దసరా ఆఫర్లతో హ్యుందాయ్ కార్లు చవక! క్రెటా నుంచి ఐ10 వరకు అదిరిపోయే డీల్స్!
అక్టోబర్ నెలలో కారు కొనేవాళ్లకు హ్యుందాయ్ భారీ ఆఫర్లు ప్రకటించింది. క్రెటా N లైన్‌పై రూ.1.25 లక్షల వరకు డిస్కౌంట్‌తో పాటు చాలా మోడళ్లపై ప్రత్యేక ప్రయోజనాలు అందిస్తోంది.
Hyundai Cars Dasara 2026 Offers: దసరా పండుగ సందర్భంగా హ్యుందాయ్ భారీ ఆఫర్లను ప్రకటించింది. ఎంపిక చేసిన కార్లపై నగదు తగ్గింపు, ఎక్స్ఛేంజ్ ప్రయోజనం, స్క్రాపేజ్ బోనస్ & నవరాత్రి ప్రత్యేక బోనస్ అందిస్తోంది. ఈ ఆఫర్లు అక్టోబర్ 1 నుంచి ప్రారంభమయ్యాయి, అక్టోబర్ 31 వరకు మాత్రమే వర్తిస్తాయి. అంటే, ఈ క్రేజీ ఆఫర్లు మరికొన్ని రోజులు మాత్రమే అందుబాటులో ఉంటాయి.
Hyundai Creta N Lineపై రూ.1.25 లక్షల వరకు
హ్యుందాయ్ క్రెటా N లైన్ కొనేవారికి ఈ నెలలో అత్యధిక ప్రయోజనం లభిస్తోంది. మొత్తం రూ.1.25 లక్షల వరకు ఆదా చేసుకునే అవకాశం ఉంది. ఇందులో రూ.20,000 నగదు తగ్గింపు ఉంది. రూ.25,000 నవరాత్రి బోనస్ లభిస్తుంది. స్క్రాపేజ్ ప్రయోజనం రూ.50,000 వరకు ఉంటుంది. ఎక్స్ఛేంజ్ ఆఫర్ కింద రూ.30,000 వరకు ప్రయోజనం పొందవచ్చు.
క్రెటా N లైన్ ధర రూ.19.03 లక్షల నుంచి రూ.19.95 లక్షల వరకు ఉంది. ఈ ఆఫర్‌లో అన్ని ప్రయోజనాలు ప్రతి కస్టమర్‌కు ఒకే విధంగా లభించకపోవచ్చు.
Hyundai Cretaపైనా భారీ ఆఫర్
సాధారణ హ్యుందాయ్ క్రెటా పెట్రోల్ వేరియంట్లపై రూ.1.15 లక్షల వరకు ప్రయోజనాలు ఉన్నాయి. నగదు తగ్గింపు, దసరా బోనస్, స్క్రాపేజ్ & ఎక్స్ఛేంజ్ ప్రయోజనాలు ఇందులో ఉన్నాయి. అయితే క్రెటా డీజిల్ వేరియంట్లపై గరిష్ఠ ప్రయోజనం రూ.10,000 మాత్రమే. క్రెటా ధర రూ.10.91 లక్షల నుంచి రూ.20.31 లక్షల వరకు ఉంది.
ఇది కూడా చదవండి: టాటా ఎలక్ట్రిక్ కార్లపై దసరా ఆఫర్లు.. హారియర్ ఈవీ నుంచి పంచ్ ఈవీ వరకు భారీ బెనిఫిట్స్‌
Hyundai Verna కొనేవారికి రూ.1.05 లక్షల లాభం
హ్యుందాయ్ వెర్నా పాత స్టాక్‌పై రూ.1.05 లక్షల వరకు ప్రయోజనాలు ఉన్నాయి. ఇందులో రూ.35,000 నగదు తగ్గింపు, రూ.15,000 అప్‌గ్రేడ్ బోనస్ & రూ.25,000 నవరాత్రి ప్రోత్సాహకం ఉన్నాయి. స్క్రాపేజ్ ప్రయోజనం రూ.20,000. ఎక్స్ఛేంజ్ ఆఫర్ రూ.15,000 వరకు ఉంది.
కొత్త స్టాక్ వెర్నాపై కూడా రూ.80,000 వరకు ప్రయోజనాలు లభిస్తున్నాయి. అయితే ఇవి వేరియంట్‌ను బట్టి మారతాయి. వెర్నా ధర రూ.10.99 లక్షల నుంచి రూ.18.31 లక్షల వరకు ఉంది.
Hyundai Alcazarపై రూ.90,000 వరకు
హ్యుందాయ్ అల్కజార్ పెట్రోల్ వేరియంట్లపై రూ.90,000 వరకు ప్రయోజనాలు ఉన్నాయి. రూ.30,000 నగదు తగ్గింపు, రూ.25,000 వరకు స్క్రాపేజ్ లేదా ఎక్స్ఛేంజ్ ప్రయోజనం & రూ.25,000 నవరాత్రి బోనస్ ఇందులో ఉన్నాయి. డీజిల్ వేరియంట్లపై రూ.45,000 వరకు ప్రయోజనం ఉంది. అల్కజార్ ధర రూ.14.51 లక్షల నుంచి రూ.21.81 లక్షల వరకు ఉంది.
ఇది కూడా చదవండి: 2026 Honda Elevate Facelift గ్రాండ్ ఎంట్రీ... ఫైనాన్స్‌లో కొనాలంటే ముందుగా ఎంత డౌన్‌పేమెంట్ చేయాలి, EMI ఎంతవుతుందో పూర్తి వివరాలు
చిన్న కార్లపైనా ఆఫర్ల జోరు
Hyundai Grand i10 Niosలో ఎంపిక చేసిన వేరియంట్లపై రూ.75,000 వరకు ప్రయోజనాలు ఉన్నాయి. CNG వేరియంట్లపై రూ.70,000 వరకు ఆఫర్ ఉంది. గ్రాండ్ ఐ10 నియోస్ ధర రూ.5.60 లక్షల నుంచి రూ.8.09 లక్షల వరకు ఉంది.
Hyundai i20పై రూ.65,000 వరకు ప్రయోజనాలు లభిస్తున్నాయి. ఐ20 ధర రూ.6 లక్షల నుంచి ప్రారంభమవుతుంది. Hyundai i20 N Line కూడా ఈ ఆఫర్ల పరిధిలో ఉంది.
Hyundai Exter పాత స్టాక్‌పై రూ.55,000 వరకు తగ్గింపు ఉంది. కొత్త ఎక్స్‌టర్‌పై రూ.50,000 వరకు ప్రయోజనం లభిస్తుంది. ఎక్స్‌టర్‌ ధర రూ.5.81 లక్షల నుంచి ఉంది.
Hyundai Creta Electric పై రూ.65,000 వరకు ప్రయోజనాలు ఉన్నాయి.
Hyundai Aura CNGపై రూ.40,000 వరకు ప్రయోజనం లభిస్తోంది. పెట్రోల్ వేరియంట్లపై రూ.25,000 వరకు ఆఫర్ ఉంది.
Hyundai Venueపై మాత్రం రూ.5,000 వరకు మాత్రమే ప్రయోజనం ఉంది.
ఇవన్నీ గరిష్ఠ ప్రయోజనాలు. ప్రతి కస్టమర్‌కు పూర్తి మొత్తంలో తగ్గింపు లభిస్తుందని హ్యుందాయ్ హామీ ఇవ్వలేదు. స్టాక్, వేరియంట్, నగరం & ఎక్స్ఛేంజ్ అర్హత ఆధారంగా ఆఫర్ మారవచ్చు. కాబట్టి డీలర్ కోట్ తీసుకున్న తర్వాతే తుది ధరను నిర్ణయించుకోవడం ఉత్తమం.
ఇంకా ఇలాంటి ఆటోమొబైల్‌ వార్తలు & అప్డేట్స్ కోసం "ABP దేశం" 'ఆటో' సెక్షన్‌ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
