TVS Raider 125 SmartXonnect: కొత్త టీవీఎస్ రైడర్ వచ్చేసింది - రూ.లక్షలోపే 125 సీసీ బైక్!
ప్రముఖ స్మార్ట్ ఫోన్ బ్రాండ్ టీవీఎస్ తన రైడర్ 125లో కొత్త మోడల్‌ను లాంచ్ చేసింది.
టీవీఎస్ మోటార్ కంపెనీ తన కొత్త మోటార్ సైకిల్‌ను మనదేశంలో లాంచ్ చేసింది. అదే టీవీఎస్ రైడర్ 125లో కొత్త మోడల్. దీని ధరను మనదేశంలో రూ.99,990గా నిర్ణయించారు. ఫీరీ ఎల్లో, విక్డ్ బ్లాక్ రంగుల్లో దీన్ని కొనుగోలు చేయవచ్చు. ఇందులో ఐదు అంగుళాల టీఎఫ్‌టీ ఇన్‌స్ట్రుమెంట్ క్లస్టర్ కూడా ఉంది. టీవీఎస్ స్మార్ట్ఎక్స్‌కనెక్ట్ బ్లూటూత్ కనెక్టివిటీ సిస్టంను ఇది సపోర్ట్ చేయనుంది.
కొత్త బ్లూటూత్ ఎనేబుల్డ్ సిస్టం ద్వారా రైడింగ్ అనలిటిక్స్ కూడా చూసుకోవచ్చు. దీంతోపాటు వాయిస్, నావిగేషన్ అసిస్ట్ కూడా ఉంది. ఇన్‌కమింగ్ కాల్ ఫీచర్, యూజువల్ రైడ్ మోడ్స్ కూడా ఇందులో ఉన్నాయి. కొత్త క్లస్టర్‌లో ఇమేజ్ ట్రాన్స్‌ఫర్ ఆప్షన్ కూడా ఉంది.
డిజైన్ విషయంలో మాత్రం గతంలో వచ్చిన రైడర్ 125 తరహాలోనే ఇది కూడా ఉంది. ఇందులో 124.8 సీసీ సింగిల్ సిలిండర్ ఇంజిన్‌ను అందించారు. 11.2 బీహెచ్‌పీ, 11.2 ఎన్ఎం పీక్ టార్క్‌ను ఇది డెలివర్ చేయనుంది. 5-స్పీడ్ మాన్యువల్ గేర్ బాక్స్‌ను ఇందులో అందించారు.
0 నుంచి 60 కిలోమీటర్ల వేగాన్ని కేవలం 5.9 సెకన్లలోనే అందుకోనుంది. దీని టాప్ స్పీడ్ గంటకు 99 కిలోమీటర్లుగా ఉంది. హోండా షైన్ ఎస్‌పీ, బజాజ్ పల్సర్ ఎన్ఎస్ 125, హీరో గ్లామర్ ఎక్స్‌టెక్, బజాజ్ సీటీ 125ఎక్స్‌లతో ఈ బైక్ పోటీ పడనుంది.
View this post on Instagram
View this post on Instagram
టాప్ హెడ్ లైన్స్
ట్రెండింగ్ వార్తలు
