కొత్త లుక్‌తో వస్తున్న Honda Elevate Facelift.. లోపల, బయట కీలక మార్పులతో అక్టోబర్‌ 6న లాంచ్‌

హోండా ఎలివేట్‌ ఫేస్‌లిఫ్ట్‌ బుకింగ్స్‌ రూ.21 వేలతో ప్రారంభమయ్యాయి. అక్టోబర్‌ 6న లాంచ్‌ కానున్న ఈ SUVలో కొత్త డిజైన్‌, లైటింగ్‌ & ఇంటీరియర్‌ మార్పులు ఉన్నాయి.

తెలుగులో ఆటోమొబైల్‌ వార్తలు

Source : https://x.com/

Show Quick Read

Key points generated by AI, verified by newsroom

• హోండా ఎలివేట్ ఫేస్‌లిఫ్ట్ బుకింగ్‌లు ప్రారంభం; అక్టోబర్ 6న విడుదల.
• కొత్త గ్రిల్, LED లైట్లు; ఇంటీరియర్‌లోనూ మార్పులు, ఫీచర్లు.
• 1.5 లీటర్ పెట్రోల్ ఇంజిన్; హైబ్రిడ్ వెర్షన్ ఉండకపోవచ్చు.

Honda Elevate Facelift Details In Telugu: హోండా ఎలివేట్‌ ఫేస్‌లిఫ్ట్‌ కొనాలని కొంతకాలంగా ఎదురుచూస్తున్న వారికి గుడ్‌న్యూస్‌. ఈ కొత్త SUV కోసం హోండా కంపెనీ బుకింగ్స్‌ను ప్రారంభించింది. దేశవ్యాప్తంగా హోండా డీలర్‌షిప్‌లలో బుక్‌ చేసుకోవచ్చు. బుకింగ్‌ కోసం రూ.21,000 టోకెన్‌ అమౌంట్‌ చెల్లించాలి. కొత్త ఎలివేట్‌ ఫేస్‌లిఫ్ట్‌ను అక్టోబర్‌ 6న భారత మార్కెట్లో లాంచ్‌ చేయనున్నారు.

ఫేస్‌లిఫ్ట్‌ మోడల్‌కు సంబంధించిన టీజర్‌ను కూడా హోండా ఇటీవలే విడుదల చేసింది. ఇందులో కారు బయట డిజైన్‌తో పాటు ఇంటీరియర్‌లో చేయబోయే కొన్ని మార్పులు కనిపించాయి. అయితే ఇంజిన్‌ విషయంలో పెద్ద మార్పులు ఉండకపోవచ్చని తెలుస్తోంది.

కొత్త లుక్‌లో ఎలివేట్‌

ఎలివేట్‌ ఫేస్‌లిఫ్ట్‌ ముందు భాగంలో కొత్త గ్రిల్‌ కనిపిస్తుంది. ఇందులో మెరుస్తున్న ఆరు కోణాల డిజైన్‌ ఉపయోగించారు. ఇప్పటివరకు గ్రిల్‌పై ఉన్న హోండా లోగోను బానెట్‌పైకి మార్చారు.

కొత్త LED డేటైమ్‌ రన్నింగ్‌ ల్యాంప్స్‌ కూడా ప్రత్యేకంగా కనిపిస్తున్నాయి. ఇవి హోండా సిటీ ఫేస్‌లిఫ్ట్‌లో కనిపించే తరహాలో సెగ్మెంటెడ్‌ డిజైన్‌తో ఉన్నాయి. హెడ్‌లైట్లు & ఫాగ్‌ ల్యాంప్‌ హౌసింగ్‌లో మాత్రం పెద్దగా మార్పులు కనిపించడం లేదు.

వెనుక భాగంలో కనెక్టెడ్‌ LED టెయిల్‌ ల్యాంప్స్‌ కొత్తగా వస్తున్నాయి. మరో ఆసక్తికర అంశం కూడా టీజర్‌లో కనిపించింది. ఎడమ వైపు ORVMపై కెమెరా పాడ్‌ ఉంది. దీంతో కొత్త ఎలివేట్‌లో కూడా 360 డిగ్రీల కెమెరాకు బదులుగా లేన్‌ వాచ్‌ కెమెరా వ్యవస్థనే కొనసాగించే అవకాశం ఉంది.

ఇంటీరియర్‌లోనూ మార్పులు

ఎలివేట్‌ ఫేస్‌లిఫ్ట్‌ ఇంటీరియర్‌ను టీజర్‌లో పూర్తిగా చూపించలేదు. అయితే డ్యాష్‌బోర్డ్‌లో కొత్త డిజైన్‌ కనిపించింది. తెలుపు రంగు లెదరెట్‌ ప్యాడింగ్‌ & స్టిచింగ్‌ను ఎక్కువగా ఉపయోగించినట్లు తెలుస్తోంది.

డ్యాష్‌బోర్డ్‌ & డోర్‌ ప్యాడ్స్‌పై అంబర్‌ యాంబియంట్‌ లైటింగ్‌ కూడా కనిపించింది. ప్రస్తుతం ఉన్న ఎలివేట్‌లో యాంబియంట్‌ లైటింగ్‌ డీలర్‌ స్థాయిలో యాక్సెసరీగా అందుబాటులో ఉంది.

ఇది కూడా చదవండి: 5 New Cars In October: కారు కొనాలనుకుంటున్నారా ? దసరా, దీపావళి కంటే మార్కెట్లోకి 5 కొత్త కార్లు

కొత్త ఫీచర్లు వచ్చే అవకాశం

ఫేస్‌లిఫ్ట్‌లో ఫీచర్ల జాబితాను హోండా ఇంకా పూర్తిగా వెల్లడించలేదు. అయితే పోటీని దృష్టిలో పెట్టుకుని కొన్ని కొత్త ఫీచర్లు వచ్చే అవకాశం ఉంది. పానోరమిక్‌ సన్‌రూఫ్‌, డ్యూయల్‌ జోన్‌ క్లైమేట్‌ కంట్రోల్‌, వెంటిలేటెడ్‌ ఫ్రంట్‌ సీట్లు, పవర్డ్‌ కో-డ్రైవర్‌ సీటు & వెనుక సన్‌బ్లైండ్స్‌ వంటి ఫీచర్లు ఇందులో చేరే అవకాశం ఉందని తెలుస్తోంది.

అదే పెట్రోల్‌ ఇంజిన్‌

ఎలివేట్‌లో ప్రస్తుతం ఉన్న 1.5 లీటర్‌ 4 సిలిండర్‌ న్యాచురల్లీ ఆస్పిరేటెడ్‌ పెట్రోల్‌ ఇంజిన్‌నే ఎలివేట్‌ ఫేస్‌లిఫ్ట్‌లోనూ కొనసాగించే అవకాశం ఉంది. ఈ ఇంజిన్‌ 121hp శక్తి & 145Nm టార్క్‌ను ఉత్పత్తి చేస్తుంది. 6 స్పీడ్‌ మాన్యువల్‌ గేర్‌బాక్స్‌ లేదా 7 స్టెప్‌ CVTతో ఇది అందుబాటులో ఉంటుంది.

హోండా సిటీలో లభించే 1.5 లీటర్‌ స్ట్రాంగ్‌ హైబ్రిడ్‌ ఇంజిన్‌ను ఎలివేట్‌ ఫేస్‌లిఫ్ట్‌లో తీసుకురాకపోవచ్చని సమాచారం.

ఇది కూడా చదవండి: రూ.లక్షల్లో కొత్త కారు, రూ.వేలల్లో మెయింటెనెన్స్‌ ఖర్చు! క్యాబ్‌లో తిరగడమే బెటర్‌ ఐడియానా?

ధర ఎంత?

ఫేస్‌లిఫ్ట్‌ రాకతో ఎలివేట్‌ ధరల్లో మార్పులు ఉండే అవకాశం ఉంది. ప్రస్తుతం ఈ SUV ధర రూ.11.81 లక్షల నుంచి రూ.16.36 లక్షల వరకు (ఎక్స్‌-షోరూమ్‌) ఉంది.

హ్యుందాయ్‌ క్రెటా, మారుతి విక్టోరిస్‌, కియా సెల్టోస్‌, టాటా సియెర్రా, స్కోడా కుషాక్‌, ఫోక్స్‌వ్యాగన్‌ టైగూన్‌ & రెనాల్ట్‌ డస్టర్‌ వంటి మధ్యతరహా SUVలకు ఎలివేట్‌ పోటీ ఇస్తోంది. 

ఇంకా ఇలాంటి ఆటోమొబైల్‌ వార్తలు & అప్‌డేట్స్‌ కోసం "ABP దేశం" 'ఆటో' సెక్షన్‌ని ఫాలో అవ్వండి.

మరిన్ని చదవండి

రూ.6 లక్షల లోపులోనే కొనగలిగే 11 కార్లు.. ఈ దసరాకి కొత్త కారు మీ ఇంటికొస్తుంది!

కొత్త 7 సీటర్‌ కారును సీక్రెట్‌గా టెస్ట్‌ చేస్తున్న నిస్సాన్‌.. ఫొటోలు లీక్‌!