Honda Shine లేదా Hero HF Deluxe రెండిటిలో ఏ బైక్ కొనడం బెటర్ ? ధర, మైలేజీ చూస్తే క్లారిటీ
మీరు Hero HF Deluxe లేదా Honda Shine లలో తక్కువ బడ్జెట్ బైకును, అధిక మైలేజీ బైకును ఎంచుకోవాలని చూస్తున్నారా. అయితే ఇంజిన్, మైలేజ్, ఫీచర్లలో ఏది మంచిదో పూర్తి వివరాలు తెలుసుకోండి.
ప్రస్తుతం ఉరుకులు పరుగుల జీవితంలో పబ్లిక్ ట్రాన్స్పోర్ట్ కంటే ప్రైవేట్ గా వెహికల్ ఉండాలని అంతా భావిస్తున్నారు. అది కారయినా కావొచ్చు. లేక బైక్, స్కూటీలు కావొచ్చు. తక్కువ బడ్జెట్లో రోజువారీ జర్నీ కోసం చవకైన, మంచి మైలేజీనిచ్చే, తక్కువ మెయింటనెన్స్ కలిగిన బైక్ను కొనాలని భావిస్తున్నారా.. అయితే మీకు హీరో హెచ్ఎఫ్ డీలక్స్ (Hero HF Deluxe), లేక హోండా షైన్ 100 (Honda Shine 100) రూపంలో 2 ఛాయిస్ ఉన్నాయి. ఈ బైక్లు ముఖ్యంగా రోజువారీ ఆఫీసుకు, వ్యాపారానికి వెళ్లేవారు, విద్యార్థులు, మధ్యతరగతి కుటుంబాలను దృష్టిలో ఉంచుకుని రూపొందించారు. ఈ బైకులు 100cc విభాగంలో నమ్మదగ్గ కమ్యూటర్ బైక్లు, మైలేజ్, ఫీచర్ల పరంగా ఏ బైక్ ఫీచర్లు, పవర్ ఏంటో ఇక్కడ తెలుసుకోండి.
రెండు బైక్ల ధరలలో వ్యత్యాసం
Hero HF Deluxe ఎక్స్-షోరూమ్ ధర రూ. 55,992 కు ప్రారంభం కాగా, రూ. 68,417 వరకు ఉంటుంది. Honda Shine 100 ఎక్స్-షోరూమ్ ప్రారంభ ధర రూ. 65,243 కాగా, టాప్ వేరియంట్ కోసం మీరు రూ. 71,511 వరకు ఖర్చు చేయాలి. అయితే ఇది కూడా ఎక్స్ షోరూమ్ ధర. కనుక ఆన్-రోడ్ ధర విషయానికి వస్తే, Hero HF Deluxe ఢిల్లీలో దాదాపు రూ. 69,000కి కస్టమర్ల చేతికి వస్తుంది. అయితే Honda Shine 100 దాదాపు రూ. 77,000 వరకు చెల్లించాల్సి ఉంటుంది. హైదరాబాద్లో అయితే ఎక్స్ షోరూమ్ ధర ₹ 63,212 నుంచి ప్రారంభమై, వేరియంట్ బట్టి గరిష్టంగా హెచ్ఎఫ్ డీలక్స్ ప్రో (HF DELUXE PRO) కోసం ₹ 69,234 గా నిర్ణయించారు. మీ బడ్జెట్ కాస్త తక్కువైతే Hero HF Deluxe కొనుగోలు చేయవచ్చు.
బైక్స్ ఇంజిన్, పనితీరు
Hero HF Deluxe 97.2cc ఎయిర్-కూల్డ్ సింగిల్ సిలిండర్ ఇంజిన్తో వచ్చింది. ఈ బైక్ 8.02 PS పవర్, 8.05 Nm టార్క్ను అందిస్తుంది. మరోవైపు Honda Shine 100 బైక్ 98.98cc ఇంజిన్తో వస్తోంది. ఈ బైక్ 7.38 PS పవర్, 8.05 Nm టార్క్ను జనరేట్ చేస్తుంది. Hero బైక్ కొంచెం ఎక్కువ పవర్ఫుల్. సిటీ ట్రాఫిక్లో మంచి పికప్తో సాగిపోవచ్చు. Honda Shine 100 ఇంజిన్ మరింత స్మూత్ గా ఉంటుంది. తక్కువ వైబ్రేషన్తో సాఫీగా డ్రైవింగ్ చేయవచ్చు.
మైలేజ్, ఫీచర్లలో ఎవరు ముందున్నారు?
Hero HF Deluxe క్లెయిమ్ చేసిన మైలేజ్ లీటర్ పెట్రోల్కు దాదాపు 70 కి.మీ వెళ్తుంది. అయితే రియల్గా అయితే 60 నుంచి 65 kmpl వరకు మైలేజీ ఇస్తుంది. Honda Shine 100 మైలేజ్ 55– 65 kmpl మధ్య ఉంటుంది. ఫీచర్ల విషయానికి వస్తే, రెండింటిలోనూ ప్రైమరీ కమ్యూటర్ ఫీచర్లు ఉన్నాయి. అయితే Hero బైకులో i3S టెక్నాలజీ మైలేజీని పెంచడానికి పనికొస్తుంది. Honda లో CBS సేఫ్టీ ఫీచర్ స్టాండర్డ్గా ఇస్తున్నారు. మీరు తక్కువ ధర, ఎక్కువ మైలేజ్ కోరుకుంటే మీకు Hero HF Deluxe బెస్ట్ ఛాయిస్. మీరు సాఫీగా నడిచే ఇంజిన్, Honda బ్రాండ్ నాణ్యతకు ప్రాధాన్యత ఇచ్చేవారైతే Honda Shine 100 సీసీ బైక్ కొనుగోలు చేయవచ్చు.
టాప్ హెడ్ లైన్స్
ట్రెండింగ్ వార్తలు
