టయోటా నుంచి మొత్తం ఏడు కొత్త మోడళ్లు ఈ నెలలోనే మన మార్కెట్లో అడుగుపెట్టనున్నాయి.
2026 Renault Kwid facelift
జులై 3న రెనాల్ట్ తన క్విడ్ ఫేస్లిఫ్ట్ను విడుదల చేయనుంది. 2015లో తొలిసారి వచ్చిన ఈ హ్యాచ్బ్యాక్కు ఇది రెండో ఫేస్లిఫ్ట్. కొత్త Y ఆకారపు LED DRLs, కొత్త బంపర్లు, కొత్త టెయిల్ లైట్లు, పెద్ద టచ్స్క్రీన్, స్టాండర్డ్ ఆరు ఎయిర్బ్యాగ్లు, కొత్త స్టీరింగ్ వీల్ వంటి మార్పులు ఉండనున్నాయి. ప్రస్తుతం ఉన్న 1.0 లీటర్ పెట్రోల్ ఇంజిన్ కొనసాగనున్నప్పటికీ ధర స్వల్పంగా పెరిగే అవకాశం ఉంది.
Nissan Tekton
జులై 9న నిస్సాన్ టెక్టాన్ తొలి ప్రదర్శన ఇవ్వనుంది. ఇది డస్టర్ ఆధారంగా రూపొందించిన SUV. LED హెడ్ల్యాంప్లు, కొత్త అలాయ్ వీల్స్, C ఆకారపు టెయిల్ ల్యాంప్లు, ఆకర్షణీయమైన డిజైన్తో రానుంది. 1.0 లీటర్ టర్బో పెట్రోల్ & 1.3 లీటర్ టర్బో పెట్రోల్ ఇంజిన్ ఎంపికలు అందుబాటులో ఉంటాయి. 6 స్పీడ్ మాన్యువల్తో పాటు 7 స్పీడ్ DCT కూడా లభించనుంది. ధర డస్టర్ స్థాయిలోనే ఉండే అవకాశం ఉంది.
ఇది కూడా చదవండి: ఏ కాంపాక్ట్ SUVకి లేని శక్తితో వచ్చిన టాటా సియరా EV!బేసిక్, టాప్ వేరియంట్ ధరలు ఎలా ఉన్నాయి?
Wuling Starlight 560-based JSW-MG SUV
జులై 16న JSW MG తన కొత్త ఏడు సీట్ల SUVను ఆవిష్కరించనుంది. ఇది వూలింగ్ స్టార్లైట్ 560 ఆధారంగా రూపొందిన మోడల్గా భావిస్తున్నారు. 12.8 అంగుళాల టచ్స్క్రీన్, డిజిటల్ డ్రైవర్ డిస్ప్లే, పానోరమిక్ సన్రూఫ్, వైర్లెస్ ఛార్జింగ్ వంటి ఆధునిక ఫీచర్లు ఇందులో ఉండనున్నాయి. అంతర్జాతీయ మార్కెట్లలో PHEV & EV రూపాల్లో లభిస్తున్న ఈ మోడల్ భారతదేశంలో ఏ పవర్ట్రెయిన్తో వస్తుందనేది ఆసక్తికరంగా మారింది.
Maruti Brezza facelift
జులై 23న మారుతి బ్రెజ్జా ఫేస్లిఫ్ట్ తొలి ప్రదర్శన ఇవ్వనుంది. కొత్త బంపర్లు, కొత్త అలాయ్ వీల్స్, 10.1 అంగుళాల టచ్స్క్రీన్ ప్రధాన ఆకర్షణలుగా ఉండనున్నాయి. తొలిసారిగా 1.0 లీటర్ Boosterjet టర్బో పెట్రోల్ ఇంజిన్ వచ్చే అవకాశముంది. ఈ ఇంజిన్ కారణంగా పన్ను భారం తగ్గే అవకాశం ఉండటంతో ధర కూడా పోటీ స్థాయిలో ఉండొచ్చని అంచనా.
Skoda Kodiaq RS
స్కోడా కొడియాక్ RS కూడా ఈ నెలలోనే భారత మార్కెట్లోకి రానుంది. అధికారిక ధర ప్రకటించకముందే తొలి 50 యూనిట్లు అమ్ముడవడం విశేషం. 265 hp శక్తి, AWD, 7 స్పీడ్ DCT, అడాప్టివ్ సస్పెన్షన్తో ఇది స్కోడా నుంచి భారత్లో విడుదలైన అత్యంత వేగవంతమైన మోడల్గా నిలవనుంది. దీని ధర రూ.60 లక్షల నుంచి రూ.65 లక్షల మధ్య ఉండొచ్చని అంచనా.
ఇది కూడా చదవండి: పవర్, ప్రీమియం ఫీచర్లు, ఫుల్ సేఫ్టీతో వచ్చిన Skoda Kodiaq RS - ఫ్యామిలీ SUVలో కొత్త బెంచ్మార్క్
Honda ZR-V
హోండా తన ఫ్లాగ్షిప్ SUV అయిన ZR-V హైబ్రిడ్ను కూడా ఈ నెలలో విడుదల చేసే అవకాశం ఉంది. 2.0 లీటర్ పెట్రోల్ ఇంజిన్తో పాటు రెండు ఎలక్ట్రిక్ మోటార్లు కలిపి 184 hp శక్తి & 315 Nm టార్క్ను ఉత్పత్తి చేస్తాయి. కంపెనీ ప్రకటించిన ప్రకారం ఈ SUV లీటరుకు 22.79 కిలోమీటర్ల మైలేజ్ అందిస్తుంది. CBU రూపంలో దిగుమతి కానున్న ఈ మోడల్ ధర సుమారు రూ.45 లక్షల వరకు ఉండవచ్చు.
2026 Toyota Hilux
టయోటా కూడా కొత్త తరం హైలక్స్ను మన మార్కెట్లో ప్రవేశపెట్టేందుకు సిద్ధమవుతోంది. కొత్త LED హెడ్ల్యాంప్లు, రెండు 12.3 అంగుళాల డిస్ప్లేలు, వెంటిలేటెడ్ సీట్లు, వైర్లెస్ ఛార్జింగ్ వంటి ఫీచర్లతో ఇది మరింత ఆధునికంగా మారింది. 2.8 లీటర్ డీజిల్ ఇంజిన్తో పాటు 48V మైల్డ్ హైబ్రిడ్ టెక్నాలజీ అందించే అవకాశం ఉంది. ప్రస్తుతం విక్రయిస్తున్న హైలక్స్ కంటే ఇది మరింత శక్తివంతమైన & ఆధునిక పికప్గా నిలిచే అవకాశముంది.
మొత్తంగా చూస్తే, జులై 2026 భారత ఆటోమొబైల్ మార్కెట్కు కీలకమైన నెలగా మారనుంది. బడ్జెట్ హ్యాచ్బ్యాక్ నుంచి ప్రీమియం SUV వరకు అన్ని విభాగాల్లో కొత్త మోడళ్లు రాబోతుండటంతో కొత్త కారు కొనాలని భావిస్తున్న వారికి కొత్త ఎంపికలు అందుబాటులోకి రానున్నాయి.
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
