Honda ZR-V India: ఫుల్‌ట్యాంక్ చేస్తే 1000 కిలోమీటర్ల దూసుకెళ్లే హోండా కారు! అదిరిపోయే ప్రీమియం ఫీచర్లతో భారత్ మార్కెట్‌లోకి...!

Honda ZR-V India: ప్రముఖ జపనీస్ కార్ల తయారీ సంస్థ హోండా, మే 22న తన ప్రీమియం ఎస్‌యూవీ ZR-Vని భారత్‌లో విడుదల చేయబోతోంది. 

ఫుల్‌ట్యాంక్ చేస్తే 1000 కిలోమీటర్ల దూసుకెళ్లే హోండా కారు! అదిరిపోయే ప్రీమియం ఫీచర్లతో భారత్ మార్కెట్‌లోకి...!

Source : Social Media

Show Quick Read

Key points generated by AI, verified by newsroom

• హోండా ZR-V ప్రీమియం SUV మే 22న భారత మార్కెట్లోకి విడుదల.
• సివిక్ ప్లాట్‌ఫారమ్‌పై నిర్మించిన ఈ కారు హైబ్రిడ్ వెర్షన్‌లో లభ్యం.
• ADAS, పనోరమిక్ సన్‌రూఫ్, బాస్ ఆడియో వంటి లగ్జరీ ఫీచర్లు ఉన్నాయి.
• లక్షలు, BMW X1, టైరాన్‌తో పోటీ పడనుంది.

Honda ZR-V India: భారత్ ఆటోమొబైల్ రంగంలో ఒకప్పుడు అకార్డ్, సివిక్, సీఆర్‌ వీ వంటి మోడల్లతో ప్రీమియం సెగ్మెంట్‌లో రారాజుగా వెలిగిన హోండా, మళ్లీ తన పూర్వ వైభవాన్ని సంతరించుకోవడానికి సిద్ధమైంది. ఈ క్రమంలోనే ప్రపంచవ్యాప్తంగా మంచి ఆదరణ  పొందిన ZR-V ఎస్‌యూవీ భారత్ మార్కెట్‌లోకి ప్రవేశపెడుతోంది. ఇది కేవంం ఒక కొత్త కారు లాంచ్ మాత్రమే కాదు. భారత్ మార్కెట్‌లో హోండా విలాసవంతమైన బ్రాండ్ ఇమేజ్‌ను మళ్లీ నిలబెట్టే ఒక వ్యూహాత్మక అడుగు. 

హోండా తన సరికొత్త ప్రీమియం ఎస్‌యూవీ ZR-V మే 22వ తేదీన అధికారికంగా భారత మార్కెట్‌లో విడుదల చేయనున్నట్టు ధ్రువీకరంచింది. చాలా కాలం హోండా అభిమానులు ఎదురు చూస్తున్న ఈ లాంచ్‌, భారత్ ఎస్‌యూవీ సెగ్మెంట్‌లో కొత్త ప్రకంపనలు సృష్టించబోతోంది. 

ZR-V అంటే ఏంటీ? ప్రత్యేకతలు ఏం ఉన్నాయి?

ZR-V ప్రీమియం 5 సీటర్ ఎస్‌యూవీ ఇది విదేశాల్లో ఇప్పటికే అత్యంత ప్రజాదరణ పొందిన మోడల్. ఈ కారు అత్యంత ముఖ్యమైన విషయం ఏంటంటే, ఇది ప్రపంచవ్యాప్తంగా ప్రసిద్ధి చెందిన హోండా సివిక్‌ ప్లాట్‌ఫామ్‌పై నిర్మించారు. భారత్‌లో ప్రస్తుతం సివిక్ అమ్మకాలు లేకపోయినా, దాని  ఇంజినీరింగ్, డ్రైవింగ్ డైనమిక్స్‌ను ZR-V ద్వారా వినియోగదారులు అనుభవించవచ్చు. 

హోండా ఈ కారును సీబీయూ రూట్ ద్వారా అంటే విదేశాల నుంచి నేరుగా దిగుమతి చేసుకొని భారత్‌లో విక్రయించనుంది. దీని వల్ల తయారీ నాణ్యత అంతర్జాతీయ ప్రమాణాలకు అనుగుణంగా ఉంటుంది. తొలుత పరిమిత సంఖ్యలో మాత్రమే ఈ కార్లను విక్రయించే అవకాశం ఉంది, తద్వారా హోండా తన హాలో మోడల్‌ వ్యూహాన్ని అమలు చేస్తోంది. 

పవర్ ట్రైన్, అద్భుతమైన మైలేజీ 

భారత్‌కు వచ్చే ZR-V కేవలం హైబ్రిడ్‌ వెర్షన్‌లో మాత్రమే అందుబాటులో ఉండనుంది. ఇది దాదాపు 180bhp శక్తిని ఉత్పత్తి చేస్తుంది. ఈ కారులో అత్యంత ఆకర్షణీయమైన అంశం దాని మైలేజ్‌. ఒకసారి ట్యాంక్ ఫుల్ చేస్తే దాదాపు వెయ్యి కిలోమీటర్ల దూరం ప్రయాణించవచ్చని కంపెనీ పేర్కొంటోంది. సుదీర్ఘ ప్రయాణాలు చేసే వారికి ఇది గొప్ప వరం కానుంది. 

లగ్జరీ ఫీచర్ల సమాహారం 

ప్రీమియం సెగ్మెంట్‌లో పోటీ పడుతున్నందున, హోండాZR-Vలో అత్యాధునిక ఫీచర్లను పొందుపరిచింది. క్యాబిన్ విశాలంగా కనిపించేలా దీనికి ఉన్న పనోరమిక్ సన్‌రూఫ్‌ చేస్తుంది. భద్రత కోసం అధునాతన డ్రైవర్ అసిస్టెన్స్‌ టెక్నాలజీ అడాస్  అప్‌డేట్ చేశారు. 12 స్పీకర్లతో కూడిన ప్రీమియం సౌండ్‌ అనుభవం ఇచ్చే బాస్ ఆడియో సిస్టమ్‌ ఉంది. సౌకర్యవంతమైన డ్రైవింగ్ కోసం లెదర్ హీటెడ్‌ స్టీరింగ్ వీల్, పవర్డ్‌ ఫ్రంట్ సీట్లు ఉన్నాయి. పవర్డ్ టెయిల్ గేట్‌ కారణంగా డిక్కీని సులభంగా ఓపెన్ చేయవచ్చు. ఆధునిక, ఆకర్షణీయమై లుక్ కోసం పూర్తి ఎల్‌ఈడీ సెటప్ ఉంది. 

గత కొన్నేళ్లుగా హోండా ఇండియా కేవలం మిడ్ సైజ్ ఎస్‌యూవీ, సెడాన్ సెగ్మెంట్‌లకే పరిమితమైంది. అకార్డ్, సీఆర్‌వీ వంటి మోడళ్లు నిలిపివేయడంతో ప్రీమియం కస్టమర్లను హోండా కోల్పోయింది. ఇప్పుడు ZR-Vని ఒక హోలో మోడల్‌గా తీసుకురావడం ద్వారా తన బ్రాండ్ వాల్యూను మళ్లీ పెంచుకోవాలని కంపెనీ భావిస్తోంది. ఇది విజయవంతమైతే భవిష్యత్‌లో హోండా తన గ్లోబల్ రేంజ్‌ నుంచి మరిన్ని అంతర్జాతీయ మోడళ్లను భారత్‌కు తీసుకువచ్చే అవకాశం ఉంది. 

ఎవరితో పోటీ 

ప్రీమియం ఎస్‌యూవీ సెగ్మెంట్‌లో ZR-Vకి గట్టి పోటీ ఎదురుకానుంది. స్కోడా కోడియాక్, BMW X1, వోక్స్ వ్యాగన్ టైరాన్‌తో గట్టి పోటీ ఉంటుంది. CBU రూట్‌లో దిగుమతి కావడం వల్ల దీని ధర కొంత ఎక్కువగా ఉండే ఛాన్స్ ఉంది. ప్రారంభ ధర రూ. 45 లక్షలు ఉండవచ్చని, టాప్ ఎండ్‌ వేరియంట్‌ ధర 50 లక్షల  వరకు ఉండవచ్చని అంచనా. 

మరిన్ని చదవండి

హోండా సిటీ కొత్త వెర్షన్ వచ్చేస్తోంది.. మే 22న గ్రాండ్ లాంచ్! అదిరిపోయే ఫీచర్లు, కొత్త లుక్ తో సెడాన్ మార్కెట్లోకి ఎంట్రీ

ఒకే ఛార్జ్‌‌తో 320 కిలోమీటర్ల రేంజ్.. కస్టమర్లను ఆకర్షిస్తున్న Honda Super N EV డిజైన్, ఫీచర్లు