Car Resale Value Tips: మీ కారుకు మంచి రీసేల్ వాల్యూ ఉండాలంటే ఉండాల్సిన టెక్నాలజీ ఇదే!

Car Resale Value Tips: కారు కొనేటప్పుడు సౌకర్యాలు, ఫీచర్లతోపాటు రీసేల్ వాల్యూ కూడా చూస్తున్నారు. భవిష్యత్‌లో కారు ఎంత విలువ చేస్తుందనే అంశాన్ని దృష్టిలో పెట్టుకొని కొంటున్నారు.

మీ కారుకు మంచి రీసేల్ వాల్యూ ఉండాలంటే ఉండాల్సిన టెక్నాలజీ ఇదే!

Source : freepok

Show Quick Read

Key points generated by AI, verified by newsroom

• కారు కొనేటప్పుడు రీసేల్ విలువ, ఐదేళ్ల తర్వాత ధర కీలకం.
• ఆధునిక టెక్నాలజీ, భద్రతా ఫీచర్లు కారు విలువను పెంచుతాయి.
• 6 ఎయిర్ బ్యాగ్స్, లెవల్-2 ADAS, కనెక్టెడ్ కార్ టెక్నాలజీ ముఖ్యం.
• టాటా, మహీంద్రా, హ్యుందాయ్, కియా మోడల్స్ అత్యుత్తమ రీసేల్ విలువ కలిగి ఉన్నాయి.

Car Resale Value Tips: భారతీయ ఆటోమొబైల్‌ మార్కెట్ ఇప్పుడు ఒక కీలకమైన మలుపులో ఉంది. ఒకప్పుడు కారు కొనాలంటే రంగు, మైలేజీ చూసేవారు, కానీ ఇప్పుడు పరిస్థితులు మారిపోయాయి.  ఇప్పుడు కారు కొనేటప్పుడు కేవలం ప్రస్తుత అవసరాలే కాకుండా, ఐదేళ్ల తర్వాత ఆ కారును అమ్మితే ఎంత ధర వస్తుంది. అనే అంశానికి అత్యంత ప్రాధాన్యత ఇస్తున్నారు. ప్రత్యేక టెక్నాలజీ, భద్రతా ప్రమాణాలు లేని కార్లు సెకండ్‌ హ్యాండ్ మార్కెట్‌లో చాలా వేగంగా తమ విలువను కోల్పోతున్నాయి. 

మీ పెట్టుబడికి భద్రతనిస్తూ భవిష్యత్తులో అత్యుత్తమ రీసేల్ విలువను అందించే భారతీయ ఎస్‌యూవీ మోడళ్లు, వాటిలోని ఫ్యూచర్ ప్రూఫ్‌ టెక్నాలజీ గురించి తెలుసుకుందాం. 

రీసేల్‌ విలువను శాసించే బిగ్‌5 టెక్నాలజీ

వనరుల విశ్లేషణ ప్రకారం మీ కారు త్వరగా అవుట్‌డేటెడ్ కాకుండా ఉండాలంటే ఈ ఐదు ఫీచర్లు ఉండటం చాలా అవసరం. 

భారత్‌ ఎన్‌సీఏపీ  అండ్ 6 ఎయిర్‌ బ్యాగ్స్‌

ప్రస్తుతం భద్రత అనేది ఒక ప్రాథమిక అవసరంగా మారింది. 6 ఎయిర్‌ బ్యాగ్స్‌ లేని కార్లు భవిష్యత్‌లో ప్రమాదకరమైనవిగా భావిస్తున్నారు. టాటా, మహీంద్రా వంటి కంపెనీలు ఇప్పటికే ఈ ప్రమాణాలకు అనుగుణంగానే కార్లు తయారీ చేస్తున్నాయి. 

లెవల్‌-2 ADAS

ఇది కేవలం హెచ్చరికలు ఇవ్వడమే కాకుండా కారును పాక్షికంగా నియంత్రించగలదు. 

కనెక్టెడ్ కార్ టెక్నాలజీ

10 ఇంచుల కంటే పెద్ద ఇన్ఫోటన్‌మెంట్‌ స్క్రీన్‌, OTA అప్‌డేట్స్, రిమోట్‌ ఏసీ కంట్రోల్‌ వంటి ఫీచర్లు లేకపోతే కారు ఓల్డ్‌ ఫ్యాషన్‌గా ముద్ర పడుతుంది. 
అడాప్టివ్‌క్రూజ‌ , లేన్ కీప్ అసిస్ట్‌ 

ఇలాంటి పీచర్లు కలిపి ఉన్నప్పుడు దానిని లెవల్‌ -2 పిలుస్తారు. ఇది హైవే ప్రయాణాల్లో ప్రాణ రక్షణగా మారుతుంది.  

360 డిగ్రీల కెమెరా 

ఇరుకైన రోడ్లు పార్కింగ్ స్థలాల్లో స్క్రాచ్‌లు పడకుండా కారును కాపాడుకోవడానికి ఇది ఎంతో ఉపయోగపడుతుంది. 

ESC, TPM

వర్షంలో లేదా మలుపుల్లో కారు స్కిక్ అవ్వకుండా కాపాడే ఎలక్ట్రానిక్‌ స్టెబిలిటీ కంట్రోల్, టైర్‌లో గాలిని పర్యవేక్షించే TPMS ఇప్పుడు మాండేటరీ అవుతాయి. 

అత్యుత్తమ రీసేల్‌ వాల్యూ ఉన్న ఎస్‌యూవీ మోడల్స్

ప్రస్తుతం చాలా మోడళ్లు ఈ ఐదు ఫీచర్స్‌తో వస్తున్నాయి. వాటిలో కొన్ని వివరాలు ఇస్తున్నాం. వాటి గురించి తెలుసుకుందాం. 

టాటా నెక్సాన్‌, పంచ్‌

ఇవి భారత్ ఎన్‌క్యాప్‌ ఫైవ్ స్టార్ రేటింగ్ కలిగి ఉండటమే కాకుండా, బేస్ వేరియంట్‌ నుంచే ఆరు ఎయిర్‌బ్యాగ్‌లను అందిస్తున్నాయి. టాటా ఐరా కనెక్టెడ్‌టెక్నాలజీ వీటికి అదనపు విలువను ఇస్తుంది. 

మహీంద్ర XUV700& XUV 3XO 

ఈ మోడళ్లు టెక్నాలజీకి మారుపేరుగా నిలుస్తున్నాయి. లెవల్‌ -2 అడాస్‌ సామాన్యులకు అందుబాటులోకి తీసుకొస్తున్నాయి. ముఖ్యంగా ఎక్స్‌యూవీ 700 లోని అడాప్టివ్‌ క్రూజ్ కంట్రోల్‌ వంటి ఫీచర్లు దీని రీసేల్‌ విలువను పెంచుతున్నాయి. 

హ్యూదాయ్‌ క్రెటా& కియా స్టెలోస్‌

ఈ మోడళ్లు టెక్నాలజీలో తోపులుగా ఉన్నాయి. లెవల్‌ -2 అడాస్‌, 360 డిగ్రీ కెమెరా బ్లూలింక్‌ లేదా కియా కనెక్ట్ వంటి అత్యుత్తమ కనెక్టెడ్ ఫీచర్లు వీటిని ఎప్పుడూ ట్రెండ్‌లో ఉంచుతాయి. 

టాటా హారియర్‌, సపారీ 

వీటి ఫేస్‌లిఫ్ట్‌ వెర్షన్లు 5- స్టార్ సేఫ్టీ, లెవల్ -2 అడాస్‌తో వస్తున్నాయి. ఇది వీటికి ఫ్యూచర్ ప్రూఫ్‌ మోడళ్లుగా మార్చింది. 

మరిన్ని చదవండి

మీది కనెక్టెడ్ కారేనా? ఈ వాహనాల్లో ఉండే ఫీచర్లు, సౌకర్యాలు ఏంటీ?

దేశంలో అత్యంత చవకైన ఆటోమేటిక్ కారు ఏది? టాప్ 3 కార్ల ధర, ఫీచర్లు ఇవే