పనోరమిక్‌ సన్‌రూఫ్ మీకు ఇష్టమేనా? టాటా నెక్సాన్ నుంచి ఎంజీ హెక్టర్ వరకు, మీ బడ్జెట్‌లో వచ్చే టాప్ 10 కార్లు
భారత్‌లో పనోరమిక్‌ సన్‌రూఫ్‌తో లభిస్తున్న 10 అత్యంత చౌక కార్ల జాబితా ఇది. Tata Nexon, Kia Syros, Mahindra XUV 3XO, Hyundai Creta, MG Hector వంటి కార్ల ధరలు & ఫీచర్లు తెలుసుకోండి.
Budget cars with panoramic sunroof: భారత ఆటోమొబైల్ మార్కెట్లో సన్‌రూఫ్ ఫీచర్‌కు డిమాండ్ రోజురోజుకూ పెరుగుతోంది. ఒకప్పుడు ప్రీమియం కార్లకే పరిమితమైన పనోరమిక్‌ సన్‌రూఫ్ ఇప్పుడు మాస్ మార్కెట్ SUVలు & కార్లలో కూడా అందుబాటులోకి వచ్చింది. పెద్ద పరిమాణంలో ఉండే ఈ సన్‌రూఫ్ క్యాబిన్‌ను మరింత విశాలంగా కనిపించేలా చేయడమే కాకుండా సహజ కాంతిని ఎక్కువగా లోపలికి అనుమతిస్తుంది. ప్రస్తుతం భారత్‌లో పనోరమిక్‌ సన్‌రూఫ్‌తో లభిస్తున్న 10 అత్యంత చౌక కార్ల వివరాలు ఇవే.
10. MG Hector – ప్రారంభ ధర రూ.14.29 లక్షలు
MG Hectorలో Select Pro వేరియంట్ నుంచి పనోరమిక్‌ సన్‌రూఫ్ అందుబాటులో ఉంది. ఇందులో 1.5 లీటర్ టర్బో పెట్రోల్ ఇంజిన్ 143 Hp పవర్ & 250 Nm టార్క్ ఉత్పత్తి చేస్తుంది. 6-స్పీడ్ మాన్యువల్ గేర్‌బాక్స్‌తో ఈ SUV లభిస్తుంది.
9. Maruti Suzuki Grand Vitara – ప్రారంభ ధర రూ.14.28 లక్షలు
Nexa డీలర్‌షిప్‌ ద్వారా విక్రయించే Grand Vitaraలో Zeta (O) వేరియంట్ నుంచి పనోరమిక్‌ సన్‌రూఫ్ అందుబాటులో ఉంది. పెట్రోల్ & స్ట్రాంగ్ హైబ్రిడ్ వేరియంట్లలో మాత్రమే ఈ ఫీచర్ లభిస్తుంది.
8. Kia Seltos – ప్రారంభ ధర రూ.14.19 లక్షలు
మిడ్‌సైజ్ SUV సెగ్మెంట్‌లో అత్యంత ప్రజాదరణ పొందిన Kia Seltosలో HTK (O) వేరియంట్ నుంచి పనోరమిక్‌ సన్‌రూఫ్ అందిస్తున్నారు. ఈ వేరియంట్‌లో అన్ని ఇంజిన్ & గేర్‌బాక్స్ ఎంపికలు లభించడం విశేషం.
7. Maruti Suzuki Victoris – ప్రారంభ ధర రూ.14.08 లక్షలు
Maruti Suzuki Victorisలో ZXi (O) వేరియంట్ నుంచి పనోరమిక్‌ సన్‌రూఫ్ అందుబాటులో ఉంది. పెట్రోల్ & స్ట్రాంగ్ హైబ్రిడ్ మోడళ్లలో మాత్రమే ఈ ఫీచర్ లభిస్తుంది.
6. Hyundai Creta – ప్రారంభ ధర రూ.13.13 లక్షలు
భారత్‌లో అత్యధికంగా అమ్ముడవుతున్న SUVలలో ఒకటైన Hyundai Cretaలో EX(O) వేరియంట్ నుంచి పనోరమిక్‌ సన్‌రూఫ్ లభిస్తుంది. పెట్రోల్ & డీజిల్ ఇంజిన్ ఎంపికలతో ఈ వేరియంట్ అందుబాటులో ఉంది.
5. Tata Curvv – ప్రారంభ ధర రూ.11.65 లక్షలు
కూపే SUVగా గుర్తింపు పొందిన Tata Curvvలో Pure+ S వేరియంట్ నుంచి పనోరమిక్‌ సన్‌రూఫ్ అందిస్తున్నారు. 1.2 లీటర్ టర్బో పెట్రోల్ & 1.5 లీటర్ డీజిల్ ఇంజిన్ ఎంపికలు ఉన్నాయి.
4. MG Astor – ప్రారంభ ధర రూ.11.34 లక్షలు
MG Astorలో Shine వేరియంట్ నుంచే పనోరమిక్‌ సన్‌రూఫ్ అందుబాటులో ఉంది. దీంతో ఈ ఫీచర్ కలిగిన అత్యంత చౌక మిడ్‌సైజ్ SUVగా Astor నిలుస్తోంది. 1.5 లీటర్ నేచురల్లీ ఆస్పిరేటెడ్ పెట్రోల్ ఇంజిన్ ఇందులో ఉంటుంది.
3. Mahindra XUV 3XO – ప్రారంభ ధర రూ.11.17 లక్షలు
Mahindra నుంచి పనోరమిక్‌ సన్‌రూఫ్‌తో లభించే అత్యంత చౌక SUV XUV 3XO. RevX A వేరియంట్ నుంచి ఈ ఫీచర్ అందిస్తున్నారు. టర్బో పెట్రోల్ & డీజిల్ ఇంజిన్ ఎంపికలు అందుబాటులో ఉన్నాయి.
2. Kia Syros – ప్రారంభ ధర రూ.10.74 లక్షలు
విశాలమైన క్యాబిన్‌కు ప్రాధాన్యం ఇచ్చి రూపొందించిన Kia Syrosలో HTK+ వేరియంట్ నుంచి పనోరమిక్‌ సన్‌రూఫ్ లభిస్తుంది. 1.0 లీటర్ టర్బో పెట్రోల్ & 1.5 లీటర్ డీజిల్ ఇంజిన్ ఎంపికలు అందుబాటులో ఉన్నాయి.
1. Tata Nexon – ప్రారంభ ధర రూ.9.59 లక్షలు
ప్రస్తుతం భారత్‌లో పనోరమిక్‌ సన్‌రూఫ్‌తో లభిస్తున్న అత్యంత చౌక కారు Tata Nexon. అంతేకాదు, రూ.10 లక్షల లోపు ఈ ఫీచర్‌ను అందిస్తున్న ఏకైక మోడల్ కూడా ఇదే. Pure+ PS వేరియంట్ నుంచి ఈ సన్‌రూఫ్ అందుబాటులో ఉంటుంది. 1.2 లీటర్ టర్బో పెట్రోల్, 1.2 లీటర్ టర్బో CNG & 1.5 లీటర్ డీజిల్ ఇంజిన్ ఎంపికలు ఉన్నాయి.
పనోరమిక్‌ సన్‌రూఫ్ కావాలనుకునే కొనుగోలుదారులకు Tata Nexon అత్యంత బడ్జెట్ ఫ్రెండ్లీ ఎంపిక. అయితే.. ఎక్కువ స్థలం, ప్రీమియం ఫీచర్లు కోరుకునేవారు Kia Syros, Mahindra XUV 3XO, MG Astor లేదా Hyundai Creta వంటి మోడళ్లను కూడా పరిశీలించవచ్చు. పనోరమిక్‌ సన్‌రూఫ్ ఫీచర్ కేవలం లగ్జరీ కార్లకే పరిమితం కాకుండా సామాన్య వినియోగదారులకు కూడా అందుబాటులోకి రావడం భారత ఆటోమొబైల్ మార్కెట్లో పెద్ద మార్పుగా చెప్పవచ్చు.
ఇంకా ఇలాంటి ఆటోమొబైల్ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
