Maruti Suzuki కారు కొనేవాళ్లకు ఈ దసరా చాలా స్పెషల్‌! ఆల్టో నుంచి విక్టోరిస్ వరకు పండుగ ఆఫర్లు
మారుతి సుజుకి నవరాత్రి ఆఫర్లు 2026లో ఆల్టో K10, స్విఫ్ట్, వ్యాగన్ఆర్, విక్టోరిస్ తదితర కార్లపై భారీ ప్రయోజనాలు. మోడల్ వారీగా డిస్కౌంట్లు, ఎక్స్ఛేంజ్ బోనస్ వివరాలు తెలుసుకోండి.
Maruti Suzuki Dasara Discounts 2026: ఈ పండుగ సీజన్‌లో కొత్త కారు కొనాలని చూస్తున్నారా? అయితే మారుతి సుజుకి కార్లపై ప్రకటించిన ప్రత్యేక ఆఫర్ల గురించి తెలుసుకోవాల్సిందే. నవరాత్రి, దసరా, దీపావళి పండుగలను దృష్టిలో పెట్టుకుని మారుతి సుజుకి అరేనా తన పలు మోడళ్లపై ప్రత్యేక ప్రయోజనాలను ప్రకటించింది. ఆల్టో K10, సెలెరియో, వ్యాగన్ఆర్, స్విఫ్ట్, ఈకో వంటి కార్లతో పాటు విక్టోరిస్, విటారా బ్రెజా హైబ్రిడ్ వేరియంట్లపైనా ఆఫర్లు అందుబాటులో ఉన్నాయి.
ఈ ప్రయోజనాల్లో క్యాష్‌ డిస్కౌంట్లు, పాత కారు మార్పిడిపై బోనస్, స్క్రాపేజ్ ప్రోత్సాహకాలు, కార్పొరేట్ ప్రయోజనాలు ఉన్నాయి. కొన్ని వేరియంట్లకు ప్రత్యేక బుకింగ్ ఆఫర్లు కూడా ప్రకటించారు. అయితే అన్ని కార్లపై ఒకే రకమైన తగ్గింపు లేదు. మోడల్, వేరియంట్, పాత కారు వయసు, డీలర్‌షిప్‌ను బట్టి ప్రయోజనాలు మారుతాయి.
Alto K10 పై రూ.32,000 వరకు తగ్గింపు
మారుతి సుజుకి ఆల్టో K10 కొనేవాళ్ల కోసం ఈ నెలలో మంచి ప్రయోజనాలు అందుబాటులో ఉన్నాయి. LXI వేరియంట్లపై రూ.32,000 నగదు తగ్గింపు ప్రకటించారు. VXI, VXI ప్లస్ వేరియంట్లపై రూ.22,000 తగ్గింపు లభిస్తుంది. CNG వేరియంట్లపై రూ.10,000 నగదు తగ్గింపు ఉంది.
దీనికి అదనంగా, పాత కారును మార్చుకునేవారికి వాహనం వయసును బట్టి రూ.10,000 నుంచి రూ.15,000 వరకు ఎక్స్ఛేంజ్ బోనస్ లభించవచ్చు. అర్హులైన కార్పొరేట్ కస్టమర్లకు రూ.2,500 ప్రయోజనం కూడా ఉంది.
ఇది కూడా చదవండి: MG Windsor EVతో 17,500 కి.మీ. ప్రయాణం.. లాంగ్ జర్నీ సమయంలో వెలుగులోకి వచ్చిన ఆసక్తికర విషయాలు!
S-Presso & Celerio పై ఆఫర్లు
మారుతి ఎస్-ప్రెస్సోపై రూ.10,000 నగదు తగ్గింపు అందిస్తున్నారు. పాత కారు మార్పిడిపై రూ.10,000 నుంచి రూ.15,000 వరకు బోనస్‌తో పాటు అర్హులైన కస్టమర్లకు రూ.2,500 కార్పొరేట్ ప్రయోజనం లభించవచ్చు.
సెలెరియో పెట్రోల్ వేరియంట్లపై రూ.27,000 నగదు తగ్గింపు ఉంది. CNG వేరియంట్లపై రూ.15,000 తగ్గింపు ప్రకటించారు. అదనంగా రూ.15,000 ఎక్స్ఛేంజ్ బోనస్, రూ.2,500 కార్పొరేట్ ప్రయోజనం పొందే అవకాశం ఉంది.
WagonR పై రూ.37,000 క్యాష్‌ డిస్కౌంట్‌
కుటుంబ వినియోగదారుల్లో ఆదరణ పొందిన మారుతి వ్యాగన్ఆర్‌పై కూడా పండుగ ఆఫర్లు ఉన్నాయి. పెట్రోల్ వేరియంట్లపై రూ.37,000 నగదు తగ్గింపు అందిస్తున్నారు. CNG వేరియంట్లపై రూ.27,000 నగదు ప్రయోజనం ఉంది.
పాత కారును మార్చుకునేవారికి దాని వయసును బట్టి రూ.10,000 నుంచి రూ.15,000 వరకు బోనస్ లభించవచ్చు. అర్హులైన కార్పొరేట్ కస్టమర్లకు మరో రూ.2,500 ప్రయోజనం కూడా ఉంది.
ఇది కూడా చదవండి: కొత్త బైక్ కొనేవాళ్లకు అదిరిపోయే అప్‌డేట్.. క్విక్‌షిఫ్టర్, క్రూయిజ్ కంట్రోల్‌తో వచ్చిన Xtreme 250R Carbon
Maruti Swiftపై రూ.50,000 వరకు ప్రయోజనాలు
మారుతి స్విఫ్ట్ పెట్రోల్ వేరియంట్లపై రూ.20,000 నగదు తగ్గింపు ప్రకటించారు. CNG వేరియంట్లకు ప్రత్యేక నగదు తగ్గింపు పేర్కొనలేదు. అయితే పాత కారు మార్పిడిపై రూ.15,000 వరకు బోనస్, స్క్రాపేజ్ ద్వారా రూ.10,000 ప్రయోజనం, అర్హులైన కార్పొరేట్ కస్టమర్లకు రూ.5,000 తగ్గింపు లభించవచ్చు.
ఈ ప్రయోజనాలన్నీ వర్తించే పరిస్థితుల్లో మొత్తం రూ.50,000 వరకు ఆదా చేసే అవకాశం ఉంటుంది. అయితే అర్హతలు, ఇతర నిబంధనలను డీలర్ వద్ద నిర్ధారించుకోవాలి.
Maruti Eeco పై కూడా పండుగ ప్రయోజనాలు
మారుతి ఈకో పెట్రోల్ వేరియంట్లపై రూ.22,000 నగదు తగ్గింపు ఉంది. CNG వేరియంట్లపై రూ.10,000 తగ్గింపు ప్రకటించారు. పాత కారు మార్పిడిపై రూ.10,000 నుంచి రూ.15,000 వరకు బోనస్‌తో పాటు అర్హులైన కార్పొరేట్ కస్టమర్లకు రూ.2,500 ప్రయోజనం లభించవచ్చు.
Vitara Brezza Hybrid పై భారీ ఆఫర్లు
విటారా బ్రెజా స్మార్ట్ హైబ్రిడ్ వేరియంట్‌పై పాత కారు మార్పిడికి రూ.15,000 నుంచి రూ.30,000 వరకు బోనస్ అందిస్తున్నారు. కార్పొరేట్ కస్టమర్లకు రూ.15,000 ప్రయోజనం ఉంది. అక్టోబర్ 10లోపు బుకింగ్ చేసి, అక్టోబర్ 20లోపు డెలివరీ పొందే వారికి అదనంగా రూ.11,000 వరకు ప్రత్యేక తగ్గింపు ప్రకటించారు.
స్ట్రాంగ్ హైబ్రిడ్ వేరియంట్‌పై రూ.31,000 నగదు తగ్గింపు ఉంది. పాత కారు వయసును బట్టి రూ.35,000 నుంచి రూ.50,000 వరకు ఎక్స్ఛేంజ్ బోనస్ లభించవచ్చు. స్క్రాపేజ్ ప్రోత్సాహకం కింద రూ.45,000, కార్పొరేట్ ప్రయోజనం కింద రూ.10,000 కూడా ప్రకటించారు.
Victoris Smart Hybrid పైనా ప్రత్యేక ప్రయోజనాలు
మారుతి విక్టోరిస్ స్మార్ట్ హైబ్రిడ్ వేరియంట్‌పై రూ.15,000 నుంచి రూ.30,000 వరకు ఎక్స్ఛేంజ్ బోనస్ అందుబాటులో ఉంది. అర్హులైన కార్పొరేట్ కస్టమర్లకు రూ.15,000 ప్రయోజనం లభించవచ్చు. అక్టోబర్ 10, 2026లోపు బుకింగ్ పూర్తి చేసి, అక్టోబర్ 20లోపు డెలివరీ తీసుకునేవారికి రూ.11,000 వరకు ప్రత్యేక తగ్గింపు ప్రకటించారు.
విక్టోరిస్ స్ట్రాంగ్ హైబ్రిడ్ వేరియంట్‌పై రూ.31,000 నగదు తగ్గింపు ఉంది. పాత కారును మార్పిడి చేసే వారికి దాని వయసును బట్టి రూ.35,000 నుంచి రూ.50,000 వరకు బోనస్ లభించవచ్చు.
డిజైర్, ఎర్టిగా, కొత్త బ్రెజాపై ఆఫర్లు లేవు
మారుతి అరేనా ప్రకటించిన పండుగ ప్రయోజనాల్లో డిజైర్, ఎర్టిగా, కొత్త బ్రెజా మోడళ్లకు ఈ నెలలో ప్రత్యేక ఆఫర్లు ప్రకటించలేదు. అందువల్ల ఈ కార్లను కొనాలనుకునేవాళ్లు ఇతర మోడళ్లతో పోల్చి నిర్ణయం తీసుకోవాలి.
కొనుగోలుదారులు గుర్తుంచుకోవాల్సిన విషయం ఏమిటంటే.. ప్రకటించిన తగ్గింపులన్నీ ప్రతి ఒక్కరికీ ఒకేలా వర్తించకపోవచ్చు. నగరం, డీలర్‌షిప్, వాహన నిల్వలు, వేరియంట్, పాత కారు వయసు ఆధారంగా ప్రయోజనాలు మారతాయి. కాబట్టి కారు కొనుగోలు చేసే ముందు సమీప మారుతి సుజుకి అరేనా షోరూమ్‌లో తుది ధర, వర్తించే ఆఫర్లను తెలుసుకోవడం మంచిది.
ఇంకా ఇలాంటి ఆటోమొబైల్‌ వార్తలు & అప్డేట్స్ కోసం "ABP దేశం" 'ఆటో' సెక్షన్‌ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
