Maruti Suzuki May Sales Record: అద‌ర‌గొట్టిన మారుతి సుజుకి.. మేలో ఆల్ టైమ్ హైయెస్ట్ మంత్లీ సేల్స్ తో సరికొత్త రికార్డ్

దేశీయ ఆటోమొబైల్ దిగ్గజం మారుతి సుజుకి మే 2026 లో ఏకంగా 2,42,688 వాహనాలను విక్రయించి తన హిస్టరీలోనే బెస్ట్ మంత్లీ సేల్స్ రికార్డును క్రియేట్ చేసింది.

మారుతి సుజుకి వ్యాగన్ ఆర్

Show Quick Read

Key points generated by AI, verified by newsroom

• మారుతి సుజుకి మే 2026 నెలలో 2,42,688 వాహనాలను విక్రయించింది.
• SUV లైనప్, ప్యాసింజర్ కార్ల విభాగం అమ్మకాలను పెంచాయి.
• ఎగుమతులలో 41,914 యూనిట్లతో గ్లోబల్ మార్కెట్ లో డిమాండ్ పెరిగింది.

Maruti Suzuki Achieves Highest Ever Monthly Sales In May: ఇండియాలోనే బిగ్గెస్ట్ కార్ల తయారీ సంస్థ మారుతి సుజుకి మే 2026 నెలలో సేల్స్ పరంగా ఒక మేజర్ మైలురాయిని దాటింది. కంపెనీ అఫీషియల్ రిపోర్ట్ ప్రకారం ఈ ఒక్క నెలలోనే టోటల్ గా 2,42,688 వెహికల్స్ అమ్ముడయ్యాయి. గత ఏడాది ఇదే టైమ్ తో పోలిస్తే ఈసారి విక్రయాలు భారీగా పెరిగాయి. ప్యాసింజర్ కార్లు, ఎస్‌యూవీలు, కమర్షియల్ వెహికల్స్ కు మార్కెట్ లో విపరీతమైన డిమాండ్ ఉండటంతో మారుతి సుజుకి తన ఆల్ టైమ్ బెస్ట్ డొమెస్టిక్ సేల్స్ పర్ఫార్మెన్స్ ను నమోదు చేసింది. కేవలం ఇండియా మార్కెట్ లోనే రికార్డ్ స్థాయిలో 1,93,535 యూనిట్లను సేల్ చేసి సరికొత్త కంపెనీ రికార్డును నెలకొల్పింది. ఇందులో ప్యాసింజర్ వెహికల్స్ తో పాటు లైట్ కమర్షియల్ వెహికల్స్ కూడా ఉన్నాయి.

ఎస్‌యూవీ సెగ్మెంట్ లో ఫుల్ క్రేజ్..

మారుతి సుజుకి సక్సెస్ లో కంపెనీకి చెందిన యుటిలిటీ వెహికల్స్ (SUV) లైనప్ కీ రోల్ ప్లే చేసింది. బ్రెజ్జా, ఫ్రాంక్స్, గ్రాండ్ విటారా, ఎర్టిగా, ఎక్స్ ఎల్ 6, జిమ్నీ మోడల్స్ అన్నీ కలిసి టోటల్ గా 79,267 యూనిట్ల సేల్స్ ను నమోదు చేశాయి. స్టైలిష్ లుక్, ప్రాక్టికల్ ఫీచర్లు ఇష్టపడే బైయర్స్ ను మారుతి ఫ్రాంక్స్, బ్రెజ్జా కార్లు బాగా అట్రాక్ట్ చేస్తున్నాయి. మిడ్‌సైజ్ ఎస్‌యూవీ సెగ్మెంట్ లో గ్రాండ్ విటారా ఇప్పటికీ ఒక స్ట్రాంగ్ ఆప్షన్ గా కొనసాగుతోంది. వీటితో పాటు రీసెంట్ గా లాంచ్ అయిన మారుతి ఈ విటారా (e Vitara) ఎలక్ట్రిక్ కార్ కూడా కంపెనీ ఎస్‌యూవీ పోర్ట్‌ఫోలియో గ్రోత్ కు తన వంతు కాంట్రిబ్యూషన్ స్టార్ట్ చేసింది.

ప్యాసింజర్ కార్ల విభాగంలోనూ దూకుడు.. 

ఎస్‌యూవీలతో పాటు మారుతి ప్యాసింజర్ కార్ల రేంజ్ కూడా మార్కెట్ లో అంతే పాపులర్ గా నిలిచింది. కస్టమర్ల ఫేవరెట్ మోడల్స్ అయిన బాలెనో, స్విఫ్ట్, డిజైర్, వ్యాగన్ ఆర్, సెలెరియో, ఇగ్నిస్, సియాజ్ కార్ల కంబైన్డ్ సేల్స్ ఏకంగా 81,555 యూనిట్లకు రీచ్ అయ్యాయి. దీనివల్ల ఇండియన్ ఆటోమొబైల్ మార్కెట్ లో మారుతి సుజుకి తన తిరుగులేని ఆధిక్యాన్ని కాపాడుకుంది. మరోవైపు మిడిల్ క్లాస్ ఫ్యామిలీస్ ఎక్కువగా ఇష్టపడే ఎంట్రీ లెవెల్ మోడల్స్ అయిన మారుతి ఆల్టో, ఎస్-ప్రెస్సో కార్లు కూడా మంచి పర్ఫార్మెన్స్ చూపించి, మే నెలలో మొత్తంగా 16,275 యూనిట్ల రిజిస్టర్డ్ సేల్స్ ను సాధించాయి.

ఎగుమతుల్లో 41 వేల మార్కు దాటిన మారుతి.. 

కేవలం ఇండియాలోనే కాకుండా గ్లోబల్ మార్కెట్ లోనూ మారుతి సుజుకి కార్లకు మంచి డిమాండ్ కనిపించింది. మే 2026 లో కంపెనీ ఏకంగా 41,914 యూనిట్లను ఇతర దేశాలకు ఎగుమతి చేసింది. గత ఏడాది మే నెలలో జరిగిన 31,219 యూనిట్ల ఎగుమతులతో పోలిస్తే ఈసారి ఎక్స్ పోర్ట్స్ లో సాలిడ్ జంప్ కనిపించింది. డొమెస్టిక్ సేల్స్, ఎక్స్ పోర్ట్స్ అన్నీ కలిపి 2,42,688 యూనిట్లకు చేరడంతో మారుతి సుజుకి హిస్టరీలోనే మే 2026 ఒక బెస్ట్ మంత్ గా నిలిచిపోనుంది. ఫ్రాంక్స్, బ్రెజ్జా, బాలెనో, స్విఫ్ట్ మోడల్స్ కు ఉన్న క్రేజ్ చూస్తుంటే రాబోయే నెలల్లో కూడా కంపెనీ ఇదే సేల్స్ మొమెంటం కంటిన్యూ చేసేలా కనిపిస్తోంది.

మరిన్ని చదవండి

Tata Tiago EV కొనేందుకు డౌన్ పేమెంట్ ఎంత కట్టాలి ? నెలవారీ EMI ప్లాన్, రేంజ్ వివరాలు

బాలీవుడ్ యాక్టర్ కునాల్ ఖేము గ్యారేజ్ లోకి కొత్త లగ్జరీ ఈవీ: మెర్సిడెస్ బెంజ్ జి క్లాస్ ఎలక్ట్రిక్ కార్ కొనుగోలు..