సిటీలో ఒకలా, హైవేపై మరోలా - Hero Xoom 160 రియల్ వరల్డ్ మైలేజ్ టెస్ట్ ఫలితాలు ఇవే!
హీరో జూమ్ 160 స్కూటర్ రియల్ వరల్డ్ మైలేజ్ టెస్ట్లో సిటీ, హైవేలో ఎంత మైలేజ్ ఇచ్చింది? 156cc ఇంజిన్తో వచ్చిన ఈ అడ్వెంచర్ స్కూటర్ ఇంధన సామర్థ్యంపై పూర్తి వివరాలు తెలుసుకోండి.
Hero Xoom 160 fuel economy: భారత మార్కెట్లో ప్రస్తుతం అందుబాటులో ఉన్న స్కూటర్లలో హీరో జూమ్ 160 (Hero Xoom 160) ఒక ప్రత్యేక మోడల్గా నిలుస్తోంది. అడ్వెంచర్ స్కూటర్ స్టైలింగ్, మ్యాక్సీ స్కూటర్ డిజైన్, 156cc లిక్విడ్ కూల్డ్ ఇంజిన్తో వచ్చిన ఈ స్కూటర్ సాధారణ స్కూటర్ల కంటే ఎక్కువ పనితీరు, టూరింగ్ సామర్థ్యాన్ని అందిస్తుందని హీరో మోటోకార్ప్ చెబుతోంది. అయితే రియల్ వరల్డ్లో దీని మైలేజ్ ఎంత? అనే ప్రశ్నకు సమాధానం తెలుసుకోవడానికి ఎక్స్పర్ట్లు ప్రత్యేక పరీక్షలు నిర్వహించారు.
సిటీలో హీరో జూమ్ 160 మైలేజ్
ముంబై నగరంలోని రద్దీ రోడ్లు, ట్రాఫిక్ సిగ్నల్స్, స్టాప్-అండ్-గో పరిస్థితుల్లో హీరో జూమ్ 160ను ఎక్స్పర్ట్లు పరీక్షించారు. మొత్తం 47.1 కిలోమీటర్ల ప్రయాణంలో స్కూటర్ 1.24 లీటర్ల పెట్రోల్ను వినియోగించింది.
దీంతో సిటీ మైలేజ్:
సిటీ మైలేజ్ – 37.90 kmpl
నగరాల్లో రోజువారీ వినియోగానికి ఇది మంచి ఫిగర్గా చెప్పవచ్చు. ముఖ్యంగా 156సీసీ లిక్విడ్ కూల్డ్ ఇంజిన్ కలిగిన స్కూటర్కు ఈ స్థాయి మైలేజ్ ఆకర్షణీయంగానే ఉంది.
హైవేపై ఎంత మైలేజ్?
స్థిరమైన హైవే రూట్లో హీరో జూమ్ 160ను మరోసారి పరీక్షించారు. ఈ టెస్ట్లో స్కూటర్ 49.2 కిలోమీటర్లు ప్రయాణించింది. దీనికి 1.24 లీటర్ల ఇంధనం అవసరమైంది.
దీంతో హైవే మైలేజ్:
హైవే మైలేజ్ – 39.60 kmpl
సిటీతో పోలిస్తే హైవేపై కొద్దిగా ఎక్కువ మైలేజ్ వచ్చింది, ఏ బండికైనా ఇది సహజమే. స్థిరమైన వేగంతో ప్రయాణించే సమయంలో ఇంజిన్పై ఒత్తిడి తక్కువగా ఉండటమే ఇందుకు కారణం.
సగటు మైలేజ్ ఎంత?
సిటీ, హైవే టెస్ట్లను కలిపి లెక్కిస్తే హీరో జూమ్ 160 సగటు ఇంధన సామర్థ్యం:
సగటు మైలేజ్ – 38.80 kmpl
ఈ మైలేజ్ ఎందుకు ముఖ్యమంటే?
హీరో జూమ్ 160 కర్బ్ వెయిట్ 142 కిలోలు. ఇది సాధారణ 110సీసీ లేదా 125సీసీ స్కూటర్ల కంటే చాలా ఎక్కువ బరువు. అంతేకాకుండా, ఇందులో 156సీసీ లిక్విడ్ కూల్డ్ ఇంజిన్ ఉంది. కాబట్టి మైలేజ్ కంటే పనితీరు, లాంగ్ రైడ్ కంఫర్ట్పై ఎక్కువ దృష్టి పెట్టి రూపొందించారు. అయినప్పటికీ లీటరు పెట్రోల్కు సగటున 38 km మైలేజ్ అందించడం ఈ స్కూటర్కు అదనపు ప్లస్ పాయింట్గా చెప్పొచ్చు. ముఖ్యంగా టూరింగ్, హైవే రైడింగ్ ఇష్టపడే వారికి ఇది మంచి ఎంపికగా కనిపిస్తోంది.
మైలేజ్ టెస్ట్ ఎలా నిర్వహించారు?
పరీక్ష ప్రారంభానికి ముందు ట్యాంక్ను పూర్తిగా నింపారు. కంపెనీ సూచించిన టైర్ ప్రెజర్ను నిర్వహించారు. సిటీ, హైవే రూట్లలో వాస్తవ పరిస్థితులకు అనుగుణంగా స్కూటర్ను నడిపారు. ప్రతి టెస్ట్ ముగిసిన తర్వాత ట్యాంక్ను మళ్లీ నింపి ఎంత ఇంధనం వినియోగించిందో లెక్కించి అసలైన మైలేజ్ను లెక్కగట్టారు.
హీరో జూమ్ 160 ఒక సాధారణ స్కూటర్ కాదు. అడ్వెంచర్ లుక్, శక్తివంతమైన 156సీసీ ఇంజిన్, టూరింగ్ సామర్థ్యాలతో పాటు సగటున 38 kmpl మైలేజ్ అందించడం దీని ప్రత్యేకత. రోజువారీ వినియోగంతో పాటు వీకెండ్ రైడ్స్కు సరిపోయే స్కూటర్ కోసం చూస్తున్నవారికి హీరో జూమ్ 160 మంచి ఆప్షన్గా నిలవొచ్చు.
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
