టాటా ఎలక్ట్రిక్ కార్లపై రూ.3.35 లక్షల వరకు భారీ తగ్గింపు.. ఈ నెలాఖరు వరకే అవకాశం
టాటా మోటార్స్, జూన్ 2026లో తన ఎలక్ట్రిక్ కార్లపై రూ.3.35 లక్షల వరకు భారీ డిస్కౌంట్లు ప్రకటించింది. Curvv EV, Harrier EV, Punch EV, Tiago EV & Nexon EV మోడళ్లపై ప్రత్యేక ఆఫర్లు అందుబాటులో ఉన్నాయి.
Tata electric cars discounts june 2026: ఎలక్ట్రిక్ కారు కొనాలనుకుంటున్నవాళ్లకు టాటా మోటార్స్ భారీ గుడ్న్యూస్ చెప్పింది. ఈ నెలలో (జూన్ 2026) తన పాపులర్ ఎలక్ట్రిక్ కార్లపై రూ.3.35 లక్షల వరకు డిస్కౌంట్లు ప్రకటించింది. గ్రీన్ బోనస్, ఎక్స్ఛేంజ్ బెనిఫిట్, స్క్రాపేజ్ ఆఫర్, లాయల్టీ బోనస్ & అదనపు ప్రోత్సాహకాల రూపంలో ఈ ప్రయోజనాలు అందుబాటులో ఉన్నాయి. ముఖ్యంగా Curvv EV, Harrier EV, Punch EV, Tiago EV & Nexon EV మోడళ్లపై ఆకర్షణీయమైన ఆఫర్లు లభిస్తున్నాయి.
Tata Curvv EVపై అత్యధిక డిస్కౌంట్
టాటా Curvv EV ఈ నెలలో అత్యధిక డిస్కౌంట్ ఇస్తున్న మోడల్. ఎంపిక చేసిన నాన్-ఎక్స్ వేరియంట్లపై రూ.3.35 లక్షల వరకు ప్రయోజనాలు అందుబాటులో ఉన్నాయి. ఇందులో రూ.3 లక్షల గ్రీన్ బోనస్తో పాటు రూ.30,000 ఎక్స్ఛేంజ్ బెనిఫిట్ లేదా రూ.35,000 స్క్రాపేజ్ బెనిఫిట్ ఉన్నాయి. క్రియేటివ్్ వేరియంట్లపై రూ.2.85 లక్షల వరకు తగ్గింపు లభిస్తుండగా, Curvv EV X వేరియంట్లపై ఎక్స్ఛేంజ్, స్క్రాపేజ్ & లాయల్టీ బోనస్లతో కలిపి రూ.65,000 వరకు ప్రయోజనాలు లభిస్తున్నాయి.
పెర్ఫార్మెన్స్, బ్యాటరీ రేంజ్ & అధునాతన ఫీచర్ల కారణంగా Curvv EV తన సెగ్మెంట్లో విలువైన ఎంపికగా గుర్తింపు పొందింది. అయితే పొడవైన వ్యక్తులు వెనుక సీటులో కూర్చోవడం కాస్త అసౌకర్యంగా ఉండడం చిన్న లోపంగా చెప్పవచ్చు.
Tata Harrier EVపై రూ.2.75 లక్షల వరకు తగ్గింపు
టాటా హారియర్ ఈవీ అన్ని వేరియంట్లపైనా రూ.2.75 లక్షల వరకు డిస్కౌంట్లు అందుబాటులో ఉన్నాయి. ఇందులో రూ.50,000 ఎక్స్ఛేంజ్ బోనస్ లేదా రూ.75,000 స్క్రాపేజ్ బెనిఫిట్, రూ.1 లక్ష లాయల్టీ బోనస్ & అదనంగా మరో రూ.1 లక్ష ప్రయోజనం ఉన్నాయి.
హారియర్ ఈవీ రైడ్ క్వాలిటీ, హ్యాండ్లింగ్ & బలమైన పెర్ఫార్మెన్స్తో ఆకట్టుకుంటుంది. అయితే బ్రేకింగ్ ఫీల్ మరింత మెరుగ్గా ఉండాల్సిన అవసరం ఉందని నిపుణులు అభిప్రాయపడుతున్నారు.
Tata Punch EVపై రూ.1.45 లక్షల వరకు ఆఫర్
ఔట్గోయింగ్ టాటా పంచ్ ఈవీ వేరియంట్లపై రూ.95,000 నుంచి రూ.1.45 లక్షల వరకు డిస్కౌంట్లు లభిస్తున్నాయి. లాంగ్ రేంజ్ వేరియంట్లపై గరిష్టంగా రూ.1.45 లక్షల ప్రయోజనం ఉండగా, మీడియం రేంజ్ వేరియంట్లపై రూ.1.25 లక్షల వరకు తగ్గింపు అందిస్తున్నారు. MR Smart వేరియంట్పై రూ.95,000 వరకు మాత్రమే డిస్కౌంట్ వర్తిస్తుంది.
టాటా పంచ్ ఈవీ శక్తివంతమైన పనితీరు, సౌకర్యవంతమైన రైడ్ & మంచి ఫీచర్లతో ప్రత్యేకంగా నిలుస్తుంది. అయితే వెనుక సీటు స్థలం కొంత తక్కువగా ఉండటం కొనుగోలుదారులు పరిగణనలోకి తీసుకోవాల్సిన అంశం.
Tata Tiago EVపై కూడా భారీ బెనిఫిట్స్
ఔట్గోయింగ్ టియాగో ఈవీపై రూ.65,000 నుంచి రూ.1.45 లక్షల వరకు డిస్కౌంట్లు అందుబాటులో ఉన్నాయి. LR XT వేరియంట్పై గరిష్టంగా రూ.1.45 లక్షల వరకు ప్రయోజనం లభిస్తోంది. ఇందులో అదనంగా రూ.50,000 ప్రత్యేక బెనిఫిట్ కూడా ఉంది. ఇతర లాంగ్ రేంజ్ వేరియంట్లపై రూ.1.25 లక్షల వరకు, మీడియం రేంజ్ వేరియంట్లపై రూ.65,000 వరకు తగ్గింపులు లభిస్తున్నాయి.
తక్కువ ధరలో ఎలక్ట్రిక్ కారును కొనుగోలు చేయాలనుకునే వారికి Tiago EV ఇప్పటికీ మంచి ఆప్షన్. రైడ్ కంఫర్ట్ & రిఫైన్మెంట్ పరంగా ఈ కారు మంచి పేరు సంపాదించింది.
Tata Nexon EVపై రూ.50,000 వరకు ఆఫర్
టాటా నెక్సాన్ ఈవీ సిరీస్పై రూ.50,000 వరకు డిస్కౌంట్ అందుబాటులో ఉంది. ఇందులో రూ.15,000 గ్రీన్ బోనస్, రూ.25,000 ఎక్స్ఛేంజ్ బెనిఫిట్ & రూ.35,000 స్క్రాపేజ్ బెనిఫిట్ ఉన్నాయి. అయితే ఎక్స్ఛేంజ్ & స్క్రాపేజ్ ఆఫర్లను ఒకేసారి పొందే అవకాశం లేదు.
నెక్సాన్ ఈవీ ప్రీమియం ఇంటీరియర్, అధిక ఫీచర్లు & విశాలమైన క్యాబిన్తో వినియోగదారులను ఆకట్టుకుంటోంది. అయితే కొన్ని ప్రాంతాల్లో ఫిట్ అండ్ ఫినిష్ మరింత మెరుగుపడాల్సి ఉందని ఆటో నిపుణులు చెబుతున్నారు.
జూన్ నెలాఖరు వరకు మాత్రమే ఈ ప్రత్యేక ఆఫర్లు అందుబాటులో ఉంటాయి. నగరాన్ని బట్టి డిస్కౌంట్లు మారే అవకాశం ఉండటంతో కొనుగోలు ముందు సమీప టాటా డీలర్షిప్ను సంప్రదించి పూర్తి వివరాలు తెలుసుకోవడం మంచిది. ప్రస్తుతం ఎలక్ట్రిక్ కారు కొనుగోలు చేయాలనుకునే వారికి ఇది మంచి అవకాశం అని మార్కెట్ వర్గాలు చెబుతున్నాయి.
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
