కొత్త Tata Sierra లోయర్, మిడ్ వేరియంట్స్ ధరలు ప్రకటన - ₹11.49 లక్షల నుంచే ప్రారంభం
Tata Sierra కొత్త వేరియంట్ల ధరలను టాటా అధికారికంగా ప్రకటించింది. ఏడు ట్రిమ్లు, మూడు ఇంజిన్ ఆప్షన్లతో ₹11.49- ₹18.49 లక్షల వరకు ధరలు ఉన్నాయి. టాప్ వేరియంట్స్ మాత్రమే ధరలు పెండింగ్లో ఉన్నాయి.
Tata Sierra Variants, Price Range: మధ్య తరగతి వాళ్లు ఎంతో ఆసక్తిగా ఎదురుచూస్తున్న కొత్త Tata Sierra మోడల్ వివరాలను టాటా మోటార్స్ దశలవారీగా రివీల్ చేస్తోంది. తాజాగా, ఈ కంపెనీ, ఈ మిడ్సైడ్ SUVకి సంబంధించిన లో-స్పెక్ & మిడ్-స్పెక్ వేరియంట్ల ధరలను ప్రకటించింది. రెండు టాప్ వేరియంట్ల ధరలను మాత్రం త్వరలో వెల్లడించనుంది. ఇప్పుడు, Sierra రేంజ్ను ఎలా విభజించారో, ఏ ట్రిమ్లో ఏమేం ఫీచర్లు ఉన్నాయో, వాటి ధరలు ఎంతో క్లియర్గా తెలుసుకోవచ్చు.
ఏడు ట్రిమ్లు – కొనేవారికి విస్తృతమైన ఎంపికలు
టాటా మోటార్స్, కొత్త Sierraను మొత్తం ఏడు ట్రిమ్లలో అందిస్తోంది, అవి: Smart+, Pure, Pure+, Adventure, Adventure+, Accomplished, Accomplished+
ఒక్కో దాంట్లో ఒక్కో ఫీచర్ ప్యాకేజీతో వస్తుండటం వల్ల, బడ్జెట్ ప్రకారం సెలెక్ట్ చేసుకోవడానికి చాలా వరకు ఆప్షన్లు ఇచ్చినట్లైయింది.
ధర ఎంత నుంచి మొదలవుతుంది?
కొత్త Sierra ధరలు ₹11.49 లక్షల నుంచి ₹18.49 లక్షల వరకు ఉన్నాయి (ఎక్స్-షోరూమ్). టాప్ లైన్లో ఉన్న రెండు వేరియంట్ల ధరలు ఇంకా రాలేదు కానీ, ఇప్పటివరకు వచ్చిన లిస్టు ప్రకారం, ఈ SUV సెగ్మెంట్లో బలమైన పోటీని సృష్టించబోతోంది.
AP, TG మార్కెట్లలో SUV డిమాండ్ భారీగా ఉండటంతో, ₹11–18 లక్షల రేంజ్లో Sierra ఒక స్ట్రాంగ్ ఆప్షన్గా మారే ఛాన్స్ స్పష్టంగా కనిపిస్తోంది.
సియెరా పవర్ట్రెయిన్ ఆప్షన్లు, వేరియంట్లు, ధరలు ఇవే:
| ఇంజిన్ | ట్రాన్స్మిషన్ | Smart+ (రూ.లక్షల్లో) | Pure (రూ.లక్షల్లో) | Pure+ (రూ.లక్షల్లో) | Adventure (రూ.లక్షల్లో) | Adventure+ (రూ.లక్షల్లో) |
| 1.5-లీటర్ NA పెట్రోల్ | MT | 11.49 | 12.99 | 14.49 | 15.29 | 15.99 |
| 1.5-లీటర్ NA పెట్రోల్ | DCA | - | 14.49 | 15.99 | 16.79 | - |
| 1.5-Turbo పెట్రోల్ | AT | - | - | - | - | 17.99 |
| 1.5-Turbo డీజిల్ | MT | 12.99 | 14.49 | 15.99 | 16.49 | 17.19 |
| 1.5-Turbo డీజిల్ | AT | - | 15.99 | 17.49 | - | 18.49 |
వేరియంట్ల వారీగా ఫీచర్లు:
Smart+... బేసిక్, కానీ యూజ్ఫుల్
ఈ ఎంట్రీ ట్రిమ్లోనే చాలా ముఖ్యమైన ఫీచర్లు లభిస్తున్నాయి:
• LED DRLs
• LED టెయిల్ ల్యాంప్స్
• పుష్-బటన్ స్టార్ట్
• రియర్ AC వెంట్స్
• 17-అంగుళాల వీల్స్
• నాలుగు డిస్క్ బ్రేకులు
• ఎలక్ట్రానిక్ పార్కింగ్ బ్రేక్ + ఆటో హోల్డ్
ఈ సెగ్మెంట్లో బేస్ వేరియంట్లో ఇన్ని ఫీచర్లు రావడం ప్రత్యేకమే.
Pure & Pure+.... ఫ్యామిలీలకు బెస్ట్ ప్యాకేజీ
ఈ రెండు వేరియంట్లలో వచ్చే ఫీచర్లు:
• పానోరమిక్ సన్రూఫ్
• 10-అంగుళాల టచ్స్క్రీన్
• క్రూయిజ్ కంట్రోల్
• వైర్లెస్ Android Auto / Apple CarPlay
• ఆటో హెడ్ల్యాంప్స్
• రైన్-సెన్సింగ్ వైపర్లు
• డ్యుయల్-జోన్ క్లైమేట్ కంట్రోల్
ఈ ఫీచర్ల లిస్ట్ చూస్తే, Pure+ అనేది మిడ్-స్పెక్ అయినప్పటికీ ప్రీమియం లాగా కనిపిస్తుంది.
Adventure & Adventure+.... స్టైల్ + ఫీచర్లు
• 18-అంగుళాల పెద్ద వీల్స్
• 360-డిగ్రీ కెమెరా
• టెర్రైన్ మోడ్స్
• పెద్ద డిస్ప్లే
• లెదరెట్ ఇంటీరియర్
• మరిన్ని కన్వీనియెన్స్ ఫీచర్లు
ఈ రెండు వేరియంట్లు రోడ్పై SUV ప్రెజెన్స్ పెంచేలా ఉంటాయి.
Accomplished & Accomplished+... టాప్-క్లాస్ అనుభవం
టాటా ఇంకా ధర ప్రకటించని రెండు వేరియంట్లు ఇవే. పెర్ఫార్మెన్స్, ఇంటీరియర్, టెక్నాలజీ విషయంలో ఇవే హైయెస్ట్ స్పెక్లు అవుతాయి.
మూడు శక్తిమంతమైన ఇంజిన్ ఆప్షన్లు
1.5 లీటర్ టర్బో పెట్రోల్ (160hp) – ఆటోమేటిక్
1.5 లీటర్ పెట్రోల్ (106hp) – మాన్యువల్, DCT
1.5 లీటర్ డీజిల్ (118hp) – మాన్యువల్, ఆటోమేటిక్
ఈ మూడు పవర్ట్రైన్లు ఆంధ్రప్రదేశ్ & తెలంగాణ రోడ్లకు, ముఖ్యంగా హైవే డ్రైవింగ్ & సిటీలో రోజువారీ ప్రయాణాలకు బాగా సరిపోతాయి.
వేరియంట్ ప్రకారం మారుతున్న రంగులు
కొత్త Sierra మొత్తం ఆరు ఆకర్షణీయమైన కలర్ ఆప్షన్లు అందిస్తోంది, అవి: Pristine White, Pure Grey, Coorg Cloud, Munnar Mist, Bengal Rouge, Andaman Adventure. వేరియంట్ను ఆధారంగా ఈ కలర్ ఆప్షన్స్ మారుతాయి.
టాటా మోటార్స్ Sierraను ఖచ్చితంగా ఒక పెద్ద ప్లాన్తో తీసుకొచ్చింది. Creta, Seltos, Grand Vitara, Elevate, Taigun, Kushaq వంటి భారీ ప్రత్యర్థులతో నేరుగా పోటీ పడడానికి ఈ SUVని సిద్ధం చేసింది. ధరలు, ఫీచర్లు, ఇంజిన్ ఆప్షన్లు అన్నీ కలిసి ఈ కారు స్ట్రాంగ్ కాంపిటీటర్ అవుతుంది.
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
