Skoda Kushaq : ఈనెల‌లోనే స్కోడా కుషాక్ ఫేస్‌లిఫ్ట్ లాంచ్.. ధ‌ర‌, ఫీచ‌ర్ల వివ‌రాలు..

Skoda Kushaq: స్కోడా ఇండియా తన పాపులర్ ఎస్‌యూవీ కుషాక్ ఫేస్‌లిఫ్ట్ ధరలను మార్చి 21, 2026న వెల్లడించనుంది. సరికొత్త డిజైన్, అదనపు ఫీచర్లతో వస్తున్న ఈ వాహనం హ్యుందాయ్ క్రెటాకు గట్టి పోటీనివ్వనుంది.

ఈనెల‌లోనే స్కోడా కుషాక్ ఫేస్‌లిఫ్ట్ లాంచ్.. ధ‌ర‌, ఫీచ‌ర్ల వివ‌రాలు..

Source : X.com

Show Quick Read

Key points generated by AI, verified by newsroom

 Skoda Kushaq: చెక్ రిప‌బ్లిక్ కు చెందిన‌ కార్ల తయారీ సంస్థ స్కోడా, ఇండియ‌న్ మార్కెట్లో అత్యంత ప్రజాదరణ పొందిన మిడ్-సైజ్ ఎస్‌యూవీ 'కుషాక్' ఫేస్‌లిఫ్ట్ వెర్షన్‌ను విడుదల చేయడానికి రంగం సిద్ధం చేసింది. మార్చి 21, 2026న ఈ సరికొత్త మోడల్ ధరలను కంపెనీ అధికారికంగా ప్రకటించనుంది. 2021లో తొలిసారిగా లాంచ్ అయిన తర్వాత ఈ కారుకు జరుగుతున్న మొదటి భారీ అప్‌డేట్ ఇదే కావడం విశేషం. వినియోగదారుల అభిరుచులకు అనుగుణంగా మార్చిన డిజైన్ ఎలిమెంట్స్, రిఫ్రెష్డ్ స్టైలింగ్, కొత్త ఫీచర్లతో ఈ కారు మార్కెట్లోకి అడుగుపెడుతోంది.

ఈ కొత్త కుషాక్ ఫేస్‌లిఫ్ట్ మొత్తం ఐదు వేరియంట్లలో లభించనుంది. క్లాసిక్ ప్ల‌స్, సిగ్నేచర్, స్పోర్ట్‌లైన్, ప్రెస్టీజ్, మాంటే కార్లో అనే పేర్లతో వీటిని విడుదల చేస్తున్నారు. ఇప్పటికే ఈ ఎస్‌యూవీ కోసం ప్రీ-బుకింగ్స్ ప్రారంభమయ్యాయి. ఏప్రిల్ 2026 నుండి డెలివరీలు మొదలయ్యే అవకాశం ఉంది. ఇంజిన్ సామర్థ్యం విషయానికి వస్తే, ఇందులో 1.0-లీటర్ టీఎస్‌ఐ పెట్రోల్ ఇంజిన్ ఉంటుంది. ఇది 115 హెచ్‌పి శక్తిని, 178 ఎన్ఎమ్ టార్క్‌ను ఉత్పత్తి చేస్తుంది. దీనికి 6-స్పీడ్ మాన్యువల్ గేర్‌బాక్స్‌తో పాటు కొత్తగా 8-స్పీడ్ టార్క్ కన్వర్టర్ ఆటోమేటిక్ ట్రాన్స్‌మిషన్‌ను జతచేశారు. అలాగే శక్తివంతమైన 1.5-లీటర్ టీఎస్‌ఐ పెట్రోల్ ఇంజిన్ కూడా అందుబాటులో ఉంటుంది. ఇది 150 హెచ్‌పి పవర్, 250 ఎన్ఎమ్ టార్క్‌ను అందిస్తుంది. దీనికి 7-స్పీడ్ డీసీటీ ట్రాన్స్‌మిషన్ అమర్చారు.

అధునాత‌న ఫీచ‌ర్లు..

ఫీచర్ల పరంగా చూస్తే, బేస్ వేరియంట్ నుండి ఎల్‌ఈడీ లైటింగ్, సీక్వెన్షియల్ ఇండికేటర్స్, అలాయ్ వీల్స్, ఆరు ఎయిర్‌బ్యాగ్స్ వంటి సెక్యూరిటీ ఫీచ‌ర్లు ఉన్నాయి. వెనుక వైపు వైపర్, డీఫాగర్, అత్యాధునిక ఇన్ఫోటైన్‌మెంట్ సిస్టమ్ వంటివి కూడా అందుబాటులో ఉంటాయి. ఈ కారు డిజైనింగ్ స్కోడా కొడియాక్ ఎస్‌యూవీ నుండి ప్రేరణ పొందిన‌ట్లు తెలుస్తోంది. ముందు భాగంలో కనెక్టెడ్ ఎల్‌ఈడీ డీఆర్‌ఎల్‌లు, వెనుక వైపు వెలిగే స్కోడా అక్షరాలతో కూడిన కనెక్టెడ్ టెయిల్ ల్యాంప్స్ ప్రత్యేక ఆకర్షణగా నిలుస్తాయి. మాంటే కార్లో వేరియంట్‌లో ఆల్-వీల్ డిస్క్ బ్రేక్స్ ఉంటాయి.

టెక్నాల‌జీ ప‌రంగా..

టెక్నాల‌జీ విష‌యానికొస్తే గూగుల్ ఆధారిత ఇన్ఫోటైన్‌మెంట్ సిస్టమ్, వెంటిలేటెడ్ పవర్డ్ ఫ్రంట్ సీట్లు ఉన్నాయి. సెగ్మెంట్లోనే మొదటిసారిగా వెనుక సీట్లకు వెంటిలేషన్, మసాజ్ ఫంక్షన్ సౌకర్యం కల్పించారు. టైర్ ప్రెజర్ మానిటరింగ్ సిస్టమ్ (TPMS), పార్కింగ్ సెన్సార్లు వంటివి క‌ళ్లు చెదిరే ఫీచ‌ర్లు ఉన్నాయి.. అయితే 360-డిగ్రీ కెమెరా, లెవల్ 2 ఏడీఏఎస్ వంటి ఫీచర్లు ఇందులో ఉండకపోవచ్చని విశ్లేష‌కులు అంచ‌నా వేస్తున్నారు. దీని ప్రారంభ ధర సుమారు ₹12 లక్షలు ఉండగా, టాప్ వేరియంట్ ₹19 లక్షల వరకు (ఎక్స్-షోరూమ్) ఉండే అవకాశం ఉంది. మార్కెట్లో ఇది హ్యుందాయ్ క్రెటా, కియా సెల్టోస్, వోక్స్‌వ్యాగన్ టైగన్ వంటి మోడళ్లకు సవాలు విసరనుంది.

మరిన్ని చదవండి

రెనాల్ట్‌ డస్టర్‌, స్కోడా కుషాక్‌ ఫేస్‌లిఫ్ట్‌ సహా మీ క్లాస్‌ను మిడిల్‌ క్లాస్‌ కార్లు - మార్చిలోనే రిలీజ్‌

రెనాల్ట్ డస్టర్ నుంచి నిసాన్ టెక్టన్ వరకు క్రెటాతో పోటీకి వస్తున్న కార్లు ఇవే! ఫీచర్స్‌తోపాటు ఇతర విషయాలు తెలుసుకోండి!