SUV vs MPV vs Sedan: మీ ఫ్యామిలీకి సరిపోయే పర్ఫెక్ట్‌ కారు ఏదీ? ధర, మైలేజ్, కంఫర్ట్‌ మధ్య అసలు తేడాలివే!

SUV vs MPV vs Sedan: మీ కుటుంబానికి సరిపోయే పర్ఫెక్ట్‌ కారు ఏదీ? ఎస్‌యూవీ, సెడాన్ కార్ల మధ్య ధర, మైలేజ్‌, కంఫర్ట్‌, స్పేస్ పరంగా ఉన్న పూర్తి వివరాలు ఇక్కడ చూద్దాం. 

మీ ఫ్యామిలీ కోసం ఎస్‌యూవీ, ఎంపీవీ, సెడాన్ కార్ల మధ్య పూర్తి పోలిక

Source : pinterest.com

Show Quick Read

Key points generated by AI, verified by newsroom

• ఎస్‌యూవీలు పవర్, రోడ్ ప్రెజెన్స్, కఠినమైన రోడ్లకు అనుకూలం.
• ఎంపీవీలు పెద్ద కుటుంబాలకు, ఎక్కువ మంది ప్రయాణానికి సరైనవి.
• సెడాన్‌లు లగ్జరీ, స్మూత్ డ్రైవింగ్, హైవే స్థిరత్వానికి ఉత్తమం.

SUV vs MPV vs Sedan Comparison:సొంతంగా ఒక కారును కొనుగోలు చేయం అనేది సగటు భారతీయ కుటుంబానికి మామూలు విషయం కాదు. అలాంటి కుటుంబం కారు కొనాలంటే చాలా సెర్చ్ చేసి నిర్ణయం తీసుకుంటారు. అయితే నేటి మార్కెట్‌లో లభిస్తున్న వందలాది మోడల్స్‌, రకరకాల బాడీ స్టైల్స్‌ చూస్తుంటే సామాన్య కొనుగోలుదారుడు తీవ్ర గొందరగోళానికి గురవుతున్నాడు. ముఖ్యంగా ఎస్‌యూవీ, ఎంపీవీ సెడాన్, ఈ మూడింటిలో తమ కుటుంబ అవసరాలకు ఏది పర్ఫెక్ట్‌గా సెట్ అవుతుందో తేల్చుకోలేకపోతున్నారు. 

మీరు కూడా కొత్తగా కారు కొనాలనే ఆలోచనలో ఉన్నారా? మీ బడ్జెట్‌ ఏది న్యాయం చేస్తుంది? మీ కుటుంబ సభ్యుల సౌకర్యానికి ఏది పెద్ద పీట వేస్తుంది? అనే విషయాలను పరిశీలిద్దాం. 

పవర్, రోడ్ ప్రెజెన్స్‌లో ఎస్‌యూవీ టాప్‌

ప్రస్తుతం ఆటోమొబైల్ ప్రపంచం మొత్తం ఎస్‌యూవీల చుట్టూనే తిరుగుతోంది. రోడ్డుపై గంభీరంగా కనిపించడమే కాకుండా, కఠినమైన రోడ్లపై కూడా సులభంగా ప్రయాణించే సామర్థ్యం దీని సొంతం. 

మీరు సాహసోపేతమైన ప్రయాణాలు ఇష్టపడే వారైతే, లేదా మీ ఊరి రోడ్డు గుంతలమయంగా ఉంటే ఎస్‌యూవీ మీకు బెస్ట్ ఛాయిస్. ఇందులో ఇండే అత్యధిక గ్రౌండ్ క్లియరెన్స్‌ వల్ల కారు అడుగు భాగం రోడ్డుకు తగలకుండా సురక్షితంగా ఉంటుంది. సాధారణంగా ఎస్‌యూవీల ధరలు సెడాన్ల కంటే కొంచెం ఎక్కువగా ఉంటాయి. మార్కెట్‌లో క్రెటా, స్కార్పియో-N వంటి మోడల్స్ రూ. 8 లక్షల నుంచి 20లక్షల వరకు ఈ బాడీతో మోడల్స్ ఉన్నాయి. భారీ ఇంజిన్ వల్ల మైలేజీ సుమారు 12-16 కిలోమీటర్ల మధ్య ఉంటుంది. డ్రైవర్‌కు రోడ్డు స్పష్టంగా కనిపించే కమాండింగ్‌ పొజిషన్ లభిస్తుంది. అయితే కారు ఎత్తు ఎక్కువగా ఉండటం వల్ల ఇంట్లోని పెద్ద వారు  ఎక్కడానికి, దిగడానికి కొంత ఇబ్బంది పడొచ్చు. 

పెద్ద కుటుంబాలకు ఎంపీవీ సూటబుల్

మీది పెద్ద కుటుంబమా, సెలవుల్లో అందరూ కలిసే ఒకే కారులో వెళ్లాలనుకుంటున్నారా అయితే ఎంపీవీని మించిన ఆప్షన్ మరొకటి లేదు. 7 నుంచి 8 మంది సభ్యులు ఉన్న జాయింట్‌ ఫ్యామిలీలకు ఇది పక్కా ఫ్యామిలీ ప్యాకేజీ. ఎంపీవీలలో మూడు వరుసల సీటింగ్ ఉంటుంది. ప్రయాణికులకు లెగ్‌రూమ్‌, హెడ్‌రూమ్‌ విషయంలో ఎలాంటి లోటు ఉండదు. మారుతి ఎర్టిగా, కియా కారెన్స్‌ టొయోటా ఇన్నోవా హైక్రాస్‌ వంటివి ఈ విభాగంలో ఉన్నాయి. ధరలు 9 లక్షల నుంచి ప్రారంభమవుతాయి. ముఖ్యంగా హైబ్రిడ్‌, సీఎన్జీ టెక్నాలజీ వల్ల ఇవి 16 నుంచి 26 వరకు మైలేజీని అందిస్తుంది. 

లగ్జరీ, క్లాసిక్ రైడ్ కోసం సెడాన్

సొగసైన డిజైన్, స్మూత్ డ్రైవింగ్ అనుభవం కావాలనుకునే వారికి సెడాన్ ఒక విలాసవంతమైన ఎంపిక. సెడాన్ కార్లు తక్కువ ఎత్తులో ఉండటం వల్ల హైవేలపై అత్యంత స్థిరంగా ప్రయాణిస్తాయి. హైస్పీడ్‌ స్టెబిలిటీ, హ్యాండింగ్‌ విషయంలో వీటిని ఏ కారు అధిగమించలేదు. వీటికి విడిగా డిక్కీలో బూట్ స్పేస్‌ ఉండటం వల్ల, భారీ లగేజీని సర్దుకోవడం చాలా సులభం. డిజైర్, హోండా సిటీ, హ్యుందాయ్ వెర్నా వంటి కార్లు ఈ కేటగిరీలో పాపులర్. తక్కువ బరువు వల్ల 18 నుంచి 22kmpl వరకు అద్భుతమైన మైలేజీని ఇస్తాయి. ధరల పరంగా కూడా ఎస్‌యూవీల కంటే తక్కవువ బడ్జెట్‌లోనే లగ్జరీ ఫీచర్లను అందిస్తాయి. 

ఫీచర్	ఎస్‌యూవీ	ఎంపీవీ	సెడాన్
సీటింగ్‌	5-7 సీట్లు	7-8 సీటర్లు	5 సీటర్లు
రోడ్డు గ్రిప్	చాలా ఎక్కువ	మీడియం	తక్కువ(స్పీడ్ బ్రేకర్ల వద్ద జాగ్రత్త)
మైలేజీ	12-16 kmpl	15-20+kmpl	18-22kmpl
బూట్‌ స్పేస్‌	మీడియం	తక్కువ	చాలా ఎక్కువ
ప్రధాన లాభం	స్టైలిష్ పవర్‌ఫుల్	ఫ్యామిలీ స్పేస్‌	లగ్జరీ, మైలేజీ

మీకు రోడ్డుపై ఒక గంభీరమైన లుక్ కావాలని, అప్పుడప్పుడు లాంగ్ ట్రిప్స్‌కు ఐదుగురు వెళ్లాలనుకుంటే ఎస్‌యూవీ సరిపోతుంది. అందరూ కలిసి ప్రయాణించాలి, తక్కువ ఖర్చుతో ఎక్కువ మంది పట్టాలి అనుకుంటే ఎంపీవీని సరిపోతుంది. ప్రశాంతమైన ప్రయాణం కావాలి, లగేజీ ఎక్కువగా ఉంటుంది, హైవేలపై స్మూత్‌గా వెళ్లాలనుకుంటే సెడాన్ బెటర్ ఆప్షన్ అవుతుంది. 

మరిన్ని చదవండి

తక్కువ ధరలో SUV ఈవీని లాంచ్ చేయనున్న VinFast, ఈ కార్లకు గట్టి పోటీ తప్పదా ?

ఎమ్జీ మెజస్టర్ ఎస్‌యూవీ లాంచ్: టయోటా ఫార్చూనర్‌కు గట్టి పోటీగా వచ్చిన సరికొత్త ఫ్లాగ్‌షిప్ మోడల్..