అన్వేషించండి

Hero Splendor Plus Flex Fuel:హీరో స్ప్లెండర్‌ ఫ్లెక్స్ ఫ్యూయల్‌ వినియోగదారుడి జేబుకు ఎంత మేలు చేస్తుంది?

Hero Splendor Plus Flex Fuel:హీరో మోటోకార్ప్‌ తన ఐకానిక్‌ స్ప్లెండర్‌ ప్లస్‌, హెచ్‌ఎఫ్‌ డీలక్స్‌లను ఫ్లెక్స్‌- ఫ్యూయల్‌ వెర్షన్‌లలో లాంచ్ చేసింది. వీటి వల్ల వినియోగదారుడికి ఎలాంటి మేలు జరుగుతుంది?

Show Quick Read
Key points generated by AI, verified by newsroom
  • హీరో ఫ్లెక్స్ ఫ్యూయల్ స్ప్లెండర్ బైక్‌లు ఢిల్లీలో ఆవిష్కృతం.
  • E85 ఇథనాల్‌తో ఇవి ఇంధన వ్యయాన్ని గణనీయంగా తగ్గిస్తాయి.
  • పర్యావరణ కాలుష్యం తగ్గి, రైతులకు అదనపు ఆదాయం చేకూరుతుంది.
  • జులై 26 నుంచి లభ్యత, బంకుల సంఖ్య పెరుగుతుంది.

Hero Splendor Plus Flex Fuel:భారత్‌ రవాణా రంగంలో కేవలం ఖరీదైన కార్లు లేదా ప్రయోగాత్మక వాహనాలకే పరిమితమైన ప్రత్యామ్నాయ ఇంధన టెక్నాలజీ ఇప్పుడు సామాన్యుడి ముంగిటకు చేరింది. దేశంలో ప్రతి ముగ్గురిలో ఒక వాడే అత్యంత ప్రజాదరణ పొందిన హీరోస్ప్లెండర్ ప్లస్‌, హెచ్‌ఎఫ్‌ డీల్స్‌ బైక్‌లు ఇప్పుడు ఫెక్స్‌ ఫ్యూయల్‌ అవతారమెత్తాయి. 

కేంద్రమంత్రులు నితిన్ గడ్కరీ, హర్దీప్ సింగ్ సమక్షంలో జూన్ 3న న్యూఢిల్లీ వేదికగా ఈ వాహనాలను హీరో మోటోకార్ప్‌ ఆవిష్కరించింది. దేశీయ ఇంధన భారాన్ని తగ్గించి, రైతుల ఆదాయాన్ని పెంచే దిశగా పడిన ఈ అడుగు, ద్విచక్ర వాహన రంగంలో సరికొత్త శకానికి నాందిపలికింది. 

ఏంటీ ఈ ఫ్లెక్స్ ఫ్యూయల్‌

సాధారణంగా మనం వాడే పెట్రోల్‌లో ఇప్పుడు పది శాతం నుంచి ఇరవై శాతం వరకు ఇథనాల్‌ను కలుపుతారు. కానీ హీరో తీసుకువచ్చిన ఈ సరికొత్త స్ప్లెండర్‌ ప్లెస్‌ ఫ్లెక్స్‌ ఫ్యూయల్‌, ఏకంగా 85 శాతం ఇథనాల్ మిశ్రమంతో నడుస్తుంది. 

ఇందులో వాడే ఇంధనం పెట్రోల్‌, ఇథనాల్‌ కలయిక. అంటే మీరు ట్యాంక్‌లో పెట్రోల్ పోసినా, లేదా ఎక్కువ ఇథనాల్ ఉన్న మిశ్రమాన్ని పోసినా, ఈ బైక్ ఇంజిన్ దానంతట అదే గ్రహించి సాఫీగా నడుస్తుంది. ఇది వినియోగదారులకు ఇంధన ఎంపికలో పూర్తి స్వేచ్ఛను ఇస్తుంది. 

మార్పునకు కారణం ఏంటీ?

ఈ మార్పు వెనుక బలమైన ఆర్థిక, పర్యావరణ కారణాలు ఉన్నాయి. భారత్ టా దాదాపు 120 బిలియన్ డాలర్ల ముడి చమురును దిగుమతి చేసుకుంటోంది. ఇథనాల్‌ వాడకం పెరిగితే, ఈ భారం తగ్గి దేశ ఖజానాకు వేల కోట్ల రూపాయలు ఆదా అవుతాయి. ఈ85 ఇంధనంపై నడిచినప్పుడు, ఈ బైక్‌ కార్బన్ మోనాక్సైడ్‌ ఉద్గారాలను 77 శాతం వరకు తగ్గిస్తుంది. అలాగే హైడ్రోకార్బన్ల ఉద్గారాలు కూడా గణనీయంగా తగ్గుతాయి. ఇథనాల్‌ను చెరకు, మొక్కజొన్న, వ్యవసాయ వ్యర్థాల నుంచి తయారు చేస్తారు. దీని వల్ల రైతులకు అదనపు ఆదాయం లభించడమే కాకుండా, పొలాల్లో వ్యర్థాలను కాల్చడం వల్ల కలిగే కాలుష్యం కూడా తగ్గుతుంది. 

ఫ్లెక్స్‌ ఫ్యూయల్‌ ఎలా పని చేస్తుంది?

స్ప్లెండర్‌ ఇంజిన్ పాతదే కదా, కేవలం ఇంధనం మార్చితే సరిపోతుందా అంటే కాదనే చెప్పాలి. ఇథనాల్‌ స్వభావం పెట్రోల్‌ కంటే భిన్నంగా ఉంటుంది. ఇథనాల్‌ రసాయనపరంగా మెటల్‌, రబ్బర్‌ బాగాలను త్వరగా తుప్పుపట్టేలా చేస్తుంది. 

దీనిని అధిగమించడానికి హీరో ఇంజనీర్లు దాదాపు 36 విడిభాగాలను పూర్తిగా రీడిజైన్ చేశారు. ఇంధన పైపులు, సీల్స్‌ ట్యాంక్‌ కోటింగ్‌లను ఇథనాల్‌కు తట్టుకునేలా మార్చారు. ఇథనాల్‌లో పెట్రోల్‌ కంటే తక్కువ శక్తి ఉంటుంది. కాబట్టి ఎక్కువ ఇంధనాన్ని ఇంజిన్‌లోకి పంపడానికి కొత్త పంపును అమర్చారు ఈ బైక్‌లోని కంప్యూటర్‌ ట్యాంక్‌లోని ఇంధన నాణ్యతను నిరంతరం పర్యవేక్షిస్తుంది. ఇంధనంలో ఎంత శాతం ఇథనాల్ ఉందో గుర్తించి, దానికి తగ్గట్టుగా స్పార్క్‌ టైమింగ్‌ మారుస్తుంది. 

హీరో స్ప్లెండర్‌ ప్లస్‌ ఎప్పుడు ఎక్కడా లభిస్తుంది?

హీరో స్ప్లెండర్‌ ప్లస్ ఫ్లెక్స్ ఫ్యూయల్‌ డెలివరీలు జులై 26న నుంచి ప్రారంభంకానున్నాయి. మొదటి దశలో ఢిల్లీలో, మహారాష్ట్రలోని కొన్ని ప్రాంతాల్లో అందుబాటులోకి తెస్తారు. త్వరలోనే దేశవ్యాప్తంగా అన్ని షోరూమ్‌లలో ఇవి లభించనున్నాయి. 

సామాన్యుడికి ఎంత లాభం 

సామాన్యుడికి అత్యంత ముఖ్యమైంది బైక్ ధర, మైలేజీ. ఢిల్లీలో దీని ఎక్స్‌షోరూమ్‌ ధర 82,810. ఇది సాధారణ మోడల్ కంటే సుమారు 2, 479 నుంచి 5200 వరకు ఎక్కువగా ఉంటుంది. ప్రస్తుతం ఢిల్లీలో పెట్రోల్ ధర 102.12 ఉండా, ఈ85 ఇంధనం ధర కేవలం 82.12రూపాయలు మాత్రమే. అంటే లీటర్‌్కు ఇరవై రూపాయలు ఆదా అవుతుంది. 

ఇథనాల్ శక్తి తక్కువ కాబట్టి మైలేజీ కొంచెం తగ్గుతుంది. పెట్రోల్‌పై 70కిలోమీటర్లు ఇచ్చే స్ప్లెండర్‌, ఈ85పై సుమారు 62కిలోమీటర్ మైలేజీ ఇస్తుంది. పెట్లోల్ వాహనం అయితే ప్రతి కిలోమీటర్‌కు 1.45 రూపాయలు ఖర్చు అవుతుంది. అదే ఫ్లెక్స్ ఫ్యూయల్ అయితే కిలోమీటర్‌కు 1.32 రూపాయలు ఖర్చు అవుతుంది. నెలకు 1500 కిలోమీటర్లు ప్రయాణించే వారికి సుమారు రెండు వందలు ఆదా అవుతుంది. 

ఫ్లెక్స్‌ఫ్యూల్ బైక్‌లో స్పెసిఫికేషన్స్‌ ఏంటీ?

ఈ బైక్‌ కేవలం టెక్నాలజీ పరంగానే కాకుండా, లుక్స్ పరంగా కూడా అప్‌గ్రేడ్ అయ్యింది. 97.2cc, సింగిల్ సిలిండర్‌, 4స్ట్రోక్‌ ఇంజిన్ కలిగి ఉంది. పెట్రోల్ కంటే ఇథనాల్‌పై నడిచినప్పుడు ఏడు శాతం ఎక్కువ పవర్ లభిస్తుంది. ఆల్‌ బ్లాక్‌ ఫినిష్‌తోపాటు కొత్త లైమ్‌ ఎల్లో గ్రాఫిక్స్‌ బైక్‌కు ప్రత్యేక గుర్తింపునిస్తాయి. డిజిఅనలాగ్‌ క్లస్టర్‌, సైడ్‌ స్టాండ్‌ ఇంజిన్ కట్‌-ఆఫ్‌, యూఎస్‌బీ ఛార్జింగ్‌ పోర్ట్‌ వంటి ఆధునిక ఫీచర్లు ఉన్నాయి. ఐదేళ్ల లేదా 70కిలోమీటర్ల వరకు వారంటీ హీరో సంస్థ అందిస్తోంది. 

బంకుల లభ్యత సంగతి ఏంటీ?

బైక్ అయితే కొంటాం కానీ ఇథనాల్‌ బంకులు ఎక్కడ ఉన్నాయి అనే అనుమానం చాలా మందికి వస్తుంది. దీనిపై ప్రభుత్వం క్లారిటీ ఇచ్చింది. ప్రస్తుతం ఢిల్లీలో మొదటి ఈ85 బంక్ ప్రారంభించింది. 2026 నాటికి దేశవ్యాప్తంగా 500 బంకులు, 2027నాటికి ఐదువేల బంకులు, చివరికి దేశవ్యాప్తంగా యాభైవేల బంకులను ఏర్పాటు చేయడమే లక్ష్యంగా పెట్టుకుంది. అంతేకాకుండా పాత బీఎస్‌6 బైక్‌లను కూడా ఇథనాల్‌తో నడిచేలా మార్చుకునేందుకు రెట్రోఫిట్ కిట్స్‌ను కూడా హీరో అభివృద్ధిచేస్తోంది. 

Frequently Asked Questions

ఫ్లెక్స్ ఫ్యూయల్ అంటే ఏమిటి?

ఫ్లెక్స్ ఫ్యూయల్ అనేది 85 శాతం ఇథనాల్ మిశ్రమంతో నడిచే ఇంధనం. ఈ బైక్ ఇంజిన్ పెట్రోల్ లేదా ఎక్కువ ఇథనాల్ ఉన్న మిశ్రమాన్ని గ్రహించి, దానంతట అదే సర్దుబాటు చేసుకుని నడుస్తుంది. ఇది వినియోగదారులకు ఇంధన ఎంపికలో పూర్తి స్వేచ్ఛను ఇస్తుంది.

ఫ్లెక్స్ ఫ్యూయల్ బైక్‌లను ప్రవేశపెట్టడానికి ప్రధాన కారణాలు ఏమిటి?

దేశీయ ముడి చమురు దిగుమతి భారాన్ని తగ్గించి, వేల కోట్ల రూపాయలు ఆదా చేయడం ప్రధాన లక్ష్యం. అలాగే, కార్బన్ మోనాక్సైడ్ ఉద్గారాలను 77% వరకు తగ్గించడం, రైతులకు అదనపు ఆదాయం అందించడం దీని ఉద్దేశ్యం.

హీరో స్ప్లెండర్ ప్లస్ ఫ్లెక్స్ ఫ్యూయల్ బైక్ సాంకేతికంగా ఎలా పని చేస్తుంది?

ఇథనాల్‌కు తట్టుకునేలా 36 విడిభాగాలను రీడిజైన్ చేశారు. కొత్త పంపు ఎక్కువ ఇంధనాన్ని పంపుతుంది. బైక్‌లోని కంప్యూటర్ ఇంధన నాణ్యతను పర్యవేక్షించి, స్పార్క్ టైమింగ్‌ను సర్దుబాటు చేస్తుంది.

E85 ఇంధన బంకుల లభ్యత ప్రస్తుతం మరియు భవిష్యత్తులో ఎలా ఉంటుంది?

ప్రస్తుతం ఢిల్లీలో మొదటి E85 బంక్ ప్రారంభించారు. 2026 నాటికి 500 బంకులు, 2027 నాటికి 5 వేల బంకులు, చివరికి దేశవ్యాప్తంగా 50 వేల బంకులు ఏర్పాటు చేయాలని ప్రభుత్వం లక్ష్యంగా పెట్టుకుంది.

టాప్ హెడ్ లైన్స్

Electric Aircraft: ఇంధనం అవసరం లేని ఎలక్ట్రిక్‌ విమానం రెడీ.. 60 కి.మీ. ప్రయాణించిన COMAC CE-25A ప్రత్యేకతలివే!
ఇప్పుడు ఎలక్ట్రిక్‌ విమానం వంతు.. 16 నిమిషాల్లో సక్సెస్‌ఫుల్‌గా 60 కి.మీ. ప్రయాణం
Scorpio N, Tata Safari, XUV 7XO.. ఈ మూడు SUVల్లో మీ ఫ్యామిలీకి ఏది బెస్ట్? ధర, పవర్, ఫీచర్ల పూర్తి పోలిక!
Scorpio N వర్సెస్‌ Tata Safari వర్సెస్‌ XUV 7XO.. ఈ మూడు SUVల్లో మీకు ఏది బెస్ట్?
Hero Vida Electric Bike: హీరో విడా తొలి ఎలక్ట్రిక్ బైక్... ఇండియాలో టెస్టింగ్ చేస్తూ కెమెరాకు చిక్కిన UBX 06
Hero Vida UBX 06 ఎలక్ట్రిక్ బైక్ టెస్టింగ్.. TFT డిస్‌ప్లే, క్రూయిజ్ కంట్రోల్‌తో కొత్త మోడల్!
Rodent Attacks: కారు వైర్లను ఎలుకలు కొరికేస్తున్నాయా? రూ.వేల రిపేర్‌ ఖర్చు తప్పించుకోవాలంటే ఈ 5 చిట్కాలు పాటించండి!
కారు ఇంజిన్‌లోకి ఎలుకలు వెళ్తున్నాయా? స్ప్రే నుంచి స్టీల్ మెష్ వరకు.. రక్షణకు 5 మార్గాలు!

వీడియోలు

Hyderabad's Korean Craze Taking Over Youth | హైదరాబాద్‌లో పెరుగుతున్న కొరియన్ కల్చర్ ప్రభావం
Bhuvneshwar Kumar Disastrous T20 Comeback | రీ-ఎంట్రీలో భువి ఘోర రికార్డు
India Women Vs Zimbabwe 2nd ODI | జింబాబ్వేపై భారత మహిళల జట్టు చారిత్రాత్మక విజయం
Team India World Record in T20 | ప్రపంచ క్రికెట్ చరిత్రలోనే తొలిసారి: 200 T20I విజయాలతో టీమ్ ఇండియా వరల్డ్ రికార్డ్
Virosh Couple Clarity on Divorce Rumours | ట్రోల్స్‌కు విజయ్, రష్మిక అదిరిపోయే కౌంటర్

ఫోటో గ్యాలరీ

వ్యక్తిగత కార్నర్

అగ్ర కథనాలు
టాప్ రీల్స్
Lakshya Raichandani Reply: ఆసియా కప్ ఫైనల్ సంబరాలపై విమర్శలకు భారత కెప్టెన్ దిమ్మతిరిగే సమాధానం, కుర్రాళ్లకు అండగా నిలిచిన బీసీసీఐ
ఆసియా కప్ ఫైనల్ సంబరాలపై విమర్శలకు భారత కెప్టెన్ దిమ్మతిరిగే సమాధానం, కుర్రాళ్లకు అండగా నిలిచిన బీసీసీఐ
Akvan Cyclone: ముంచుకొస్తున్న తుపాను ముప్పు.. నెల్లూరు-తుని మధ్య తీరం దాటే అవకాశం.. సీఎం చంద్రబాబు అత్యవసర సమీక్ష!
ముంచుకొస్తున్న తుపాను ముప్పు.. నెల్లూరు-తుని మధ్య తీరం దాటే అవకాశం.. సీఎం చంద్రబాబు అత్యవసర సమీక్ష!
BJP on Rahul Gandhi: భారత్ సమ్మిట్ వేదికగా దేశ ప్రతిష్ఠను దెబ్బతీశారు - రాహుల్ గాంధీ క్షమాపణ చెప్పాలని బీజేపీ డిమాండ్
భారత్ సమ్మిట్ వేదికగా దేశ ప్రతిష్ఠను దెబ్బతీశారు - రాహుల్ గాంధీ క్షమాపణ చెప్పాలని బీజేపీ డిమాండ్
Crime News: పోలీసు జీపు నుంచి లాగి మరీ చితక్కొట్టిన గ్రామస్తులు.. అంత దారుణం చేశాడు మరి!
పోలీసు జీపు నుంచి లాగి మరీ చితక్కొట్టిన గ్రామస్తులు.. అంత దారుణం చేశాడు మరి!
DNK Collections : మౌళి DNK ఫస్ట్ వీకెండ్ కలెక్షన్స్ - చిన్న సినిమాకు మూడు రోజుల్లో వసూళ్లు ఎంతంటే?
మౌళి DNK ఫస్ట్ వీకెండ్ కలెక్షన్స్ - చిన్న సినిమాకు మూడు రోజుల్లో వసూళ్లు ఎంతంటే?
Bhimavaram Municipal Elections: భీమవరం మున్సిపల్ పోరు.. నన్ను కాదు, బీజేపీని అవమానించారు! కేంద్ర మంత్రి సంచలన వ్యాఖ్యలు
భీమవరం మున్సిపల్ పోరు.. నన్ను కాదు, బీజేపీని అవమానించారు! కేంద్ర మంత్రి సంచలన వ్యాఖ్యలు
Electric Aircraft: ఇంధనం అవసరం లేని ఎలక్ట్రిక్‌ విమానం రెడీ.. 60 కి.మీ. ప్రయాణించిన COMAC CE-25A ప్రత్యేకతలివే!
ఇప్పుడు ఎలక్ట్రిక్‌ విమానం వంతు.. 16 నిమిషాల్లో సక్సెస్‌ఫుల్‌గా 60 కి.మీ. ప్రయాణం
India Myanmar Naval Exercise: విశాఖపట్నంలో ఆకట్టుకున్న 8వ ఎడిషన్ భారత్- మయన్మార్ నావికాదళ విన్యాసాలు
విశాఖపట్నంలో ఆకట్టుకున్న 8వ ఎడిషన్ భారత్- మయన్మార్ నావికాదళ విన్యాసాలు
Embed widget