Skoda Kushaq: స్కోడా కుషాక్ కొత్త మోడల్ లాంచ్ - కేవలం 500 కార్లు మాత్రమే సేల్!

స్కోడా కుషాక్ లిమిటెడ్ ఎడిషన్ కారు మార్కెట్లో లాంచ్ అయింది. ఇందులో కేవలం 500 యూనిట్లు మాత్రమే విక్రయించనున్నారు.

స్కోడా కుషాక్ కొత్త వేరియంట్ మార్కెట్లో లాంచ్ అయింది.

Source : ABP Gallery

Skoda Kushaq Limited Edition: స్కోడా తన ఎస్‌యూవీ కుషాక్‌కు సంబంధించిన మరొక వెర్షన్‌ను పరిచయం చేసింది. దీనికి మ్యాట్ ఎడిషన్ అని పేరు పెట్టారు. ఇది ఒక లిమిటెడ్ ఎడిషన్‌గా మార్కెట్లో లాంచ్ అయింది. ఇందులో కేవలం 500 యూనిట్లను మాత్రమే స్కోడా విక్రయించనుంది. దాని పేరుకు తగ్గట్లే కార్బన్ స్టీల్ మ్యాట్ పెయింట్ స్కీమ్‌తో లాంచ్ చేశారు. ఇది కాకుండా వింగ్ మిర్రర్స్, డోర్ హ్యాండిల్స్‌కు గ్లోసీ బ్లాక్ కలర్ కాంట్రాస్ట్ కూడా అందించారు.

కుషాక్ మ్యాట్ ఎడిషన్‌ ధర ప్రస్తుతం మార్కెట్లో ఉన్న మోడల్ కంటే రూ. 40,000 ఎక్కువగా చెల్లించాల్సి ఉంటుంది. స్కోడా కుషాక్ టాప్ ఎండ్ వేరియంట్‌ను మరింత స్టైలిష్‌గా తయారు చేశారు. ఈ ప్రత్యేక ఎడిషన్ 1.0 లీటర్ టీఎస్ఐ ఇంజిన్ (6 స్పీడ్ మాన్యువల్/ఆటోమేటిక్), 1.5 లీటర్ టీఎస్ఐ ఇంజిన్ (7 స్పీడ్ డీఎస్) రెండు ఇంజిన్ ఆప్షన్లతో లాంచ్ అవుతుంది.

స్కోడా కుషాక్ మ్యాట్ లిమిటెడ్ ఎడిషన్ ధర ఎంత?
ఈ కొత్త లిమిటెడ్ ఎడిషన్ ధర గురించి చెప్పాలంటే దీని ధర రూ. 16.19 లక్షలు (ఎక్స్ షోరూమ్) నుంచి రూ. 19.39 లక్షల (ఎక్స్-షోరూమ్) మధ్యలో ఉంది. వేర్వేరు ఇంజిన్ ఆప్షన్లతో ఈ కారు మార్కెట్లోకి రానుంది.

కియా తర్వాత ఈ విభాగంలో స్కోడా కుషాక్ రెండో కారు. దీని ఎక్స్ లైన్ ట్రిమ్ కూడా దాదాపు అదే పెయింట్ స్కీమ్‌తో లాంచ్ అయింది. స్కోడా కుషాక్ మ్యాట్ ఎడిషన్ కోసం కలర్ స్కీమ్ మాత్రమే మార్చారు. ఇందులో కేవలం 500 యూనిట్లను మాత్రమే కుషాక్ విక్రయించనుంది.

స్కోడా కుషాక్ టాప్ ఎండ్ స్టైల్ వేరియంట్ లాగానే స్కోడా కుషాక్ మ్యాట్ ఎడిషన్‌లో కూడా 10 అంగుళాల వైర్‌లెస్ యాపిల్, ఆండ్రాయిడ్ ఆటో ఇన్ఫోటైన్‌మెంట్ స్క్రీన్‌లు అందించారు. ఎలక్ట్రిక్ సన్‌రూఫ్, సబ్ బఫర్‌తో కూడిన స్కోడా సౌండ్ సిస్టమ్, ఆరు స్పీకర్లు, ఎనిమిది అంగుళాల డిజిటల్ ఇన్‌స్ట్రుమెంట్ క్లస్టర్ వంటి ఫీచర్లతో వస్తుంది. ఈ మోడల్‌లో వెంటిలేటెడ్ ఫ్రంట్ సీట్లు కూడా ఉన్నాయి. ఇది కాకుండా భద్రతా ఫీచర్ల గురించి మాట్లాడినట్లయితే ఇందులో ఆరు ఎయిర్‌బ్యాగ్‌లు ఈబీడీతో ఏబీఎస్, ఎలక్ట్రిక్ స్టెబిలిటీ కంట్రోల్, టైర్ ప్రెజర్ మానిటరింగ్ సిస్టమ్, రియర్ వ్యూ కెమెరా కూడా ఉన్నాయి.

దేంతో పోటీ?
స్కోడా కుషాక్ మ్యాట్ ఎడిషన్‌తో పోటీపడే వాహనాల్లో హ్యుందాయ్ క్రెటా, కియా సెల్టోస్ వంటి కార్లు ఉన్నాయి.

ప్రస్తుతం మనదేశంలో ఏడు సీట్ల ప్రీమియం ఎస్‌యూవీలకు డిమాండ్ బాగా పెరుగుతోంది. ఇప్పుడు స్కోడా కోడియాక్ ఫేస్‌లిఫ్ట్ కూడా ఆ లిస్ట్‌లో చేరనుంది. గతంలో వచ్చిన కోడియాక్ ప్రీమియం ఎస్‌యూవీకి అప్‌డేట్‌గా ఈ కొత్త కోడియాక్ అందుబాటులోకి రానుంది. ఇందులో మూడు వేరియంట్లు లాంచ్ కానున్నాయి. అవే స్టైల్, స్పోర్ట్‌లైన్, లారిన్ అండ్ క్లెమెంట్ స్టైల్ మోడల్స్.

ఈ మోడల్ ధర రూ.34.99 లక్షల నుంచి ప్రారంభం కానుంది. పెట్రోల్ ఇంజిన్ వేరియంట్‌ను కూడా ఈ మోడల్లో అందించారు. అదే 2.0 టీఎస్ఐ ఇంజిన్. స్టాండర్డ్ వేరియంట్‌లో 7 స్పీడ్ డీఎస్‌జీ వేరియంట్‌ను అందించనున్నారు.

Join Us on Telegram: https://t.me/abpdesamofficial