ఫస్ట్ కార్ ఓనర్లకు ఉపయోగపడే టిప్స్.. అనవసర ఖర్చులు తగ్గించుకోవడానికి ఇవి పాటించండి!
మొదటిసారి కారు కొంటున్నారా? కారు పెయింట్ సంరక్షణ, ఫ్లూయిడ్స్, టైర్లు, సర్వీసింగ్ వంటి విషయాల్లో ఈ 5 మెయింటెనెన్స్ టిప్స్ తప్పక పాటించండి.
First Time Car Buyer Tips Telugu: కొత్త కారు కొనాలని ప్లాన్ చేస్తున్నారా? అది కూడా మీరు మొట్టమొదటిసారిగా కారు కొంటుంటే కొన్ని విషయాలను తప్పక తెలుసుకోవాలి. కారు కొనడం ఒక మంచి అనుభూతి. అయితే, దానిని సరిగ్గా నిర్వహించడం కూడా అంతే ముఖ్యం. కష్టపడి సంపాదించిన డబ్బుతో కొనుగోలు చేసిన కారును ఎక్కువ కాలం మంచి స్థితిలో ఉంచుకోవాలంటే రెగ్యులర్ మెయింటెనెన్స్ అవసరం.
కొత్త కారు విషయంలో మొదటి నుంచే కొన్ని జాగ్రత్తలు తీసుకుంటే తర్వాత వచ్చే అనవసర ఖర్చులను తగ్గించుకోవచ్చు. కారు పనితీరు కూడా మెరుగ్గా ఉంటుంది. ముఖ్యంగా ఫస్ట్ టైమ్ కార్ ఓనర్లు ఈ ఐదు విషయాలను గుర్తుంచుకోవాలి.
కారు బాడీకి కోటింగ్ చేయించండి
కారు బాడీ ప్రతిరోజూ వివిధ వాతావరణ పరిస్థితులను ఎదుర్కొంటుంది. వర్షం, దుమ్ము, బురద, ఎండ, వేడి & చలి ప్రభావం కారు పెయింట్పై పడుతుంది. రోడ్డు పరిస్థితులు కూడా కారు బాడీపై ప్రభావం చూపుతాయి.
అందుకే కొత్త కారు బాడీని రక్షించడానికి కోటింగ్ చేయించుకోవచ్చు. ముఖ్యంగా సిరామిక్ కోటింగ్ ఒక ఆప్షన్గా ఉంటుంది. ఇది కారు పెయింట్ను సంరక్షించడంలో సహాయపడుతుంది. అయితే కోటింగ్ చేయించే ముందు దాని ధర, నిర్వహణ అవసరాలు & ప్రయోజనాలను తెలుసుకోవడం మంచిది.
ఓనర్స్ మాన్యువల్ పూర్తిగా చదవండి
కొత్త కారు కొన్న తర్వాత ఓనర్స్ మాన్యువల్ను చాలామంది పక్కన పెట్టేస్తారు. కానీ ఇది చాలా ఉపయోగకరమైన పుస్తకం. కారులోని వివిధ ఫీచర్లు, సర్వీసింగ్ షెడ్యూల్ & నిర్వహణకు సంబంధించిన వివరాలు ఇందులో ఉంటాయి.
ఏదైనా సమస్య వచ్చినప్పుడు కూడా ముందుగా మాన్యువల్ను పరిశీలించడం మీకు ఉపయోగపడుతుంది. ముఖ్యంగా మొదటిసారి కారు కొనేవారు దీన్ని పూర్తిగా చదవడం మంచిది.
ఫ్లూయిడ్స్ను ఎప్పటికప్పుడు చెక్ చేయండి
కారులోని వివిధ ఫ్లూయిడ్స్, అది సాఫీగా పని చేయడానికి చాలా కీలకం. విండ్షీల్డ్ వాషర్ ఫ్లూయిడ్తో పాటు ఇంజిన్ ఆయిల్, గేర్ ఆయిల్ వంటి వాటిని కూడా క్రమం తప్పకుండా పరిశీలించాలి.
ఫ్లూయిడ్ స్థాయిలు సరైన స్థాయిలో ఉన్నాయో, లేదో చూడాలి. అవసరమైనప్పుడు వాటిని నింపాలి. ఫ్లూయిడ్స్ను చెక్ చేసేటప్పుడు కారు చల్లగా ఉన్న సమయంలో చేయడం మంచిది. అయితే ఏ ఫ్లూయిడ్ను ఎక్కడ, ఎలా చెక్ చేయాలో ఓనర్స్ మాన్యువల్లోని సూచనలను పాటించాలి.
ఇది కూడా చదవండి: Honda CB350 సిరీస్కు భారీ అప్డేట్స్.. కొత్త ధరలు, వేరియంట్లు, డెలివరీ డేట్ వివరాలు ఇవిగో
సర్వీసింగ్ను నిర్లక్ష్యం చేయవద్దు501cc ఇంజిన్, 28hp పవర్తో Honda CB500 లాంచ్.. మూడు వేరియంట్లు, వాటి ధరల లిస్ట్
కొత్త కారును ఎక్కువగా ఉపయోగించకపోతే దానికి సర్వీసింగ్ అవసరం లేదనుకోవడం తప్పు. కారు ఎక్కువ దూరం ప్రయాణించకపోయినా కాలానుగుణంగా సర్వీస్ చేయించాలి.
ఇంజిన్ ఆయిల్, ఫిల్టర్లు వంటి వాటిని నిర్ణీత సమయానికి మార్చడం ముఖ్యం. కారుకు సంబంధించిన సర్వీసింగ్ షెడ్యూల్ను ఓనర్స్ మాన్యువల్లో లేదా తయారీ సంస్థ సూచనల్లో చూడాలి. నిర్ణీత కిలోమీటర్లు లేదా సమయ వ్యవధి పూర్తయినప్పుడు సర్వీస్ చేయించుకోవాలి.
టైర్లపై ప్రత్యేక శ్రద్ధ పెట్టండి
కారు భద్రతలో టైర్లు చాలా ముఖ్యం. టైర్లలో గాలి ఒత్తిడి సరైన స్థాయిలో ఉండేలా చూసుకోవాలి. ప్రస్తుతం చాలా కార్లలో TPMS అందుబాటులో ఉంది. దీని ద్వారా టైర్ ప్రెజర్ గురించి సమాచారం తెలుసుకోవచ్చు.
మీ కారులో TPMS లేకపోతే టైర్ ప్రెజర్ను క్రమం తప్పకుండా చెక్ చేయించుకోవాలి. సరైన గాలి ఒత్తిడి లేకపోతే టైర్ల పనితీరుపై ప్రభావం పడవచ్చు. టైర్లలో అసాధారణమైన అరుగుదల కనిపించినా వెంటనే పరిశీలించాలి.
మొదటిసారి కారు కొనేవాళ్లే కాదు, పాత ఓనర్లు కూడా ఈ ఐదు విషయాలను అలవాటుగా మార్చుకుంటే కారు నిర్వహణ మరింత సులభమవుతుంది.
ఇది కూడా చదవండి:
ఇంకా ఇలాంటి ఆటోమొబైల్ వార్తలు & అప్డేట్స్ కోసం "ABP దేశం" 'ఆటో' సెక్షన్ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
