హీరో మోటోకార్ప్ స్టార్టప్ సర్జ్ రూపొందించిన వినూత్న ఎలక్ట్రిక్ వాహనం ఇది. అవసరాన్ని బట్టి ఆటో రిక్షా నుండి స్కూటర్గా మారగల ప్రపంచంలోనే మొదటి మాడ్యులర్ 2-ఇన్-1 వాహనం.
అన్వేషించండి
Hero Surge S32: 3 నిమిషాల్లో ఆటో నుంచి స్కూటర్గా మారే హీరో సర్జ్ఎస్ 32! చంద్రబాబు పరిశీలించిన వెహికల్ పూర్తి వివరాలు ఇవే!
Hero Surge S32: హీరో మోటోకార్ప్ ఇన్క్యుబేషన్ స్టార్టప్ సర్జ్. ప్రపంచంలోనే మొట్టమొదటి 2 ఇన్1 కన్వర్టబుల్ ఈవీ వాహనం సర్జ్ ఎస్ 32.
3 నిమిషాల్లో ఆటో నుంచి స్కూటర్గా మారే హీరో సర్జ్ఎస్ 32! చంద్రబాబు పరిశీలించిన వెహికల్ పూర్తి వివరాలు ఇవే!
Source : Social Media
- ఆంధ్రప్రదేశ్ సీఎం చంద్రబాబు సర్జ్ S32 వాహనాన్ని పరిశీలించారు.
- ప్రపంచంలోనే తొలి 2-ఇన్-1 ఎలక్ట్రిక్ కన్వర్టబుల్, ఆటో స్కూటీగా మారుతుంది.
- చిన్న వ్యాపారులు, డెలివరీ ఏజెంట్లకు ఇది చాలా ఉపయోగకరం.
Hero Surge S32: సత్యవేడులోని శ్రీ సిటీలో ఉన్న హీరో ప్లాంట్ను ఆంధ్రప్రదేశ్ సీఎం చంద్రబాబు సందర్శించారు. హీరో మోటార్స్ ఉత్పత్తి చేస్తున్న వివిధ రకాల మోడళ్లు పరిశీలించారు. ఈ సందర్భంగానే హీరో సంస్థ రూపొందించిన స్కూటీ కం ఆటో వాహనాన్ని సీఎం పరిశీలించారు. ఆటో నుంచి స్కూటీని వేరు చేసే విధానాన్ని ఆసక్తిగా పరిశీలించారు. అదే హీరో సర్జ్ఎస్ 32. దీని గురించి పూర్తి వివరాలు ఇక్కడ చూద్దాం.
భారతీయ రవాణా రంగం సరికొత్త మలుపు తిరుగుతోంది. ముఖ్యంగా ఎలక్ట్రిక్ వాహనాల విభాగంలో ఊహించని ఆవిష్కరలు చోటు చేసుకుంటున్నాయి. ఈ క్రమంలోనే హీరో మోటోకార్ప్ స్టార్టప్ సంస్థ సర్జ్, శ్రీసిటీ కేంద్రంగా రూపుదిద్దుకుంటున్న అద్భుత వాహనం హీరో సర్జ్ ఎస్ 32. ఇది కేవలం ఒక ఎలక్ట్రిక్ వాహనం మాత్రమే కాదు. అవసరాన్ని బట్టి తన రూపాన్ని మార్చుకునే ఒక ట్రాన్స్ఫార్మర్.
ఏంటీ ఈ హీరో సర్జ్ఎస్ 32?
హీరో సర్జ్ఎస్ 32 అనేది ప్రపంచంలోనే మొట్టమొదటి మాడ్యులర్ 2- ఇన్-1 కన్వర్టబుల్ ఎలక్ట్రిక్ వాహనం. సాధారణంగా మనం రోడ్లపై ఆటో రిక్షాలను లేదా స్కూటర్లను విడివిడిగా చూసుకుంటాం. కానీ హీరో సర్జ్ఎస్ 32 ఈ రెండింటి కలయిక. ఇది ఒకే సమయంలో త్రీ వీలర్గాను టూ వీలర్గానూ పని చేస్తుంది.
Also Read: భారత EV మార్కెట్లో తగ్గుతున్న వృద్ధి.. ఆసక్తి ఉన్నా కొనుగోళ్లకు అడ్డంకి ఇదేనా!
కేంద్ర రవాణా శాఖ ఈ వినూత్న సాంకేతికతను గుర్తించి, దీని కోసం ప్రత్యేకంగా ఎల్2-5కేటగిరిని ఆమోదించింది. అంటే ఇది చట్టబద్ధంగా రెండు రకాల వాహనాల ప్రయోజనాలను ఒకే రిజిస్ట్రేషన్తో అందించబోతోంది.
ఇది ఎలా సాధ్యం?
ఈ వాహనం వెనక ఉన్న ఇంజినీరింగ్ అత్యంత చాకచక్యంగా రూపొందించారు. ఆటో లోపల ఒక స్కూటర్ అంతర్భాగంగా అమర్చి ఉంటుంది. దీనిని మార్చుకునే విధానం చాలా సులభం. ఒక బటన్ నొక్కడం ద్వారా ఆటో ముందు విండ్షీల్డ్ భాగం పైకి లేస్తుంది. లోపల ఉన్న స్కూటర్ విడిగా బయటకు వస్తుంది. ఈ మొత్తం ప్రక్రియకు కేవలం 3 నిమిషాలు మాత్రమే పడుతుంది. ఆటో మోడ్లో ఉన్నప్పుడు స్కూటర్ సురక్షితంగా ఉండటానికి ఎలక్ట్రో-మెకానికల్ లాకింగ్ సిస్టమ్ను ఏర్పాటు చేశారు. దీని వల్ల ప్రయాణ సమయంలో స్కూటర్ విడిపోయే ప్రమాదం ఉండదు.
ఈ వాహనం ఎవరికి యూజ్ అవుతుంది?
మధ్యతరగతి ప్రజలు, చిన్న వ్యాపారస్తులు, డెలివరీ ఏజెంట్ల అవసరాలను దృష్టిలో ఉంచుకొని దీనిని రూపొందించారు. పగటిపూట సరకుల రవాణా లేదా ప్రయాణికులను చేరవేయడానికి ఆటోగా వాడుకోవచ్చు. అదే వాహనాన్ని సాయంత్రం వేళల్లో కుటుంబంతో కలిసి బయటకు వెళ్లడానికి స్కూటర్గా మార్చుకోవచ్చు. ఒకే ధరకు రెండు వాహనాల ప్రయోజనం లభిస్తుంది. దీని వల్ల అదనపు వాహనం కొనాల్సిన అవసరం, పార్కింగ్ సమస్యలు తప్పుతాయి. లాస్ట్-మైల్ డెలివరీ, ప్యాసింజర్ సర్వీసుల్లో ఉండే వారికి ఇది ఒక గొప్ప వరం.
టెక్నికల్ స్పెసిఫికేషన్
| ఫీచర్లు | ఆటోమోడ్ | స్కూటర్ మోడ్ |
| బ్యాటరీ సామర్థ్యం | 11 kWh (కార్గో) / 9.67 kWh (ప్యాసింజర్) | 3.5 kWh |
| మోటార్ పవర్ | 10 kW / 8 kW | 3 kW |
| గరిష్ట వేగం | 50 కి.మీ/గంట | 60 కి.మీ/గంట |
| లోడ్ సామర్థ్యం / రేంజ్ | 500 కేజీలు | 60 - 80 కి.మీ |
ఏ రకమైన రోడ్డు పైనైనా వాహనాన్ని సులభంగా సపరేట్ చేసేందుకు వీలుగా అడ్వాన్స్డ్ మాడ్యులర్ ప్లాట్ఫారమ్ను డిజైన్ చేశారు. ఇందులో రివర్స్ గేర్ సదుపాయం, డిజిటల్ కన్సోల్, ఎల్ఈడీ హెడ్ల్యాంప్స్, బ్లూటూత్ కనెక్టివిటీ వంటి ఆధునిక ఫీచర్లు కూడా ఉన్నాయి. సర్జ్ ఎస్32ను వినియోగదారుల అవసరాలకు అనుగుణంగా రెండు ప్రధాన విభాగాలుగా విభజించారు.
1. కార్గో వేరియంట్ (S32 Cargo - L2-5N): ఇది పూర్తిగా సరకు రవాణా కోసం ఉద్దేశించంది. ఇందులో మూడు రకాల డిజైన్లు ఉన్నాయి. లో డెక్ (LD) & హై డెక్ (HD) ఇవి ఈ-కామర్స్ పార్సిళ్లు, గ్యాస్ సిలిండర్ల రవాణాకు అనుకూలంగా ఉంటాయి. మూడోది ఫ్లాట్ బెడ్ (FB) పెద్ద పెట్టెలు లేదా కస్టమైజ్డ్ లోడ్స్ కోసం వెనుక భాగం ఫ్లాట్గా ఉంటుంది. దీనికి 500 కేజీల బరువు మోసే సామర్థ్యం కోసం 11.61 kWh పెద్ద బ్యాటరీని అమర్చారు.
2. ప్యాసింజర్ వేరియంట్ (S32 PV - L2-5M): ఇది సాధారణ ఎలక్ట్రిక్ ఆటో రిక్షా మాదిరిగా పనిచేస్తుంది. ఇందులో డ్రైవర్ + 3 ప్యాసింజర్లు కూర్చోవచ్చు. ప్రయాణికుల సౌకర్యం కోసం కుషన్ సీట్లు, ఎండ వానల నుంచి రక్షణ కోసం సాఫ్ట్-డోర్స్, పక్కా రూఫ్ స్ట్రక్చర్ను ఏర్పాటు చేశారు. దీనికి 9.67 kWh బ్యాటరీ సరిపోతుంది.
ఎప్పుడు మార్కెట్లోకి వస్తుంది? ధర ఎంత?
ఈ వాహనం ఎప్పుడు అందుబాటులోకి వస్తుందనే దానిపై సర్జ్ బృందం ఇంకా ఎలాంటి ప్రకటన చేయలేదు. దీని ఎక్స్-షోరూమ్ ధర సుమారు రూ. 2.5 లక్షల నుంచి రూ. 3 లక్షల వరకు ఉండే ఛాన్స్ ఉంది.
Also Read: వాహనదారులకు షాక్.. కార్ల ధరలు పెంచిన టాటా మోటార్స్, కియా ఇండియా, ఎంజీ మోటార్స్
Before You Go
Auto Expo 2023 Day 1 Highlights: ఎంతో హైప్ తో మొదలైన ఆటో ఎక్స్ పో మొదటి రోజు హైలైట్స్
Frequently Asked Questions
హీరో సర్జ్ ఎస్32 అంటే ఏమిటి?
హీరో సర్జ్ ఎస్32 ఆటో నుండి స్కూటర్గా ఎలా మారుతుంది?
ఒక బటన్ నొక్కడం ద్వారా ఆటో ముందు భాగం పైకి లేచి, లోపల ఉన్న స్కూటర్ విడిగా బయటకు వస్తుంది. ఈ మొత్తం ప్రక్రియకు కేవలం 3 నిమిషాలు మాత్రమే పడుతుంది.
హీరో సర్జ్ ఎస్32 ఏ వినియోగదారులకు ఉపయోగపడుతుంది?
మధ్యతరగతి ప్రజలు, చిన్న వ్యాపారస్తులు, డెలివరీ ఏజెంట్లు, మరియు లాస్ట్-మైల్ డెలివరీ, ప్యాసింజర్ సర్వీసుల్లో ఉండే వారికి ఇది బాగా ఉపయోగపడుతుంది. ఇది ఒకే ధరకు రెండు వాహనాల ప్రయోజనం అందిస్తుంది.
హీరో సర్జ్ ఎస్32 ఎన్ని రకాల వేరియంట్లలో లభిస్తుంది?
ఇది రెండు ప్రధాన వేరియంట్లలో అందుబాటులో ఉంది: సరకు రవాణా కోసం కార్గో వేరియంట్ (S32 Cargo) మరియు ప్రయాణీకులను చేరవేయడానికి ప్యాసింజర్ వేరియంట్ (S32 PV).
హీరో సర్జ్ ఎస్32 ఎప్పుడు మార్కెట్లోకి వస్తుంది మరియు దాని ధర ఎంత ఉండవచ్చు?
ఈ వాహనం ఎప్పుడు మార్కెట్లోకి వస్తుందో ఇంకా ప్రకటించలేదు. దీని ఎక్స్-షోరూమ్ ధర సుమారు రూ. 2.5 లక్షల నుంచి రూ. 3 లక్షల వరకు ఉండే అవకాశం ఉంది.
Advertisement
టాప్ హెడ్ లైన్స్
ఆటో
3 నిమిషాల్లో ఆటో నుంచి స్కూటర్గా మారే హీరో సర్జ్ఎస్ 32! చంద్రబాబు పరిశీలించిన వెహికల్ పూర్తి వివరాలు ఇవే!
ఆటో
టాటా సియారా EVలోని మంచి ఫీచర్లు ఉన్న వేరియంట్ ఏది? కొనే ముందు తెలుసుకోవాల్సిన విషయాలు ఇవే!
ఆటో
వాహనదారులకు షాక్.. కార్ల ధరలు పెంచిన టాటా మోటార్స్, కియా ఇండియా, ఎంజీ మోటార్స్
ఆటో
భారత EV మార్కెట్లో తగ్గుతున్న వృద్ధి.. ఆసక్తి ఉన్నా కొనుగోళ్లకు అడ్డంకి ఇదేనా!
Advertisement
Advertisement
ట్రెండింగ్ వార్తలు
Dr. Pentapati Pullaraoఅంతర్జాతీయ వ్యవహారలు, రాజకీయ విశ్లేషకుడు
Opinion
