క్రెటా కంటే తక్కువ ధరలో హ్యుందాయ్ కొత్త SUV.. రూ.11,000 టోకెన్ ధరతో బుకింగ్స్ షురూ

హ్యుందాయ్ బేయాన్ బుకింగ్స్ ప్రారంభమయ్యాయి. రూ.11,000తో బుకింగ్ చేసుకోవచ్చు. వెన్యూ & క్రెటా మధ్యలో రానున్న ఈ SUV ధర, ఫీచర్లు, ఇంజిన్ వివరాలు తెలుసుకోండి.

తెలుగులో ఆటోమొబైల్‌ వార్తలు

Source : https://x.com/

Hyundai Bayon Price, Mileage And Features Telugu: హ్యుందాయ్ మోటార్ ఇండియా కొత్త SUVతో సిద్ధమైంది. త్వరలో భారత మార్కెట్లోకి తీసుకురానున్న బేయాన్ SUV కోసం బుకింగ్స్ ప్రారంభించింది. రూ.11,000 టోకెన్ మొత్తంతో ఈ కారును బుక్ చేసుకోవచ్చు. ఆన్‌లైన్‌లో లేదా సమీపంలోని హ్యుందాయ్ డీలర్‌షిప్‌లో బుకింగ్ చేసుకునే అవకాశం ఉంది. ఈ పండుగ సీజన్‌లో బేయాన్ అధికారికంగా మార్కెట్లోకి వచ్చే అవకాశం ఉంది.

వెన్యూ & క్రెటా మధ్యలో

హ్యుందాయ్ SUVల జాబితాలో బేయాన్‌కు ప్రత్యేక స్థానం ఉండనుంది. వెన్యూ కంటే పై స్థాయిలో, క్రెటా కంటే దిగువన దీనిని ఉంచనున్నారు. అంటే మధ్యతరహా SUV విభాగంలో హ్యుందాయ్‌కు ఇది రెండో మోడల్ కానుంది. పొడవు నాలుగు మీటర్ల కంటే కొద్దిగా ఎక్కువగా ఉండే అవకాశం ఉంది.

డిజైన్

డిజైన్ విషయంలో బేయాన్‌ను బాక్సీ SUVలా కాకుండా క్రాసోవర్ తరహాలో తీర్చిదిద్దారు. ముందు భాగంలో స్ప్లిట్ హెడ్‌ల్యాంప్ సెటప్ ఉంటుంది. పైభాగంలో సగం విభజించిన హెచ్ ఆకారపు ఎల్‌ఈడీ డీఆర్‌ఎల్‌లు కనిపిస్తాయి. ప్రధాన హెడ్‌ల్యాంప్‌ను బంపర్‌పై అమర్చారు. బంపర్ దిగువ భాగంలో రగ్గడ్ లుక్ ఇచ్చే స్కిడ్ ప్లేట్ ఉంటుంది.

కారు పక్క భాగంలో పైకి పాకినట్లు ఉండే విండో లైన్ కనిపిస్తుంది. సీ పిల్లర్ దగ్గర ప్రత్యేకమైన కింక్ డిజైన్ ఉంటుంది. సాధారణ పుల్ టైప్ డోర్ హ్యాండిల్స్, రూఫ్ రైల్స్ & బయటకు వచ్చిన వీల్ ఆర్చ్‌లు ఉంటాయి. వెనుక భాగంలో ముందు లైటింగ్ డిజైన్‌ను పోలిన సన్నని ఎల్‌ఈడీ లైట్ బార్ ఉంటుంది. పెద్ద రూఫ్ స్పాయిలర్ కూడా కనిపించనుంది.

ఇది కూడా చదవండి: Mahindra XUV 3XO ఫైనాన్స్‌ ఆఫర్‌: మీకు భారం కాని రేంజ్‌లోనే డౌన్‌పేమెంట్‌, EMI పేమెంట్‌!

క్యాబిన్‌

క్యాబిన్‌లోనూ బేయాన్‌కు ఆధునిక టచ్ ఇవ్వనున్నారు. ఇటీవల బ్రెజిల్‌లో పరిచయం చేసిన నాలుగో తరం ఐ20తో లోపలి డిజైన్‌లో చాలా పోలికలు ఉండనున్నాయి. రెండు కనెక్టెడ్ స్క్రీన్‌లను ఇందులో అందించనున్నారు. మధ్యలో ఫిజికల్ హెచ్‌వీఏసీ నియంత్రణల కోసం ప్రత్యేక ప్యానెల్ ఉంటుంది.

హ్యుందాయ్ ప్రత్యేకంగా ఉపయోగించే నాలుగు చుక్కల డిజైన్ ఉన్న స్టీరింగ్ వీల్ ఇందులో కనిపించనుంది. సెంటర్ ప్యానెల్‌కు ఇరువైపులా నిలువుగా ఉండే ఏసీ వెంట్స్ ఉంటాయి. డోర్ ప్యాడ్ డిజైన్ కూడా కొత్త ఐ20 తరహాలో ఉండే అవకాశం ఉంది. సౌకర్యం & భద్రతకు సంబంధించిన పలు ఫీచర్లు ఇందులో ఉండనున్నాయి.

పవర్‌ట్రెయిన్ 

బేయాన్‌లో 1.5 లీటర్ నాలుగు సిలిండర్ల సహజ పెట్రోల్ ఇంజిన్‌ను ఉపయోగించే అవకాశం ఉంది. ఈ ఇంజిన్‌కు మాన్యువల్ & సీవీటీ గేర్‌బాక్స్ ఆప్షన్లు ఉండొచ్చు. ఇదే ఇంజిన్ ప్రస్తుతం క్రెటాలోనూ ఉంది. అయితే బేయాన్‌లో దీని శక్తి సామర్థ్యం ఎలా ఉంటుందనేది ఇంకా స్పష్టత రావాల్సి ఉంది.

మరో కీలక అంశం సిఎన్‌జీ. బేయాన్‌లో ఫ్యాక్టరీ ఫిట్టెడ్ సిఎన్‌జీ కిట్‌ను అందించే అవకాశం ఉంది. అండర్‌బాడీ ట్యాంక్‌ను ఉపయోగించే అవకాశముంది. నాలుగు మీటర్లకు పైగా పొడవున్న హ్యుందాయ్ మోడల్‌లో సిఎన్‌జీ అందించడం ఇదే తొలిసారి కావచ్చు.

ఇది కూడా చదవండి: ఇథనాల్ ఇంధనంపై కేంద్రం కీలక నిర్ణయం.. 100 శాతం ఇథనాల్‌తో దూసుకెళ్లనున్న కార్లు

ధర 

బేయాన్‌ను రూ.9 లక్షల నుంచి రూ.14 లక్షల (ఎక్స్‌షోరూమ్) మధ్యలో తీసుకురావచ్చని అంచనా. పండుగ సీజన్‌లో మార్కెట్లోకి వచ్చే బేయాన్‌తో హ్యుందాయ్ మధ్యతరహా SUV విభాగంలో తన ఉనికిని మరింత పెంచుకోవాలని చూస్తోంది.

ఇంకా ఇలాంటి ఆటోమొబైల్‌ వార్తలు & అప్‌డేట్స్‌ కోసం "ABP దేశం" 'ఆటో' సెక్షన్‌ని ఫాలో అవ్వండి.

మరిన్ని చదవండి

మొదటిసారి కారు కొంటున్నారా? ఈ 5 మెయింటెనెన్స్ టిప్స్ గురించి ముందే తెలుసుకోండి!

11 వేరియంట్లు, 8 రంగులు.. Mahindra XUV 3XOలో ఏ వేరియంట్‌ కొనాలి?