Monsoon Driving Safety Tips In Telugu: భారీ వర్షాల్లో మీ ప్రయాణం సురక్షితమేనా? వైపర్స్‌, బ్రేక్స్‌ విషయంలో ఈ తప్పులు చేయొద్దు!

Driving Tips: వర్షాకాలంలో రోడ్డు ప్రమాదాలు నివారించేందుకు వైపర్స్, బ్రేక్స్‌ పనితీరుపై అవగాహన ముఖ్యం. డ్రైవర్లు చేసే ప్రాణాంతక తప్పులు, సురక్షిత ప్రయాణానికి అవసరమైన విషయాలు గురించి ఇక్కడ చూద్దాం. 

భారీ వర్షాల్లో మీ ప్రయాణం సురక్షితమేనా? వైపర్స్‌, బ్రేక్స్‌ విషయంలో ఈ తప్పులు చేయొద్దు!

Source : pinterest

Show Quick Read

Key points generated by AI, verified by newsroom

• వర్షంలో రోడ్లు జారుడుగా, తక్కువ దృశ్యమానతతో ప్రమాదాలు పెరుగుతాయి.
• వైపర్లు, బ్రేకులు సరైన నిర్వహణ లేకుంటే ప్రమాదాలు అధికం.
• తక్కువ వేగం, దూరం, సరైన లైట్లు సురక్షిత డ్రైవింగ్‌కు అవసరం.

Monsoon Driving Safety Tips In Telugu: రుతుపవానాల రాకతో ప్రకృతి పులకించినప్పటికీ, వాహనదారులకు మాత్రం వర్షాకాలం అత్యంత సవాలుతో కూడుకున్న సమయం. రోడ్డు చాలా జారుడుగా ఉంటాయి. గాలిలో తేమ వల్ల విజిబిలిటీ తగ్గడంతో ఈ సీజన్‌లోనే ప్రమాదాలు ఎక్కువగా జరుగుతుంటాయి. కారు ప్రయాణం క్షేమంగా సాగాలంటే విజిబిలిటీని ఇచ్చే వైపర్స్, కారును నియంత్రించే బ్రేక్స్‌ అత్యంత కీలకం. అయితే చాలా మంది డ్రైవర్లు తెలియక చేసే చిన్న పొరపాటు ఊహించని నష్టాన్ని కలిగిస్తాయి. 

విండ్‌షీల్డ్ వైపర్స్‌ విషయంలో తెలిసే ప్రధాన తప్పులు

వర్షంలో డ్రైవింగ్ చేసేటప్పుడు ముందున్న రోడ్డు స్పష్టంగా కనిపించకపోవడమే మెజారిటీ ప్రమాదాలకు కారణం. వైపర్ల నిర్వహణలో డ్రైవర్లు అజాగ్రత్తగా ఉండే అంశాలు ఇవే. వేసవి ఎండలకు వైపర్ల రబ్బర్ గట్టిపడిపోతుంది. వీటిని మార్చకుండా వర్షాకాలంలో వాడితే అవి నీటిని సరిగా తుడవకపోగా విండ్ షీల్డ్ గ్లాస్‌పై గీతలు పడేలా చేస్తాయి. ఇది రాత్రి పూట ప్రయాణంలో ఎదురుగా వస్తున్న వాహనాల కాంతితో ఇబ్బంది పడేలా చేస్తుంది. 
వర్షం తీవ్రతను బట్టి వైపర్ స్పీడ్‌ను అడ్జస్ట్ చేయడం తప్పనిసరి. వర్షం తక్కువగా ఉన్నప్పుడు హైస్పీడ్ వాడితే గ్లాస్ పొడిగా మారి మోటార్‌ పాడవుతుంది. అదే భారీ వర్షంలో తక్కువ స్పీడ్‌ వాడితే విజిబిలిటీ దెబ్బతింటుంది. కేవలం నీటితో గ్లాస్‌ క్లీన్ చేయడం వల్ల రోడ్డుపై ఉండే ఆయిల్ జిడ్డు వదలు. విండ్‌షఈల్డ్‌ వాషర్‌ ట్యాంక్‌లో నాణ్యమైన క్లీనర్‌ లిక్విడ్‌ ఉండేలా చూసుకోవాలి. 

బ్రేక్ నిర్వహణలో ప్రాణాలకు ముప్పు తెచ్చే విషయాలు ఇవే 

తడి రోడ్డుపై బ్రేకింగ్‌ దూరం గణనీయంగా పెరుగుతుంది. అంటే పొడి రోడ్డుపై కంటే తడి రోడ్డుపై కారు ఆగడానికి ఎక్కువ సమయం, దూరం తీసుకుంటుంది. భారీ వర్షంలో వెళ్లేట్పుడు బ్రేక్‌ను ఒకసారిగా తొక్కడం వల్ల టైర్లు లాక్ అయి కారు నియంత్రణ కోల్పోయే ప్రమాదం ఉంది. రోడ్డుపై నిలిచిన నీటిపై వేగంగా వెళ్లినప్పుడు టైర్లకు రోడ్డుకు మధ్య నీటి పొర ఏర్పడి కారు గాలిలో తేలినట్టు అవుతుంది. ఈ సమయంలో బ్రేక్ వేస్తే కారు నియంత్రణ కోల్పోయి గుండ్రంగా తిరుగుతుంది. మోకాళ్ల లోతు నీటిలో కారు నడిపినప్పుడు బ్రేక్‌ ప్యాడ్స్‌లోకి నీరు చేరుతుంది. దీని వల్ల బ్రేక్ పవర్ తగ్గుతుంది. నీటి నుంచి బయటకు రాగానే బ్రేక్‌ను లైట్‌గా పంప్‌ చేయడం ద్వారా వేడి పుట్టి నీరు ఆవిరైపోతుంది. 

వర్షాకాలంలో డ్రైవింగ్‌లో ఏం చేయాలి? ఏం చేయకూడదు?

ఏం చేయాలి ?	ఏం చేయకూడదు
సాధారణ స్పీడ్‌ కంటే 20-30 కిలోమీటర్లు తక్కువ వేగంతో వెళ్లండి	అత్యవసరమైతే తప్ప బ్రేక్‌ను గట్టిగా ప్రెస్ చేయొద్దు
అద్దాలపై పొగమంచు కమ్మకుండా ఏసీ/డీఫాగర్ ఆన్ చేయండి	వర్షంలో క్రూయిజ్ కంట్రోల్ వాడితే బ్రేకింగ్ ఆలస్యమవుతుంది.
ముందు వాహనానికి కనీసం తగినంత దూరం పాటించాలి	భారీ వర్షంలో హైబీమ్ వేస్తే లైట్ వేస్తే విజిబిలిటీ తగ్గుతుంది

టైర్‌లపై ఉండే గీతలు కనీసం 2ఎంఎం లోతు ఉండాలి. అరిగిపోయిన టైర్లు వర్షంలో గ్రిప్ కోల్పోయి బ్రేక్ వేసినా కారు ఆగకుండా ముందుకు జారిపోతాయి. చాలా మంది వర్షంలో డ్రైవింగ్ చేస్తూ హజార్డ్ లైట్లు ఆన్ చేస్తారు. ఇది తప్పుడు పద్ధతి. హజార్డ్‌ లైట్లు కేవలం కారు బ్రేక్‌డౌన్ అయినప్పుడు లేదా రోడ్డు పక్కన ఆపినప్పుడు మాత్రమే వాడాలి. ప్రయాణంలో ఫాగ్ లైట్లు లేదా లో బీమ్‌ హెడ్‌లైట్లు మాత్రమే వాడటం సురక్షితం. 

వర్షాకాలంలో కారు మెకానిక్‌ కండిషన్ ఎంత ముఖ్యమో, మన డ్రైవింగ్ స్టైల్ అంతే ముఖ్యం. వైపర్ల బ్లేడ్‌లు మార్పు బ్రేకులను సున్నితంగా ఆపరేట్ చేయడం, వాహనాల మధ్య సురక్షిత దూరం పాటించడం ద్వారా ప్రమాదాలు నివారించవచ్చు. 

మరిన్ని చదవండి

డ్రైవింగ్ లైసెన్స్ వాలిడిటీని 50 ఏళ్లకు పెంచేలా కేంద్ర యోచన, త్వరలోనే కొత్త రూల్స్ వచ్చే ఛాన్స్.

ఇన్సూరెన్స్ లేకుండా వాహనం నడిపితే ఏమవుతుంది? పెరుగుతున్న జరిమానాలు, ప్రమాదాలు