Cheapest Automatic Car: దేశంలో అత్యంత చవకైన ఆటోమేటిక్ కారు ఏది? టాప్ 3 కార్ల ధర, ఫీచర్లు ఇవే
India Most Cheapest Automatic Car : సాధారణంగా ఏదైనా వస్తువు లేదా సర్వీసు తీసుకున్నా తక్కువ ధరలో బెస్ట్ ఉండేవి చూస్తాం. అయితే మీరు చవకైన ఆటోమేటిక్ కార్ కొనాలనుకుంటే ఈ వివరాలు తెలుసుకోండి.
Automatic Cars Price | భారత మార్కెట్లో కార్లకు డిమాండ్ పెరుగుతోంది. అయితే తక్కువ ధరలో చిన్న ఫ్యామిలీ జర్నీ చేసేలా బడ్జెట్ ధరలో దొరికే కార్ల కోసం ఎక్కువగా చెక్ చేస్తుంటారు. కార్లు లాంటివి కొనాలంటే మనం బడ్జెట్‌ను దృష్టిలో పెట్టుకోవాలి. భారత మార్కెట్లో ఆటోమేటిక్ కార్లకు డిమాండ్ రోజురోజుకూ పెరుగుతోందని కంపెనీలు చెబుతున్నాయి. అందుకు అనుగుణంగానే భారత మార్కెట్లో అనేక బడ్జెట్ ఆటోమేటిక్ కార్లు అందుబాటులో ఉన్నాయి. వాటిలో మారుతి ఎస్-ప్రెస్సో (Maruti S Presso), మారుతి ఆల్టో కె10, టాటా పంచ్ (Tata Punch) అత్యంత ప్రజాదరణ పొందాయి. ఈ కార్లు మైలేజ్, ఫీచర్లు, ధర పరంగా విక్రయాల్లో దూసుకెళ్తున్నాయి. తక్కువ ధరలో లభించే ఆటోమెటిక్ కార్ల వివరాలను ఇక్కడ అందిస్తున్నాం.
మారుతి ఎస్-ప్రెస్సో (Maruti S Presso)
భారతదేశంలో అత్యంత తక్కువ ధరకు లభిస్తున్న ఆటోమేటిక్ కారు మారుతి ఎస్-ప్రెస్సో. దీని AGS (AMT) వేరియంట్ కేవలం ₹4.75 లక్షలకు లభిస్తుంది. ఈ కారు 68 bhp పవర్, 91.1 Nm టార్క్ ఉత్పత్తి చేసే 998cc పెట్రోల్ ఇంజిన్‌తో వర్క్ చేస్తుంది. ఇది 25.3 kmpl ARAI మైలేజీని ఇస్తుందని మారుతి ప్రతినిధులు చెబుతున్నారు. దాంతోపాటు ఈ కారు చాలా పొదుపుగా ఉంటుంది. ఫీచర్ల విషయానికి వస్తే 7 అంగుళాల టచ్‌స్క్రీన్, ఆండ్రాయిడ్ ఆటో, ఆపిల్ కార్‌ప్లే, కీలెస్ ఎంట్రీ, పవర్ విండోస్, వెనుక పార్కింగ్ సెన్సార్లు ఉన్నాయి. సేఫ్టీ విషయంలో ABS, EBD, ESP, హిల్-హోల్డ్, డ్యూయల్ ఎయిర్‌బ్యాగ్‌లు ఉన్నాయి.
మారుతి ఆల్టో K10
AMT తో మారుతి ఆల్టో K10 ని కొనుగోలు చేయడం వలన మీకు ₹5.71 లక్షల నుండి ₹6 లక్షల వరకు కారు వేరియంట్లు లభిస్తాయి. 998cc, 3 సిలిండర్ ఇంజిన్ 65.7 bhp, 89 Nm టార్క్ ఉత్పత్తి చేస్తుంది. దీని మైలేజ్ 24.9 kmpl వరకు ఉంటుంది. ఇది చాలా మేరకు ఫ్యూయల్ సేవ్ చేస్తుంది. ఫ్రంట్ పవర్ విండోస్, పవర్ స్టీరింగ్, AC, టచ్‌స్క్రీన్ వంటి ఫీచర్లు ఉన్నాయి. కొత్త అప్‌డేట్‌లో 6 ఎయిర్‌బ్యాగ్‌లు కూడా ఉన్నాయి, ఇవి మీ భద్రతను మెరుగుపరుస్తాయి. ఆల్టో K10 కాంపాక్ట్ సైజ్ కారణంగా ఇరుకైన నగర వీధుల్లో డ్రైవింగ్ చేసేందుకు వీలుగా ఉంటుంది.
టాటా పంచ్ (Tata Punch)
టాటా పంచ్ 3 కార్లలో అత్యంత దృఢమైనది, ఫీచర్ రిచ్‌గా ఉంటుంది. దీని ఆటోమేటిక్ వేరియంట్ ₹7.11 లక్షలకు ప్రారంభమవుతుంది. టాటా పంచ్ 1199cc రెవోట్రాన్ ఇంజిన్‌తో వర్క్ చేస్తుంది. ఇది 86 bhp, 113 Nm టార్క్‌ను ఉత్పత్తి చేస్తుంది. దీని మైలేజ్ 18.8 నుండి 20.09 kmpl వరకు ఉంటుందని కంపెనీ తెలిపింది.
7 అంగుళాల టచ్‌స్క్రీన్, హర్మాన్ సౌండ్ సిస్టమ్, ఆటో క్లైమేట్ కంట్రోల్, క్రూయిజ్ కంట్రోల్, పుష్-బటన్ స్టార్ట్, రెయిన్ సెన్సింగ్ వైపర్‌లు వంటి ఫీచర్లు ఉన్నాయి. టాప్ వేరియంట్‌లో సన్‌రూఫ్, వైర్‌లెస్ ఛార్జర్, 360° కెమెరా కూడా ఉన్నాయి. భద్రత పరంగా, పంచ్ గ్లోబల్ NCAP నుండి 5 స్టార్ రేటింగ్‌ను సాధించింది. ఇది భారత మార్కెట్లో అత్యంత సురక్షితమైన కార్లలో ఒకటిగా నిలిచింది.
టాప్ హెడ్ లైన్స్
ట్రెండింగ్ వార్తలు
