Maruti Brezza లేక Kia Syros .. ఏ కాంపాక్ట్ SUV కొంటే మంచిది ? పవర్‌ట్రెయిన్, ఫీచర్లు, ధర వివరాలు

Maruti Brezza vs Kia Syros | మారుతి బ్రెజ్జా, కియా సైరోస్ SUVలు తమదైన రీతిలో అద్భుతంగా ఉన్నప్పటికీ, ఇంజిన్, ఫీచర్లు, ధర పరంగా ఇవి ఒకదానికొకటి భిన్నంగా ఉంటాయి.

కియా సైరోస్, మారుతి బ్రెజ్జా

Source : Maruti Suzuki / Kia Motors

ప్రస్తుతం బైకుల నుంచి కార్లకు షిఫ్ట్ అవుతున్నారు. అందులోనూ కాంపాక్ట్ SUV సెగ్మెంట్‌లో విపరీతమైన పోటీ నెలకొంది. మీరు కొత్త SUV కొనాలని ఆలోచిస్తుంటే కియా సైరోస్ (Kia Syros), మారుతి సుజుకి బ్రెజ్జా (Maruti Suzuki Brezza) లాంటి బెస్ట్ ఆప్షన్లు ఉన్నాయి. ఈ రెండు ఎస్‌యూవీల విషయంలో వాహనదారులను కన్ఫ్యూజ్ చేసే ఆప్షన్లుగా ఉన్నాయి. ఈ రెండు కార్లు వాటి ధర, ఫీచర్ల పరంగా బెస్ట్. కానీ ఇంజన్, ఫీచర్లు, స్పేస్, ధర పరంగా వీటి మధ్య కొన్ని విషయాల్లో వ్యత్యాసం ఉంటుంది. ఆ విషయాలను తెలుసుకుంటే మీకు ఏది కావాలో డిసైడ్ చేసుకోవచ్చు. 

ఇంజన్, మైలేజ్
మొదట ఇంజన్ విషయానికి వస్తే.. మారుతి బ్రెజ్జాలో 1.5 లీటర్ పెట్రోల్ ఇంజన్ ఇస్తున్నారు. ఇది దాదాపు 103 PS పవర్, 136 Nm టార్క్‌ను ఉత్పత్తి చేస్తుంది. ఈ ఇంజన్ మైలేజ్ పరంగా చాలా మంచిదని కస్టమర్లు చెబుతున్నారు. ఈ ఎస్‌యూవీ లీటరుకు దాదాపు 19- 20 కిలోమీటర్ల వరకు మైలేజ్ ఇవ్వగలదు.

కియా సైరోస్ ఇంజన్, ఫీచర్లు
కియా సైరోస్‌లో మీకు మరిన్ని ఆప్షన్లు లభిస్తాయి. ఇందులో 1.0 లీటర్ టర్బో పెట్రోల్ ఇంజన్, 1.5 లీటర్ డీజిల్ ఇంజన్ ఆప్షన్లు ఇస్తున్నారు. అంటే పవర్, ఛాయిస్ పరంగా సైరోస్ కాస్త ముందంజలో ఉంది. 

ఫీచర్ల పరంగా చూస్తే.. కియా సైరోస్ మరింత మోడ్రన్, లేస్ట్ ఫీచర్లతో వచ్చిన SUV. ఇందులో పెద్ద పనోరమిక్ డిస్‌ప్లే, డ్యూయల్ సన్‌రూఫ్, వెంటిలేటెడ్ సీట్లు, యాంబియంట్ లైటింగ్, కనెక్టెడ్ కార్ టెక్నాలజీ వంటి మోడ్రన్ ఫీచర్లు ఉన్నాయి. మరోవైపు మారుతి బ్రెజ్జాలో కూడా మంచి ఫీచర్లు ఇచ్చారు. సన్‌రూఫ్, హెడ్-అప్ డిస్‌ప్లే, 360 డిగ్రీ కెమెరా, ఇన్ఫోటైన్‌మెంట్ సిస్టమ్ వంటివి ఉన్నప్పటికీ, ఇది కియా సైరోస్ అంత మోడ్రన్, హైటెక్ కారులా అనిపించదు.

సేఫ్టీ, బూట్ స్పేస్
సేఫ్టీ పరంగా కూడా రెండు SUVలు బాగుంటాయి. కియా సైరోస్‌లో లెవెల్-2 ADAS వంటి మోడ్రన్ సేఫ్టీ ఫీచర్లు ఉన్నాయి. వీటితో పాటు 6 ఎయిర్‌బ్యాగ్‌లు, ABS, EBD, ఇతర ఫీచర్లు అందించారు. మారుతి బ్రెజ్జాలో కూడా ESP, హిల్ హోల్డ్ అసిస్ట్, ఎయిర్‌బ్యాగ్‌లు, రియర్ కెమెరా, పార్కింగ్ సెన్సార్ల వంటి సేఫ్టీ ఫీచర్లు ఉన్నాయి. ఇవి రోజువారీ డ్రైవింగ్‌కు సరిపోతాయి. ఇక స్పేస్ విషయానికి వస్తే కియా సైరోస్ కాస్త ముందంజలో ఉంటుంది. ఇందులో దాదాపు 390 లీటర్ల బూట్ స్పేస్ వల్ల ఎక్కువ లగేజీ పెట్టుకోవచ్చు.

బ్రెజ్జా ధర, బూట్ స్పేస్
మారుతి బ్రెజ్జాలో దాదాపు 328 లీటర్ల బూట్ స్పేస్ లభిస్తుంది. ధర విషయానికి వస్తే కాస్త తక్కువ ధరలో లభించే SUV. దీని ప్రారంభ ధర సుమారు రూ. 8.26 లక్షలకు మొదలవుతుంది. కాగా కియా సైరోస్ ప్రారంభ ధర కాస్త ఎక్కువగా దాదాపు రూ. 8.40 లక్షలుగా ఉంటుంది. ఆయా రాష్ట్రాలు, నగరాలలో ధరలో వ్యత్యాసం ఉంటుంది. ఎక్స్ షోరూమ్ ధర, ఆన్ రోడ్ ధరల మధ్య సైతం వ్యత్యాసాన్ని మీరు గమనిస్తారు. 

మీరు ఎక్కువ పవర్, సరికొత్త ఫీచర్లు, ప్రీమియం ఎక్స్‌పీరియన్స్ కోరుకుంటే.. కియా సైరోస్ మీకు బెస్ట్ ఛాయిస్. అయితే మీరు మంచి మైలేజ్ ఇచ్చే, తక్కువ ధరలో లభించేది కోరుకుంటే.. మారుతి సుజుకి బ్రెజ్జా తీసుకోవచ్చు. మీ అవసరం, బడ్జెట్‌ను బట్టి ఈ రెండింటిలో ఏది కొనాలో డిసైడ్ చేసుకోవచ్చు.