Maruti Suzuki S-presso: రూ.5.9 లక్షల్లోనే 32 కిలోమీటర్ల మైలేజ్ ఇచ్చే కారు - ఎస్-ప్రెస్సోలో కొత్త మోడల్!

మారుతి సుజుకి ఎస్-ప్రెస్సోలో కొత్త సీఎన్‌జీ మోడల్ లాంచ్ అయింది.

మారుతి సుజుకి ఎస్-ప్రెస్సో కొత్త వేరియంట్ మనదేశంలో లాంచ్ అయింది.

మారుతి సుజుకి ఇండియా మనదేశంలో ఎస్-ప్రెస్సో ఎస్-సీఎన్‌జీ మోడల్‌ను లాంచ్ చేసింది. ఈ కొత్త సీఎన్‌జీ వెర్షన్ ధర మనదేశంలో రూ.5.9 లక్షలుగా (ఎక్స్-షోరూం, ఢిల్లీ) ఉంది. ఎస్-ప్రెస్సో ఎల్ఎక్స్ఐ ఎస్-సీఎన్‌జీ, ఎస్-ప్రెస్సో వీఎక్స్ఐ ఎస్-సీఎన్‌జీ వేరియంట్లలో ఈ ఫోన్ లాంచ్ అయింది. వీటిలో ఎల్ఎక్స్ఐ వేరియంట్ ధర రూ.5.9 లక్షలు కాగా, వీఎక్స్ఐ వేరియంట్ ధర రూ.6.1 లక్షలుగా ఉంది. టాటా పంచ్‌కు ఈ కారు గట్టి పోటీ ఇవ్వనుంది. అయితే టాటా పంచ్ డిజైన్ ఆకట్టుకునే విధంగా ఉండటం పెద్ద ప్లస్ పాయింట్.

ఇందులో నెక్స్ట్ జెన్ కే-సిరీస్ 1.0 లీటర్ డ్యూయల్ జెట్, డ్యూయల్ వీవీటీ ఇంజిన్లు అందించారు. 55 బీహెచ్‌పీ, 82.1 ఎన్ఎం పీక్ టార్క్‌ను ఈ ఇంజిన్లు అందించనున్నాయి. కేజీ ఇంధనానికి 32.73 కిలోమీటర్ల మైలేజ్‌ను ఇది అందించనుందని కంపెనీ ప్రకటించింది. 5-స్పీడ్ మాన్యువల్ గేర్ బాక్స్‌ను ఇందులో అందించారు.

మారుతి ఎస్-ప్రెస్సోను మనదేశంలో ఇప్పటివరకు 2.26 లక్షల మంది కొనుగోలు చేసినట్లు కంపెనీ తెలిపింది. ఇప్పుడు కొత్త సీఎన్‌‌జీ మోడల్‌తో మరింత ఎక్కువ మంది వినియోగదారులను ఆకర్షించే అవకాశం ఉంది. తక్కువ ధరలో మెరుగైన ఫ్యూయల్ ఎఫీషియంట్ కారు కావడంతో దీని వైపు కొత్త కారు కొనాలనుకునేవారు ఓ లుక్కేయచ్చు! 

మారుతి సుజుకి ఇటీవలే తన కొత్త హైబ్రిడ్ కారును మార్కెట్లో లాంచ్ చేసింది. అదే మారుతి సుజుకి గ్రాండ్ విటారా. ఇటీవలే మార్కెట్లో లాంచ్ అయిన టొయోటా అర్బన్ క్రూయిజర్ హైరైడర్‌కు రీబ్రాండెడ్ వెర్షన్‌గా ఈ కారు లాంచ్ అయింది. ఈ కారును కూడా టొయోటా ప్లాంట్‌లోనే రూపొందించారు. ఇందులో 1.5 లీటర్ అట్కిన్సన్ సైకిల్ ఇంజిన్ అందించారు. ఇది ఏసీ మోటార్‌కు పెయిర్ అయి ఉంది. అర్బన్ క్రూజర్ హైరైడర్‌లో కూడా ఇదే ఇంజిన్ అందించారు. ఈ ఇంజిన్ 91 హెచ్‌పీ, 122 ఎన్ఎం టార్క్‌ను అందించనుంది. ఈ-మోటార్ 79 హెచ్‌పీ, 141 ఎన్ఎం టార్క్‌ను అందించనుంది. రెండూ కలిపి మొత్తంగా 114 హెచ్‌పీ వరకు పవర్ అందించనున్నాయి.

ఈ హైబ్రిడ్ ఇంజిన్ 27.97 కిలోమీటర్ల మైలేజీని అందించనుందని మారుతి సుజుకి అంటోంది. దీన్ని మనదేశం కోసం భారీగా లోకలైజ్ చేశారు. ఈ-సీవీటీ గేర్‌బాక్స్‌ను కూడా ఇందులో అందించారు. ఆటో, శాండ్, స్నో, లాక్ మోడ్స్‌లో దీన్ని డ్రైవ్ చేయవచ్చు.

దీని ముందువైపు, వెనకవైపు 3-ఎలిమెంట్ ఎల్ఈడీ డీఆర్ఎల్స్‌ను అందించారు. ఈ కారు ఆరు మోనోటోన్ కలర్ ఆప్షన్లు, మూడు డ్యూయల్ టోన్ కలర్ ఆప్షన్లలో లభించనుంది. లోపల కూడా పనోరమిక్ సన్‌రూఫ్ అందించారు. ఫుల్లీ డిజిటల్ ఇన్‌స్ట్రుమెంట్ క్లస్టర్, తొమ్మిది అంగుళాల ఫ్లోటింగ్ ఇన్‌ఫోటెయిన్‌మెంట్ స్క్రీన్ ఉంది. యాపిల్ కార్ ప్లే, ఆండ్రాయిడ్ ఆటోలను ఇది సపోర్ట్ చేయనుంది. హెడ్స్ అప్ డిస్‌ప్లే కూడా ఈ కారులో ఉంది.