భారత్‌లో అతి చవకైన, అత్యధిక మైలేజ్ ఇచ్చే బైక్స్.. 800 Km రేంజ్, లిస్ట్ చూశారా
Hero Splendor Plus, Bajaj Platina 100 | బడ్జెట్ లో మంచి బైక్ కోసం చూస్తున్నారా? కొన్ని బైకులు తక్కువ ధరలో లభిస్తున్నప్పటికీ, ఎక్కువ మైలేజ్ ఇస్తాయి.
మీరు రోజువారీ జర్నీ కోసం తక్కువ పెట్రోల్, మెయింటనెన్స్ సులభంగా ఉండే, తక్కువ బడ్జెట్ బైక్ కోసం చూస్తున్నారా, భారతదేశంలో అనేక మంచి బైక్స్ ఉన్నాయి. కనిష్టంగా 60,000 రూపాయల నుండి 70,000 రూపాయల పరిధిలో లభించే, లీటరుకు 65 నుండి 75 కిలోమీటర్ల వరకు మైలేజీనిచ్చే బైక్‌లు అందుబాటులో ఉన్నాయి. కొన్ని మోడల్‌లు పూర్తి ట్యాంక్‌తో 800 కిలోమీటర్ల వరకు సైతం ప్రయాణించగలవు. ఈ బైక్‌లు తక్కువ ఖర్చుతో ఎక్కువ దూరం ప్రయాణించేవారికి సరైన ఎంపిక అని చెప్పవచ్చు.
హీరో హెచ్ఎఫ్ డీలక్స్ (Hero HF Deluxe)
Hero HF Deluxe ఇప్పటికీ భారతదేశంలో అత్యంత ప్రజాదరణ పొందిన బెస్ట్ మైలేజ్ బైక్‌లలో ఒకటి. దీని ధర చాలా తక్కువ, మెయింటనెన్స్‌కు ఎక్కువ ఖర్చు చేయనవసరం లేదు. ఈ బైక్ 97.2cc ఇంజిన్‌తో వస్తుంది. బైక్ మీకు సులభంగా లీటరుకు 65 కిలోమీటర్ల వరకు మైలేజీ ఇస్తుంది. సిటీ రోడ్లతో పాటు గ్రామీణ ప్రాంతాలకు ఈ బైక్ చాలా మన్నికైన ఎంపికగా పరిగణిస్తారు.
టీవీఎస్ స్పోర్ట్ (TVS Sport)
TVS Sport యువతకు ఇష్టమైన బైకులలో ఒకటి. ఎందుకంటే ఈ బైక్ చవక మాత్రమే కాదు, మంచి మైలేజీనిస్తుంది. దీని ఇంజిన్ లీటరుకు 70 కిలోమీటర్ల వరకు మైలేజీ ఇస్తుంది. ఈ బైక్ తేలికైనది. రద్దీగా ఉండే సిటీ రోడ్లపై కూడా సులభంగా వెళుతుంది. ఫుల్ ట్యాంక్ చేపిస్తే గరిష్టంగా 800 కిలోమీటర్ల వరకు వెళ్తుంది. తక్కు పెట్రోల్ తో ఎక్కువ దూరం ప్రయాణించడానికి ఇది అనుకూలంగా ఉంటుంది.
హోండా షైన్ (Honda Shine 100)
Honda Shine 100 చాలా తక్కువ సమయంలో భారత్‌లో అత్యధికంగా అమ్ముడవుతున్న 100 cc బైక్‌లలో ఒకటిగా నిలిచింది. ఈ బైక్ లీటరుకు 65 కిలోమీటర్ల వరకు మైలేజీనిస్తుంది. Shine 100 సస్పెన్షన్ సరిగ్గా లేని రోడ్లపై కూడా కొంతమేర సౌకర్యవంతంగా ఉంటుంది. హోండా షైన్ ఇంజిన్ చాలా కాలం పాటు ఎలాంటి సమస్య లేకుండా నడుస్తుంది. దీని కారణంగా ఇది గ్రామాల్లో ఉండే వారికి ఫెవరెట్ బైకుగా ప్రసిద్ధి చెందింది.
బజాజ్ ప్లాటినా (Bajaj Platina 100)
భారతదేశంలో మైలేజ్ కింగ్‌గా పిలుచుకునే బైకు Bajaj Platina 100. ఇది లీటరుకు 75 కిలోమీటర్ల వరకు మైలేజీ అందిస్తుంది. దీని 11 లీటర్ల ఫుల్ ట్యాంక్ దాదాపు 800 కిలోమీటర్ల రేంజ్ జర్నీ చే
హీరో బైక్.. Hero Splendor Plus
చాలా సంవత్సరాలుగా Hero Splendor Plus భారతదేశంలో నంబర్ వన్ బైక్‌గా ఉంది. ఈ బైక్ బలమైన నిర్మాణం, మంచి మైలేజ్, చాలా తక్కువ నిర్వహణ ఖర్చులతో ఫేమస్ అయింది. Splendor Plus దాదాపు లీటరుకు 70 కిలోమీటర్ల వరకు మైలేజీ ఇస్తుంది. i3S టెక్నాలజీ ట్రాఫిక్‌లో సైతం పెట్రోల్ ఆదా చేయడానికి సహాయపడుతుంది.
మీకు ఏ బైక్ సరైనది?
మీ బడ్జెట్ 60,000 రూపాయల వరకు ఉంటే Hero HF Deluxe బైక్, TVS Sport మీకు బెస్ట్ ఛాయిస్. మీ మొదటి లక్ష్యం మైలేజ్ అయితే, Bajaj Platina 100 ఉత్తమ ఎంపిక. ఎక్కువ కాలం పాటు అత్యంత బలమైన, నమ్మదగిన బైక్‌గా Hero Splendor Plus మారింది.
టాప్ హెడ్ లైన్స్
ట్రెండింగ్ వార్తలు
