Maruti Suzuki Grand Vitara: మారుతి సుజుకి గ్రాండ్ విటారా మాన్యువల్ ఎలా ఉందంటే?

మారుతి సుజుకి గ్రాండ్ విటారా 1.5 ఏడబ్ల్యూడీ మాన్యవల్ ఎలా ఉందంటే?

Maruti Suzuki Grand Vitara

మారుతి గ్రాండ్ విటారా మనదేశంలో ఇటీవలే లాంచ్ అయిన సంగతి తెలిసిందే. దీని హైబ్రిడ్ వెర్షన్ 27.9 కిలోమీటర్ల మైలేజ్‌ను అందించనుంది. వీటిలో 1.5 లీటర్ వేరియంట్ చూడటానికి హైబ్రిడ్ తరహాలోనే ఉంటుంది. ఈ రెండు మోడల్స్ చక్రాలు కూడా దాదాపు ఒకేలా ఉండనున్నాయి. అయితే ఏడబ్ల్యూడీ వెర్షన్ మీద ఆల్ గ్రిప్ బ్యాడ్జ్ ఉండనుంది. ఆల్ గ్రిప్ అనేది గ్లోబల్ ఏడబ్ల్యూడీ సిస్టం పేరు.

మారుతి కే-సిరీస్‌లోని డ్యూయల్ జెట్, డ్యూయల్ వీవీటీ ఇంజిన్‌నే ఇందులో అందించారు. ఇది 103 బీహెచ్‌పీ, 138 ఎన్ఎం టార్క్‌ను అందించనుంది. అయితే ఏడబ్ల్యూడీ సిస్టం కేవలం మాన్యువల్ మోడల్‌తో మాత్రమే రానుంది. ధర కారణంగా ఆటోమేటిక్ వేరియంట్లో ఈ సిస్టంను అందించలేదు.

దీని ముందువైపు, వెనకవైపు 3-ఎలిమెంట్ ఎల్ఈడీ డీఆర్ఎల్స్‌ను అందించారు. ఈ కారు ఆరు మోనోటోన్ కలర్ ఆప్షన్లు, మూడు డ్యూయల్ టోన్ కలర్ ఆప్షన్లలో లభించనుంది. లోపల కూడా పనోరమిక్ సన్‌రూఫ్ అందించారు. ఫుల్లీ డిజిటల్ ఇన్‌స్ట్రుమెంట్ క్లస్టర్, తొమ్మిది అంగుళాల ఫ్లోటింగ్ ఇన్‌ఫోటెయిన్‌మెంట్ స్క్రీన్ ఉంది. యాపిల్ కార్ ప్లే, ఆండ్రాయిడ్ ఆటోలను ఇది సపోర్ట్ చేయనుంది. హెడ్స్ అప్ డిస్‌ప్లే కూడా ఈ కారులో ఉంది.

దీని ధరను కంపెనీ ఇంకా వెల్లడించలేదు. అయితే ఎంజీ ఆస్టర్, హ్యుండాయ్ క్రెటా, స్కోడా కుషాక్, ఫోక్స్‌వాగన్ టైగున్ వంటి కార్లతో ఇది పోటీ పడనుంది. వీటిలో ఎందులోనూ హైబ్రిడ్ ఇంజిన్ ఆప్షన్ లేకపోవడం విటారాకు కలిసొచ్చే అంశం. ఈ కారు ఫీచర్లు, దీనికి ఉన్న కాంపిటీషన్ బట్టి చూస్తే రూ.11 లక్షల నుంచి రూ.18 లక్షల మధ్యలో దీని ధర ఉండే అవకాశం ఉంది. దీన్ని మనదేశం కోసం భారీగా లోకలైజ్ చేశారు. ఈ-సీవీటీ గేర్‌బాక్స్‌ను కూడా ఇందులో అందించారు. ఆటో, శాండ్, స్నో, లాక్ మోడ్స్‌లో దీన్ని డ్రైవ్ చేయవచ్చు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Maruti Suzuki (@marutisuzukiofficial)